2 Peter 1:19 - ASII LAKDAP Bible (BSI)

¹⁹ Ara ra wa bomtsi saütaq kriika, man na shammibi raq Messia ka misaüho lii nguta chiiriim raüta tra hokuq wantaq kriika, tengto dea nguta bomchong raükha tiipha wan she riito. Arkha maq, nashiq raq shammibi bomchong ka tsan na atsi maq thü laita kam hai jiika nashiq ma ahea miraq. Krai mren, namshiq tarü raq, shammibi raq achongthü tsütsa kiima kam lanta sironglaq. Tsangshiq raq achongkuq tsütsa ka ranyaq mong na piijongteng tlü tlaq ikha maiqse ma wenyi walüli. Ranap rawü rashe midong hoshaq wiiwii ka, piijongteng wanii ka akhek raa tlo. Namshiq mongjii na Jesuq Khristo, ranap Saiqwüpo kra misaüho shaq wiiwii, shammibi bomchong piijongteng kra samhea tiinyai lanta thü ronglaq.

Hawa Naga Bible 2001

¹⁹ Kvkhoc rvtueq nuiyshiq kuex shvmmax bix rueq jungc tvtay wvnc tueq bomjungc kuex thuinz nuex rvkhauk laz lvp wvnc tix. Nuimshiq rueq kvruex kvjaz kuex vhvlx waq tsvp kvp wuez shuinz, yvmx khoc lac ngoz ruiux lec kvruex kuex nuimshiq thuinz vmungx nuex lez wvnc vtueq raungnvp ruiywuic poz dungc wvnc nuex httuiuc laz, raungnyauk baung nuex lez yaq wvrkok ikhoc rvtueq.

Muklom

¹⁹ Iri rangma rangsamal tang raaq sha asing ta í aa jaqhal eq sam i. Iri tang raa jaqhal eq tat inn, chammatakoi iri raaq tang raa wallit mal, bara rangnap ang wey moq náng thula etho rangnap taset bara Khristo, nim tin tang na pháng wey moq náng duk, rangnak na lip na.

2 Peter 1:19 Referencias Cruzadas

Tvtsvmc 119:105

Ümbomtsi ka lemtem ngi ma lamsheati, kiimaq ngi khumchang lam na rawüli.

TAKSU LAK 6:23

Tsangshiq danhon ka, ümniima achai anyii waniitu, Tsangshiq honchong ka, ümniima rilung lam.

ISAIA 14:12

“Bebilon mung hokhamwe, ranap saiqwüpo lei. Ümniika ramungtan wa dea wan laü she! Man na ümniiraq maiq mung thun pahea khat laüta jiiwan laü. Shatmaq ümchaü ümniika hiq niishe tiidea baiqto.

ISAIA 41:26

Namshiq phong wa juwero arthun ara miku wan nguta tiithai lan, kra nguraütiq naishiq raq namshiq bom ka tengtodea nguhai chang wa? Ara miitu namshiq phong wa jurmin tiithai mangdea kata; ara miitu namshiq raq atiithai ka jurmin taimak dea!

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

ISAIA 9:2

Ranyaq nyang na shongtinok raq, rawüli jonghea she chhi wanto. Tsangshiq ka ranyam biibangbang hiq na sito, shatmaq ümchaü tsangshiq ma rawü liliimtlo.

Matthew 4:16

Ranyaq mong na siti maiqse raq, rawü li jonghea ashi she michhi wan. Atsai ranyaq nyang na siti ma, rawü li jonghea ashi she mili liim wan.”

John 5:35

Johan traho bomchong ka namshiq ma wanii tu. Kra tai lanta namshiq ka chochi wan lan ihata. Namshiq ka bala shi se miitu, apaiq bomchong walü li na siwan lungwii lan ihata. Lanta chochi lan ihata.

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

John 8:12

Jesuq raq Phorisinok ma thongshi ri hali akha chongkuqto, “Ngi ahata mangjong maiqse ma rawü li. Juwa i puk na nyap tlaq kriiti raq rilung rawü milap wan. Kiimaq ümtiikiimin ranyaq mong na khum mak she miraq.”

Acts 15:29

Sumla phra noq ma akuq aphaq asea chang phan ka naq phaq siq rongkiq she. Kiimaq, ngam tiijai kiimin naq phaq siq rongkiq she. Kiimaq abuq na atiishak, tiijai tiidong baiqhü maq atsat ngam ka naq phaq siq rongkiq she. Kiimaq sethoq sepii ngarai naq tang rongkiq she. Arthun ara namshiq raq pen wan han jiika, namshiq ma ahea miraq. Naishiq raq namshiq miitu phumram khamkok toshat.”

Acts 17:11

Riita Berea chela na siti ka Thesalonia na siti nam ma phanshi tsan ka anin linlin riito. Tsangshiq raq Paul nai Silas raq tsütsa chongkuq tlaq kriika sanglili hea maq tsangshiq tsan atsi maq tiitsang taito. Kiimaq ranaiqtek Asii lakdap wa Paul raq chong kuq tlaq bomtsi ka tengtlaq dea sha nguta, tsangshiq raq sidi phat wan lili riito.

Hebrews 2:2

Natitiim nawi pat na rasetiim lümaq, Shiikeawe raq jamlai tsütsa wa chongkuqtaq, kriika khaqkhaq, bomtsi poshi min poimak maq kuwanto. Kiimaq jurwa Shiikeawe kiq tleataq, kra shut wantibi thun ka tarü, Shiikeawe raq tsangshiq maiqmii raq shuttaq kra phanphan, kha alaiq achü kra shin raüta, tsangshiq ma mo tiihoto.

James 2:8

Ara chongtiikai arkha maq, Asii bomtsi na chongtlaq, Ramungtan Thungtri aming ka namshiq raq lang lanta si han jiila, namshiq ka tingting maiqse ma mija han. Kra chongtiikai aming ka ara, “Ümniiraq ümkhum ka jamkho lungwii tlaü, kiikhiisii hali ümjam thoti chiiti kiimin lungwii laq.”

1 Peter 1:10

Riita ara chong tiikai tiichhii wan rilung ara miitu tiina, man na pat wa shammibi thun raq kai rashi hiqwia maq ritkot wantaq. Raüta tsangshiq raq ümchaü namshiq raq Shiikeawe kongphiq pattup pat-sa rilung lap wan lan ara tiithai chong kuq thiito.

1 John 5:10

Riita, ara chongtiikai arai mren, jurwa Shiikeawe Se miishe kam tlaq, kriiti tsan mong niika, ara hakhi atsam ara asi. Shatmaq, jurwa Shiikeawe ma kamwan mak riitlaq, kriiti riika, Shiikeawe ka arot we miishe tiija baiq tlo. Jamkhano ngukla, Shiikeawe raq Ase miitu tengtlaq bomtsi chong tlaq kiima, apaiq raq kam mak.

3 John 1:6

Shrabi raq ajaq naishiq phungtuti ma, ümniiraq tsangshiq ka Shiikeawe jaqsham trahoke wanhiq khum na shiikum pan kuq tlaü kra somra tsaki chong hoto. Kechu jonghea, kra jaqsham tlaü ka. Arka Shiikeawe chochi chang jaqsham. Tsangshiq traho bom chongke wanhiq khum na khrum kuq ruq shiichaq laq.

Revelation 2:28

Arka ngi raq i We jaq wa arang lap kang akha mikuq ha. Ngi raq apaiq ma ranap saiqwüpo kriimin mikuq ha.

Revelation 22:16

“Ngi, Jesuq raq i rase ka arthun tsütsa ara namshiq phungtuti ma mitiitai kuq laq nguta tiikikang. Ngi ka Dawit weraü lai. Ngi ka Ranap Saiqwüpo.”