1 SAMUEL 6:14 - ASII LAKDAP Bible (BSI)

¹⁴ Kra leng ka Joshua wak na saüwato. Apaiq ka Beth Shemesh chela na siti. Raüta leng ka longkaü jonghea ashi kra tho na khing kito. Nokmaiqse raq pe maq ahai leng ka chumto, kiimaq minsaü kaünai kra tato, raüta wiipumtam maq wa na chaq raüta Tatiwe ma honglu na kuqto.

Hawa Naga Bible 2001

¹⁴ Renc kuex Bet Shemesh ghaq wuinz Yoshua muingc yaq waz wuik nuex httuiuc kaz vtueq, lungkuiux hep nuex jvp kaz tueq. Miq htenc rueq pulx renc kuex tvhtaq tvruk soalc gay ruiux, manx kuiux nueyc kuex thvt vtueq Yehowa tvkoc wvr maq jauk shomc nawk juing muex tvyaungc vtueq shomc kuq tueq.

1 SAMUEL 6:14 Referencias Cruzadas

2 SAMUEL 24:18

Kra ranaiq niili Gad ka Dawit phana wato. Raüta apaiq ma chongto, “Ümniika Arauna tsambuk chang hiq ba kiijaq kilaq. Laüta Tatiwe miitu berong-wacha ashi hailaq.”

2 SAMUEL 24:22

“Lamho laq. Chaü lei,” nguta Arauna raq treto. “Laüta ümniiraq jamlai wa ahea nguta riiwea tlaü kra phan phan Tatiwe ma honglu kuqlaq. Wa na chaqtlii-honglu take miitu min minsaü pongwetiim arjaq ara. Kiimaq honglu wa kra chaq chang chin miitu min ara minsaü pongwetiim raq tsam nichang thaikii thun min arjaq ara.”

2 SAMUEL 24:25

Kra raütiishe, apaiq raq Tatiwe ma berong-wacha ashi haito. Raüta chaqtlii-honglu thun nai rintii-honglu thun kra takuqto. Krai mren, Tatiwe raq apaiq achu jaü ka treto. Kiimaq Israil mung na thabi dong kra tiitsaqto.

1 HOKHVMX 19:21

Kra raütiishe Elisha ka apaiq minsaü pangkong kra phaniishe kito. Raüta kra thun ka taato. Raüta ngam ka lumto. Kra ngam lum chang chin ka minsaü pang thaikii thun kra tiipan thamto. Raüta apaiq ngam ja ka nokmaiqse ma tiiphaqto. Krai mren tsangshiq raq ngam ka phaqto. Kra lot raütiishe apaiq ka wawanto. Raüta Elija jai she phan wanto. Kiimaq Elija jaq tretiwe miishe jawanto.

DUNGWVNC 20:24

Ngi miitu ka hiq maq berong-wacha ashi klo ronglaq. Lanta kriijaq namshiq sku nai minsaü ka wiipumtam chaqtlii honglu thun nai rintii-honglu thun kra kuq ronglaq. Ngi raq ümriiba wa pong na namshiq raq Ngi shomnoq wan miitu tseathütiikang kiijaq Ngi ka shomnoq ronglaq. Kiijaq Ngi ka namshiq phana kilata mishman kuqkang.

PHOWEBI 21:4

Kriimaq napjai ranaiq ka ranapchu maq mungmaiqse raq kiijaq berong-wacha ashi haito. Raüta rintii honglu thun takuqto kiimaq wiipumtam maq wa na chaqtlii honglu thun takuqto.

PHOWEBI 6:26

Laüta ara hiqlamse thaq na samheawiq Tatiwe üm Shiikeawe ma berong-wacha ashi hailaq. Kra hailaüta minsaü pongwe ashiti ka ta laq. Laüta ümniiraq Ashera berong adaqbaiq haü wa chin kra lam laüta, minsaü maa ka wiipumtam maq wa na chaq laüta honglu kuq laq.”

1 SAMUEL 11:5

Kra akhing na Saul ka aminsaü pang thun shea raü wak maq awa jam na asaü wa she riito. Kra tai raüta apaiq raq waito, “Jamlai mra wa pinta? Nokwe tarü ka jaro hoqtrang tla?” Kiijiishe tsangshiq raq Jabesh chela wa awa tsasoqti raq tsütsa chongtaq kriishe apaiq ma chongkuqto.

1 SAMUEL 20:29

Apaiq raq ngi nangnga, ‘Mangchan laüta ngi ka jam na tiiwalaq. Jamkhano ngukla naijamti thun raq honglu take poi ka naishiq chela na klotlo. Kiimaq iphu riimin ngi ka jam na kairaa ma nguta atsi dada maq chongto. Krai mren, ümniika riikhaqli iluwe dea ngutlaü jiila, ngi ma ijamtitiim rai riihumkai miitu aming kuqlaq.’ Kriikha na apaiq ka ümchaü ümniirai dungsea dam ahü,” nguta Jonathan raq treto.

1 SAMUEL 6:13

Beth Shemesh chelati ka hiqthung tan na bunwong hanrea riito. Kiijaq tsangshiq raq tiidongchhaq maq liikiita, Tongshong Tek ka chhito. Kra chhi raüta tsangshiq ka pinthum khoqriiqto.

1 SAMUEL 6:18

Kiimaq tsangshiq raq chaq maq alo jukpu sumla kiimin achhuq chhuq, chela thun longmaq rukje thun kiimaq hiqshong thun long maq rukhü thun kra pengti Philistainnok hokhambi webiingi miitu tiiho wanto. Beth Shemesh hiqti Joshua wakram na longkaü jonghea thaq na Tatiwe Tongshong Tek thütaq kriika, kra lea wantiiwa jaqsham kra saqse ümchaü niitaq asi.