1 SAMUEL 8:19 - ASII LAKDAP Bible (BSI)

¹⁹ Shamtaq mungmaiqse raq Samuel bom ka taimak she riito. Raüta akha nguto, “Riimak! Naishiq ma hokham ka akhek ratlo.

Hawa Naga Bible 2001

¹⁹ Mungx miqsaz htenc rueq Samuel kvjaz kuex tay muq maq, “Rvmuq! Nuiyshiq rueq hokhvmx roc vshix,

1 SAMUEL 8:19 Referencias Cruzadas

2 HOKHVMX 21:9

Shatmaq Juda mungti raq Tatiwe aming thun ka lang mak riito. Kiimaq Manase raq tsangshiq ka kiijaq siti pongmungti thun raq Israilnok saü wan tlaq pat na Tatiwe raq kra mung wa jobaiq wantaq maiq phan thun raq ümchuwa ngarai abi klo wantaq kriithaq niimin Manase raq mungmaiqse ma tiinanpot biheashe ngarai tiitangto.

Tvtsvmc 81:11

“Shatmaq isenginok raq ibom chong ka taimak riito; Israilnok raq ibom taimak riito.

Tvtsvmc 81:12

Kriikha na Ngi raq tsangshiq ka nilan lamphan na tiikibaiqkang kiimaq tsangshiq raq aroro lam na tiikibaiqkang.

ISAIA 66:4

Kra ningkhan, Ngi raq tsangshiq khuthaq na tiimiqchup then wan chamchao mitiisaüha. Tsangshiq ka jamlai phan mo haisongtlaq kra phan chamchao sawa mitiisaüha. Jamkhano ngukla Ngi raq tsangshiq ka heawan kang akhing na, jurmin ibom tremak. Riimakla Ngi raq tsangshiq rai riibom kang akhing na, tsangshiq raq ibom taimak riito. Tsangshiq raq tam lam lam maq ikiq khü wanto. Raüta abi kli kloto.”

JEREMIA 44:16

“Ümniiraq naishiq ma Tatiwe mang na jamlai bom wa chongkuq laü kriika naishiq raq langmai.

JEREMIA 7:13

Ngi raq namshiq ma bliiq kiki chongkuq wankang. Shatmaq namshiq raq arthun ngarai tang wan lan. Namshiq raq ibom taiman, ikiq khiiwan lan. Ngi raq namshiq mangchong lata heawan pha jiila, namshiq raq ibom ka treman.

EJEKIEL 33:31

Krai mren, isenginok ka ümbom chong kra taiwa kongta hushhu ümphana watlo. Shatmaq ümniiraq tsangshiq ma jamlai bom wa chongkuq tlaü kriika tsangshiq raq lang mak. Tsangnübok miika lungwii bomtsi bomtlo. Shatmaq tsangshiq ka sükha rilung lam kra phan raütli sitlo.

TRI CHONGKE 17:14

Mosheq raq Israilnok ma nguto, “Tatiwe üm Shiikeawe raq ümniima kuqtlaq mung kra ümniiraq jiiwan lot jaishe, ümniika kra hiq niishe shong nga wan haüla, ümniiraq üm tro na nanok maiq mung ahinti sitlaq kiikha ümnaq miimin hokham miraa ngutiishe bom ka mithap thi wan haü.

1 SAMUEL 12:12

Shatmaq namshiq raq Ammonnok hokhamwe Nahash raq namshiq khatwa kra chhi lanta, namshiq raq Tatiwe ka, namshiq hokham riimak nguta shipoq lan. Lanta ngi nangnga, ‘Naishiq rümti hokham weshi shongke ratlo,’ nguta ngulan.