1 SAMUEL 8:18 - ASII LAKDAP Bible (BSI)

¹⁸ Ümtiikiiwa kra akhing she saüwa jiiq, namshiq maiqmii raq atsea han nam hokhamwe miitu, namshiq raq, makphai khüshang miishe mitiibot han. Shamtaq Tatiwe raq namshiq tiipaiqnea hoqtrang tlan ka, tre mak she miraq.”

Hawa Naga Bible 2001

¹⁸ Ekvkhoc httuiuc wvnc tuex nuex, nuimshiq miqmac rueq thvl wvnc tuit nuimshiq hokhvmx waz ningkhvnc nuex, khuip khaq laz juing nuimshiq kvbot nyvnx wuez tuinx, yuq muinz Yehowa rueq nuimshiq kvbot nyvnx tuinx kuex tay kuq kv-phuinx rvmuq,” ngoz tueq jungphvnx kuq tueq.

1 SAMUEL 8:18 Referencias Cruzadas

2 KAÜWA WERAÜ 10:11

Tsangshiq ma akha chongkuq laq, ‘Iwe raq namshiq raikhü na holai ka laihea tiiho kuqto; ngi riika kriithaq lai heashe mitiiho kuqha. Apaiq raq namshiq raikhü na chunpo nyam sintsang maq tsatto; ngi riika kumrang tsatchang sintsang nyam miishe mitsat ha!’”

YOBA 27:8

Shiikeawe sap mak maiqsetiim ma Shiikeawe raq tsangshiq miisaq lam wan ranaiq na aran chang asi shea?

YOBA 27:9

Chamchao akhing na, tsangshiq hoqsii tlaq kra Shiikeawe raq mitai shea?

Tvtsvmc 18:41

Tsangshiq ka khrumti rit hoqtrangto, shatmaq jurmin tsangshiq ka tiichhiikuq mak; tsangshiq raq Tatiwe heato, shatmaq apaiq raq tremak.

TAKSU LAK 21:13

Ümniiraq miitsan maiqse, hoqtlaq kra taimaü haüla, ümniiraq khrum jaü hoqtlaü kriimin, tremak miraq.

ISAIA 1:15

“Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 59:1

Tatiwe ka ningkun jomhea namshiq tiichhiilot mak, riimakla nitang biila namshiq raq apaiq jaq wa khrum jaütlan ka trelot mak nguta namshiq raq naq tiima rongkiq!

ISAIA 8:21

Mungmaiqse ka tsang mung na barap binrii na khumshkhum she mimang miiki. Tsiim jüshushu kiimaq tsang ramtsi raq apit miraq. Tsang ramtsi ma nai tsang tsankhiqtsi ma, tsangshiq raq tsang hokhamwe nai tsang Shiikeawe kiima manson kiqsüli she miraq. Tsangshiq mak ka ra nü na ki raqraq milii.

EJEKIEL 8:18

Tsangshiq raq itsankhiq walütu hengwa kriishe mihophaq. Ngi raq tsangshiq ka tiiwong kuq mang she. Kiimaq tiihang mangchan min tiichhikuq mang she. Tsangshiq raq ijaq wa achujaü ka ümtinkhan hong raüta jaü raü min, Ngi raq tsangshiq achu jaü ka trekuq mang she.”

Mikha 3:4

Namshiq ningthoi ranaiq ka saü wanto she. Kra akhing na namshiq ka, mihoq phaq han. Shatmaq Tatiwe raq namshiq achu jaü tremak miraq. Apaiq raq namshiq achu jaü ka taimak she miraq. Jamkhano ngukla namshiq raq ashut thunglai pahea klo lan.

Luke 13:25

Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.

1 SAMUEL 8:17

Kiimaq apaiq raq namshiq raq jam nyamse rümtlan kiiwa, manroqshi wa manshi ka apaiq raq milamho. Kriithaq niimin, namshiq maiqmii thun kiimin apaiq dikong miishe mitiija.