2 SAMUEL 10:12 - ASII LAKDAP Bible (BSI)

¹² Ningkun shoq laq laüta srea nola ma jalaq! Namung miitu nai nashiq Shiikeawe chela thun kra miitu re ka khat rong i. Kiimaq Tatiwe raq thapthi tlaq kra phanphan li mihong laq!”

Hawa Naga Bible 2001

¹² Hungc tsvnc vtueq khvmc wuez shuinz! Naungshiq miqsaz tvkoc nuiyc naungshiq Tishox ghaqyungx htenc tvkoc nuex phaungx duing maq khvt wuez ix. Yehowa thuinroc m-yaungx wvnc kueq!” ngoz tueq jungx tueq.

2 SAMUEL 10:12 Referencias Cruzadas

2 SAMUEL 10:11

Joab raq apaiq ma akha chongkuqto, “Sirianok raq ngi ka tangwan la chhihaüla, ümniika iphana walaüta khrumlaq. Kiimaq Ammonnok raq ümniila tang wan raüla, ngi kilata ümniika mikhrum kang.

2 SAMUEL 15:26

Shatmaq apaiq ka ngi ma atsan heamak jiika, apaiq raq ngi ara jamkhii tiijasha wa thapthi tlaq, kra phanphan miklo laq.”

1 KAÜWA WERAÜ 19:13

Nola ma jalaq. Kiimaq akhiismin naqhaikiq! Namungti miitu kiimaq na Shiikeawe chela thun kra miitu ningkun shoq laita khat rong i. Tatiwe raq thapthi tlaq kra phanphan li mihong laq.”

2 KAÜWA WERAÜ 32:7

“Namshiq ka jaqkhon tiipha lantea kiimaq tsan khun maq sirong laq. Kiimaq Asiria mungti ajong hokhamwe ma riimakla asengi phenlabi awokhong na sheahotlaq kriimiika naqhai rongkiq. Apaiq rai pongdamti ningkun thaq na nashiq rai pongdamti ningkun ka aheng lin.

NEHEMIA 4:14

Ngi raq mungmaiqse ka, tsan na chapa asi chhikang. Kra ningkhan, ngi raq tsangshiq ma, kiimaq tsangshiq khuthaq na ashun sheati welabi ma, kiimaq siihiipbi ma, “Nashiq jaqtibi ma naqhai rongkiq. Tsan na tiitsang rong laq; Tatiwe ka phiiptsi jiiptsi. Apaiq ka nammung miitu, namsetiim miitu, nam chaktiim miitu, kiimaq namshiq jamkun miitu re mikhat.”

NEHEMIA 4:8

Kra ningkhan she, tsangshiq wiita ka kiqshi maq ri raüta Jerusalem khat wa miitu, reshe shunto. Raüta naishiq ka tiimrurang lai nguta mat kha tanto.

ESTHAR 4:16

“Kilaq, laüta Susa chela na Jehudinok mungmaiqse ümchuwa sitlaq kra tarü adam na triitam laq. Lanta, ngi miitu amang maq achu jaü ronglaq. Anaiq naitsam, awa watsam, jamlai min naq phaqsiq rongkiq. Kham min naq nyang rongkiq. Ngi riimin, ijaqshisetiim jechaksere rai, namshiq rai adam na achu mijaükang. Kra lot jai shetiq, tri na hongmak li jiimin, ngi ka hokhamwe rai riihum wa she miwa kang. Riita kra miitu, ngi ka atsai chang she dea jiika, bam laq. Ngi ka mung miitu mitsai kang.”

YOBA 1:21

Apaiq raq akha nguto, “Inyung puk maq siipe chiito, kiimaq ngi ka siipe hali mitsai nong ha. Tatiwe raq kuqto, kiimaq ümchaü apaiq raq hali lam wan nongto. Apaiq mang kli mitiitsam laq!”

WEAWEA 13:20

Kiimaq hiq ka hiqpo hiq win sha, kiimaq kra mung na pechong wiirü rum ka asi sha. Kiimaq kra mung na petsi tsingo tlaq kriiwa panho lanta lamho ka naq laq rongkiq.” (Kra akhing ka spiqtsi manchoji riito.)

1 Corinthians 16:13

Tsii lam shatmaq si rong laq. Kamasham na pharangrang maq si ronglaq. Kamasham srea ma jaronglaq. Nola ma jaronglaq.

TRI CHONGKE 31:6

Namshiq ka jaq khon tiipha tiipha lanta sironglaq. Kiimaq kamto maq sironglaq. Tsangshiq ma akhiismin naqhai rongkiq. Nam Shiikeawe, Tatiwe ka apaiq pumsii maq namshiq rai nongshnong miraq. Apaiq raq namshiq ka tiishaü mak miraq. Kiimaq miimbaiq mak miraq.”

TRI CHONGKE 31:7

Kiijiishe Mosheq raq Joshua ka heato. Raüta Israilnok mungmaiqse man na apaiq ma akha nguto, “Ümniika jaq khon tiipha tiipha laüta silaq. Kiimaq kamto maq silaq. Ümniiraq arnok ka shea wan laüta Tatiwe raq tsangtitiim ma mikuqha nguta kiqkham kuqtaq mung kra mijiiwan haü.

Hebrews 11:33

Tsangshiq raq, kamtsantsii maq, ara maiqmung ümchuwa sitlaq ka khat wanto. Raüta, tang wanto. Tsangshiq raq, jamlai wa tang tlaq lamlu ka, klo wanto. Krai mren, Shiikeawe riimin, tsangshiq jaqsham ka thukto dea nguta tre wanto. Kiimaq, apaiq raq jamlai wa mikuq ha nguta sinkham kuqtaq, kriika kuqto dea. Tsangshiq ka hangsi kong nübok kiidea min, aphup riibaiqto.

Hebrews 13:6

Ningkun shoq laita akhiili ngu i na, “Ngi liiti Tatiwe ri asi, Ngi ka hai mang; Maiqse raq ngi ka jamkho miraq?”

JOSHUA 1:18

Jurwa ümwokhong na simak, kiimaq ümnaq aming tlea tlaq, kriiti ka atsea baiq ratlo. Ningkun shoqwiishoq riilaq kiimaq srea nola ma jalaq!”

JOSHUA 1:9

Ngi raq ümchaü ümniima aming kuq tiikang. Ümniika ningkun shoqwiishoq maq srea nola ma jalaq; ümtiikiimin naqhaikiq kiimaq ümtsaiji naqtrankiq. Tatiwe üm Shiikeawe ka ümnaq ümbano kitlaü, kiijaq ümnaq rairai.”

PHOWEBI 10:15

Shatmaq Israilnok raq Tatiwe ma akhiishe tiipaiqneato. “Naishiq raq ngarai tangkai dea. Ümniiraq naishiq ka jamkhii tsat-son rowa kra ümniiraq thi. Shatmaq ümchaü ranaiq naishiq ka tiichhii kuqlaq.”

1 SAMUEL 14:12

Kiijiishe tsangshiq raq Jonathan nai jerowe kriima akha heato, “Warong ra ana! Naishiq raq namshiq ma phanshi ra bom chongke chang asi!” Kiijiishe Jonathan raq jerowe ma akha nguto, “Ümniika ijai phanphan khumlaq. Tatiwe raq Israilnok ma tsangshiq ka tiitang kuqto she.”

1 SAMUEL 14:6

Jonathan raq jerowe nangnga nguto, “Nanai ka thatsang maiqse Philistainnok phenlabi piitiip kiina saüli jin wan i. Jursap, Tatiwe raq nanai mokhrumke moraq miraq; apaiq raq khrum kuq raü ka, nanai laqlaqse, maiq atsapseli li jiimin, rekhat ka nanai ma mitiitangkuq, jamlai phan riimin tangta lot mak miraq.”

1 SAMUEL 17:32

Dawit raq Saul ma nguto, “Chaü lei, ara Philistainwekaü arma, jumin hai maimak! Ngi kilata apaiq ka mikhatha.”

1 SAMUEL 3:18

Kra ningkhan, Samuel raq apaiq ma wiita chongto. Apaiq raq bom poshi min dampaü mak riito. Eli raq nguto, “Apaiq ka Tatiwe; apaiq ma jamlai ahea kra miklo.”

1 SAMUEL 4:9

Philistainnok lei, nola ma jarong laq! Maiqwe ikha khat rong laq. Riimak la, tsangshiq ka nashiq di ma jawataq ikha nashiq ka Hibrunok dikong ma ja chang she miraq. Kra ningkhan maiqwe ma jalanta khat rong laq!”