2 John 1:3 - ASII LAKDAP Bible (BSI)

³ Shiikea Awe kiimaq Jesuq Khristo, Awe ma Ase raq, nashiq ma kaphap, tiihang, kiimaq hansang mikuq laq; arthun arka nashiq ma tengteng kiimaq lungwiitsii na asi.

Hawa Naga Bible 2001

³ Vwaz Tishox kox wawc muinz, Vwaz Saz Yesu Christu kox wawc muinz kejux, menjenc thuinz nuiyc nomic lvmx rueq tsuingrux lvmx kuex tuiuz vtueq, vdvmz dvmz rvlungwawc yaq naungshiq rulc vdvmz nuex mhttax kueq.

Muklom

³ Hiqtang wa Shkewa etho Wa Miqwasa Jesu Khristo ching kowang hiqtang ma manchan, tinshit etho nungmay cham ang aa; iri tang raa hiqtang ma asing nia tinmat jamoq cham ang aa.

2 John 1:3 Referencias Cruzadas

JEKERIA 8:19

Juda mungti raq jipi lüblai ngoja, jipi lübiingi ngoja, jipi lümiishi ngoja kiimaq jipi lüroqshi ngoja na amang maq achu jaü wan tlaq kra, Juda mungti ma chojong chise nai khoqriiq shishiiq maq poi klo miishe mija. Arningkhan namshiq raq tingting lam nai hansang lam kli lungwii ratlo.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

1 Timothy 1:14

Shatmaq, nashiq Tati Jesuq Khristo raq, nashiq ma tiichhii wan mangchan ka tsaühea rüm tlo. Kra apaiq mangchan tsii phumram kham maq, i khum na bat wan shatmaq, apaiq raq ngi ka shiililii wan kha miili, ümchaü ngi raq Khristo ma kamwan kang ara. Lata, Khristo Jesuq lümaq, Shiikeawe raq Phungmaiqse mangchan tlaq kriimin she lap wan kang.

1 Timothy 1:2

Timothi ma, kamasham na ise shaq: Shiikeawe Awe raq kiimaq Khristo Jesuq nashiq TATIWE raq ümniika kaphap shat, tiihang shat, kiimaq hansang maq mithülaq.

2 Timothy 1:13

Shrawe ashi raq nanok ma tengtlaq bomtsi ka jamkha trahoke chang wa, kiimaq jamkha shrinke chang wa, kra jaqsham ka ngi raq ümniima tlang kuq kang she. Ümniiriika i jaqtho lap laü she. Kra kha maq, kra phanphan sham wan lili riilaq. Jesuq Khristo pum lümaq tengteng kamtsantsii, nashiq ma kuqtaq, kiimaq lungwii tsantsii kuqtaq kra arang samhea tiipha laüta tiicham laq.

1 John 4:10

Riita lungwiitsii ngutiikai ka arhata: Nashiq raq Shiikeawe lungwii tiikai nguta ngo nang ka riimak, shatmaq apaiq raq nashiq lungwii tlo. Raüta, Ase ka nashiq ngarai kharü diibaiq kai miitu tiikito. Raüta nashiq ngarai kharü ka diibaiqto.

2 John 1:1

Ngi, Phukhu we raq-- Lungwii nyino nyung nai asetiim ma, apaiq ka ngi raq pinthum lungwiitiikang. Kiimaq ngi lam lam li ka riimak, shatmaq tengtlaq bomtsi lungwiiti wiita raq ümniika lungwiitlo.