2 SAMUEL 12:10 - ASII LAKDAP Bible (BSI)

¹⁰ Riita ümchaü sanha, maiqpat aweatek na, ümsaü ümsetiim phong wa, sho na kaihoti ka siruq miraq. Jamkhano ngukla, ümniiraq ngi bom taimaü riilaü, kiimaq Uria tanyung ka romphaq wan laü.

Hawa Naga Bible 2001

¹⁰ Majuiuc, mnoz rueq ngvy kvjaz kuex phvnx muq maq Uria taungnyuiuz kuex lvmz wvnc toq ningkhvnc nuex miqpat tek vtueq msuiuz msaz hez wvyvmc kuex yauk laungc yalawx yauk shuimc nuex thueyc wuez tuex.

2 SAMUEL 12:10 Referencias Cruzadas

RAPHA HIQWA LAK 20:3

Rawashi Shiikeawe ka apaiq phana rawa ma maq tiichhikito. Raüta akha nguto, “Ümniika atsai she mirhaü. Jamkhano ngukla ümniiraq arnyung ara lam wan laü. Apaiq ka maiq ma awa wishe, maiq-nyung.”

2 SAMUEL 18:33

Hokhamwe ka atsanbi ahositsi raq atsai she riito. Apaiq ka kilamchong wukhu thaq na ra na khok ashi asi. Kiijaq wawanto. Raüta hoqsiq wanto. Apaiq ka ra khok kiina wawan lam miili, “O ise lei! Ise Absalom lei! Absalom, ise lei! Ümnaq tsai rii na, ngi tsaiha jaq khoti ahea riichang wa, ise lei! Ise Absalom lei!”

1 HOKHVMX 15:5

Tatiwe raq apaiq ma akha klo kuqtaq arka, Dawit riika Tatiwe raq lungwiitlaq kriili klo wanto. Kiimaq apaiq raq Tatiwe aming thun ka poshi min tlea mak riito. Apaiq shut ka Uria Hitaiq phanwe kha na shuttaq kriili riito.

TAKSU LAK 17:13

Jurwa apaiq ma ahea jaqshamketi ma, abi maq songkuq tlaq, kriiti jamkun na abi jaqsham, raüchong micham wan.

AMO LUIK DVP (AMOS) 7:9

Isak saüsetiim raq shomjam thun haiwantaq kra, wiita she mishthen baiqha. Israilnok raq shomnoq wan chang asii jamthun kra, wiita she mirun baiq wan ha. Ngi raq Hokhamwe Jeroboam saüse phan ka, wiita she chongthum ma mitiijabaiq ha,” nguta Tatiwe raq chongtlo.

WEAWEA 11:20

Shatmaq jipi lüshi lütang nyasiq lanta, namshiq nilok mong maq ngamphu ka dong kili chang she, namshiq ka ngam raq ngiirai lanta namwok riim raq atsi tiibumhap she miraq. Akha namshiq ma misaü wan, jamkhano ngukla namshiq raq Tatiwe arjaq namshiq rai adam sitiwe ka weahü tiishaü baiqlan. Kiimaq namshiq ka Ejip mung wa laü wan manli riichang wa nguta bot nyan trang lan.’”

Matthew 26:52

Kra chhi raüta, Jesuq raq apaiq ka akha siato, “Üm jasai ka ahi mong na rei tlo laq. Jurwa jasai sham tlaq, kriiti ka jasai maq mitsai.

Matthew 6:24

“Jurmin tijong wenai rümlot mak. Apaiq raq weshi ka alungwii miraq. Kiimaq weshi ka ashummii miraq. Apaiq raq weshi ka ashreng miraq. Kiimaq weshi ka asaisi miraq. Ümniiraq Shiikeawe nai tsiiq tum ka adam na shomnoq wan lot maü.”

Romans 2:4

Arka namshiq raq, Shiikeawe raq namshiq ma, mangchan tsii jonghea rüm tlaq kra shishe lam na khat tlo. Kiimaq apaiq raq namshiq shutphit ka mangchan tsi ma, namshiq ka atsea wan chang wiimin, tsat son n mak maq, anin riiwan tlo, kiimaq ranaiq shishi kla, namshiq raq tsii michhi wan han ahiq, nguta tsan tiibum raüta, namshiq tsantsii klai wan ka khe tlo. Shiikeawe raq namshiq ka kai lungwii tlo nguta namshiq riimin asap han. Shiikeawe raq namshiq mangchan tlaq arka, namshiq raq ngarai tsantsii kra miklai tlo laq, nguta ngo maq mangchan tlo.

1 Thessalonians 4:8

Krai mren, jurwa ara chong tiikai tri ara jin tlaq, kriiti riika, maiqse aming jin riimak, shatmaq, Shiikeawe tri, Asii Wenyi keti we tri jintlo ngushat.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.