1 SAMUEL 24:21 - ASII LAKDAP Bible (BSI)

²¹ Shatmaq Tatiwe mang na, ngi ma bom poshi ara khamkuq laq, ümniiraq isaü isetiim thun ka mitiikhup wongkuqha, kiimaq imang nai ita iwii mang ka moki mak miraq nguta khamkuqlaq.”

Hawa Naga Bible 2001

²¹ Yuq muinz ngvy muingc jungc nuiyc ngvy yuimx wuinz htenc muingc jungc kuex moz kaz muq tvkoc, mnoz rueq isaz isuiuz hez kuex tvsuimz gay mauk ngoz tueq, Yehowa muingc ruingc vtueq ngaz muex bomkhvmc kuq koq,” ngoz tueq jungx tueq.

1 SAMUEL 24:21 Referencias Cruzadas

RAPHA HIQWA LAK 21:23

Kra ningkhan ümchaü ümniiraq Shiikeawe man na, ümniiraq ngi ka kiimaq isetiim ka, kiimaq isaütiim thun kra laolii maü mirhaü nguta sinkhamlaq. Ngi ka ümniirai silu riija ramkhap toshat maq siwan kang. Kiimaq ümniiriimin silu riija ramkhap ka ngi ma thüshat silaü kiimaq ümchaü ümnaq sitlaü armung arma toshat mithüha nguta kiqkhamlaq.”

RAPHA HIQWA LAK 31:48

Laban raq Jakob ma nguto, “Ara longkaü thun phongtiikai ara nanai wiita miitu tsan na tiitsang chang miraq.” Kra ningkhan kra hiq ba ka Galeed nguta mangto.

RAPHA HIQWA LAK 31:53

Abraham Shiikeawe kiimaq Nahor Shiikeawe raq nanai liipan wa kha ka mipho.” Kiijiishe, awe Isak raq shomnoqtlaq Shiikeawe mang na, Jakob raq kra sinkham bomtsi raükha kra mithüha nguta kiqkham kuqto.

Hebrews 6:16

Maiqse nai maiqse liipan na bomtsi rengkiq riikham tlaq akhing na, maiqmii ma ajong ala juwa sitlaq, kriiti mang chong raüta, kiq ka riikham tlo. Krai mren, bomkham keti we raq ra tam raüta, sinkham kuq tlo. Raüla, bom ka kiijiishe tiithum tlo. Riikhii kimak she tiisup tlo. Khamkuqtaq kriika, mikuq dongdii ngushat she.

1 SAMUEL 23:17

apaiq ma akha thüda kuqto, “Ümniika naqhaikiq. Iwe Saul raq ümdü na jaq miiqlot mak miraq. Iwe raq ümniika ranaiq shi akhing na Israil mung na hokham ma mija haü nguta asap. Kiimaq kra akhing na ngi ka ümjaq tiihap wantiwe ajong ma mijaha.”

1 SAMUEL 25:28

Shiilangwe lei, ngi raq shutphit kang la jiila, i mra ka adii riikuq laq. Tatiwe raq ümniika hokham ma mishong wan, kiimaq ümsaü ümsetiim kiimin hokhambi ma mishong wan. Jamkhano ngukla, ümniika Tatiwe miitu rekhat tlaü. Kiimaq ümniiriika ajiq aphiq jaqsham ka klomaü.

1 SAMUEL 25:30

Kiimaq ümtiikiiwa Tatiwe raq ümniima ümchuwa ahea awa miklo kuqha nguta kiqkham kuqtaq, kra thun ka tiikupi wan raüla, raüta ümniika Israil mung na hokham miishe shong raüla,