1 SAMUEL 30:26 - ASII LAKDAP Bible (BSI)

²⁶ Riita Dawit ka Jiklak chela niishe saüwa raüta, sepat lopi tsuq wantaq kriiwa saqseng munchu thun ka, akhi alubi ma, kiimaq Juda mungti welabi ma, pheakuqto. Kra pheake wati ma bom ka akha tiichong wanto, “Tatiwe jaqtinok khatki laita sepat lopi atsuq wan kriiwa, ara namshiq rii munchu saqseng tiiho wantiikang.”

Hawa Naga Bible 2001

²⁶ Dawid kuex Ziklag ghaq nuex yek waung tueq nuex, “Yehowa ralx hez kox wawc nuiyshiq rueq vlvmz wvnc hup vsvmx kvwawc vruex kuex nuimhez muex vphvlx taq yauk noalc rvtueq,” ngoz tueq piq kung vkamz jix muex muinz, Yuda vyungx vlaungx bix muex muinz hup vsvmx vkhoz vhtaq kvrulc vdvmz nuex piq bomjungc maq tvtay jungx tueq.

1 SAMUEL 30:26 Referencias Cruzadas

RAPHA HIQWA LAK 33:11

Mangchan laüta ara kongphiq ngi raq ümniima alamhoha arka taolaq. Shiikeawe raq ngi ka kai mangchanto. Kiimaq ngi ma phanrap jam lai wa raa tlaq kra wiita kuqto.” Kiimaq apaiq raq mitaoshaq wiiwii Jakob raq shetang tiipaiq neato.

2 SAMUEL 1:1

Saul tsai jai maq Dawit ka Amaleknok khat raüta tang jai maq, apaiq ka Jiklak chela niishe jang wan nongto. Raüta apaiq ka Jiklak chela na ranaiqnai she sito.

2 HOKHVMX 5:15

Kiimaq apaiq asengikong rai Elisha phana jang wanto. Raüta akha nguto, “Riita ümchaü kla ngi riimin, ara mangjong hiq niika laihin shiikea ka ahü, Israilnok Shiikeawe sitlaq kli dea nguta saptiikang. Arningkhan, shiilangwe lei, ngi raq kongphiq kuq tiikang arka tao laq.”

Tvtsvmc 35:27

Kha ka ngi riidea tanghaüjaq nguta tsan tiitsiti raq chojong chise maq bliiqkiki akha migi trang laq, “Tatiwe ka pinthum jonghea! Apaiq ka ajaqshi se pokitaq kriima kai khoqriiqtlo.”

Tvtsvmc 68:18

Apaiq ka pum diiluhea ba kiina, apaiq rai shumwikong pahea tsuq wan raüta wawanto; apaiq raq akiq khiitibi maiq pahea jaq wa kongphiq thun jaütlo. Tati Shiikeawe ka kiijaq misi wan.

ISAIA 32:8

Shatmaq aki miikiimse riika tingting jaqsham kli klotlo. Krai mren tengteng tri miitu chaptlo.

2 Corinthians 9:5

Riita, ara chongtiikai krai mren, ngi ara naphuno wetiim ka, ngi ma kongkhu na, namshiq phana tiiwa wanli tiikang. Raüta, tsangshiq watlaq krai mren, namshiq raq kongkhu na ngi ma chong lan krai mren, tsangtsam saü wan tlaq kriijaq, tiije lanta thüli rong laq. Akha kongkhu hi lanta thü wan li raü jiitiq, ngi saü wan tiikang akhing na, honglu ka tiijeje she miraq. Kiimaq nanok makki na, maiq raq thaü raüta akuq ikhiika riimak miraq. Shatmaq, namshiq maiqmii raq tlungwii wan lanta akuq ma mija.

1 SAMUEL 18:17

Kra jai niishe Saul raq Dawit ma nguto, “Ise nyikhu nyung Merab ka asi. Ümniiraq ibom tai laüta, iwokhong maq srea nolawe ma jalaüta Tatiwe chiq are thun ka khatkuq haüla, ngi raq apaiq ka ümniima mitiiwaha.” (Saul raq tiima ka akha raüta Dawit ka Philistainnok jaq na mitsai laq. Apaiq jaq maq miiqkai ngomin raamak miraq nguta tiimato.)

1 SAMUEL 25:27

Shiilangwe lei, ümchaü min ara kongphiq lamho kang ara tao laq. Laüta ümsengi kong ma kuq laq.

1 SAMUEL 25:28

Shiilangwe lei, ngi raq shutphit kang la jiila, i mra ka adii riikuq laq. Tatiwe raq ümniika hokham ma mishong wan, kiimaq ümsaü ümsetiim kiimin hokhambi ma mishong wan. Jamkhano ngukla, ümniika Tatiwe miitu rekhat tlaü. Kiimaq ümniiriika ajiq aphiq jaqsham ka klomaü.

1 SAMUEL 30:20

Kiimaq apaiq jam nyamse kong thun kriimin wiita kunkun hali lap wan nongto. Asenginok raq sinkhu na kra jam nyamse kong thun kra tsuq wan lam maq, “Arka Dawit rii siisaq!” nguta riibom nyiim wanto.

1 SAMUEL 30:25

Dawit raq arka tri miishe thüto. Krai mren, kra akhing miiphat she, Israil mung ara tri arka jaqkhon tiipha raüta lang wanto.