1 SAMUEL 30:10 - ASII LAKDAP Bible (BSI)

¹⁰ Shatmaq Dawit ka asengi shiblai kra shea raüta re kong jai kra joho ruqli johoto. Kiimaq asengi phong wa shinai kriika, anü makaiq she kha maq, kra jüraise kra jin wan lot mak she riito. Kriikha niishe tsangshiq ka kriijaq lishe jai na tiijai japkito.

Hawa Naga Bible 2001

¹⁰ Dawid rueq piq miq 400 maq yurc laq naungx tueq; vganc 200 kuex nyec hvlc yuix yanz lot muq rvtueq yix nuex tvjungx gay shec tueq.

1 SAMUEL 30:10 Referencias Cruzadas

ISAIA 40:30

Juwa jero jongbi santla ningkun jomkitlaq; jerobi kuilang kuilabi kiimin anü makaiq niikitlo.

1 SAMUEL 14:20

Kiijiishe apaiq nai asengi ka Philistainnok khat kai kihoto. Kra akhing na tsangshiq ka maiqmii nai maiqmii liipan niilishe sunghü tsiihü riijiipsiq wanto.

1 SAMUEL 14:31

Kra ranaiq Israilnok raq Philistainnok ka khat raüta tangto. Mikmash maq phaho raüta Aijalon chela na saüli khatto. Kra akhing na Israilnok ka ramtsi raq ahaü she kha maq anii ningkun ahü she riito.

1 SAMUEL 30:11

Dawit sengibi raq wakram na Ejip mungti jerowe maiq weshi kra humto. Kra hum raüta, tsangshiq raq kriiwe ka Dawit phaniishe shea wanto. Raüta tsangshiq raq apaiq ma tü adung phanshi tiiphaqsiqto. Kiimaq kham ka tiinyangto.

1 SAMUEL 30:21

Raütiishe Dawit ka jaijang wan lam maq, asengi shinai niitsihea kha maq, apaiq rai re ka jokilot mak she lam na, Besor khamraise reko niili khingkitaq kong kriipha niishe saü wanto. Tsangshiq kiimin Dawit she saü wan kiita, apaiq nai asengi thun watlaq kra lamwa taokito. Kiimaq Dawit ka tsangshiq rai riihumto. Raüta khoqriiq shishiiq maq tsangshiq ka taoto.

1 SAMUEL 30:9

Krai mren, Dawit ka asengi nolabi shitrok kra shea raütiishe, rewenok jai kra johoto. Kiimaq tsangshiq ka Besor khamraise kriijiishe saüho raüta sanha, akongtibi maiq wiijamti ka kriijaq lamjap khingkito.