2 Peter 1:15 - ASII LAKDAP Bible (BSI)

¹⁵ Arkha maq, ngi raq kai shiichaq lata, ngi tsai jai min, namshiq raq arthun tengman tlaq bomtsi ara wranaiqshe tsan na tiitsang shat maq siwan miitu, namshiq ma tsii chongke chang ümchuwa sitlaq, kra michong kuq ha nguta shiikut chaq tiikang.

Hawa Naga Bible 2001

¹⁵ Kvkhoc rvtueq ngaz vguez yix nuex nuimshiq rueq vruex vlvmz htenc kuex mkaq muinz tvtsuingc tvy lvp tvkoc ngaz hunglaungx taungx.

Muklom

¹⁵ Iri rangma, nga mingkang wang chuwang jio nim aa iri raaq tang raa salwet tasik shing rangma nga thaji sha somlo náng.

2 Peter 1:15 Referencias Cruzadas

Tvtsvmc 71:18

Riita ümchaü ngi ka tikiishe ikhu ikha min apü kaiwishe, ngi ka naq tiishaübaiqkiq, O Shiikeawe lei! Ümniika ngi rai lomshat riilaq, ngi raq üm ningkun nai üm hongla kra maiq pat ümchuwa saü wan tlaq tlotli ma chiiriim lata chongtiikang na.

Luke 12:58

Ashi ra raq ümniika phowebi rung na shokki kiiphaü la, apaiq rai kongkhu riihum liina. Laüta, ümnaq shokti we krai rung na misaüho shaq niili, ari aram rong laq. Kra ram maü haü la, ümrewe raq, ümniika phowebi jaq na mikuq. Kiimaq phowebi riishe ka peta jaq niishe mikuqki. Kiimaq peta raq ümniika phaqtek mong niishe mishaq baiq.

Luke 9:31

Tsangnai sham ka ramungtan wa rilung chhainyii sham. Tsangnai ka Jesuq rai, apaiq raq jaqlo miili she, Jerusalem na tsai raüta, Shiikeawe kiimung jaqsham shiiku piwan chang kra miitu bom riichong.

2 Thessalonians 2:5

Namshiq raq alaq she sha riibaiq lan, man na ngi namshiq rai siji na, arthun jai na mra pin chang si tlaq ara, namshiq ma phanchan kuq kang ihata?

2 Timothy 2:2

Ngi raq ümniima nokwe pahea man na, kamasham rilung bomtsi ka shrinkuq wan kang she. Kra bomtho raü thun ka, ümchaü ümniiraq nanok maiqshaq shaqti, maiqlare ma mija wan lotti kiimahali shrinkuq wan lili riilaq. Raüta, tsangshiq riihali, nanok Phungmaiqse ahinti, maiqlare ma mija wan lotti ma hali, mishrin kuq nong laq.

Hebrews 11:4

Kain raq akuq honglu nam ma, Abel raq akuq honglu ka athuk atsom lin riito. Abel riika Shiikeawe ma kamtsantsii lümaq kuqto. Apaiq raq, kamtsantsii maq honglu kewan kha maq, Shiikeawe raq, apaiq honglu kra taoto. Raüta, apaiq ka kechu maiqse dea nguta bom raito. Apaiq ka atsai kaikun she li jiimin, apaiq raq kamtsantsii lümaq, ümchaü niitaq nashiq rai riibom dam tlo. Jamkhano ngukla, apaiq jaqtho kiiwa, nashiq raq tsin wan chang tsütsa asi.

2 Peter 1:12

Namshiq ma tengman tlaq bomtsi ka shrinkuq wanto she. Kiimaq namshiq rang ka kra tengman tlaq bomtsi niishe apha maq cham wan tlan. Li jiimin, ngi raq namshiq ma tengman tlaq bomtsi ka wranaiqshe bliiq kiki chongkuq nong tiipha ahata.