1 SAMUEL 23:4 - ASII LAKDAP Bible (BSI)

⁴ Kriikha Dawit raq thongshi ri hali Tatiwe ma wainongto. Kiimaq Tatiwe riimin apaiq ma, “Kilaq. Laüta Kaila ka khatki kiq. Jamkhano ngukla ngi raq ümniima Philistainnok ka miitiitang kuqkang.”

Hawa Naga Bible 2001

⁴ Rvkoq tueq Dawid rueq Yehowa muex laukshiz hulawx wiz yek tueq, Yehowa rueq jungx kuq tueq kuex, “Kela ghaq nuex kaz vtueq khvt kaz kuiuz, ngaz rueq mnoz muex Philistin miqsaz kuex tvtaungx gay phaungx,” ngoz tueq jungx tueq.

1 SAMUEL 23:4 Referencias Cruzadas

2 SAMUEL 2:1

Arjai miishe Dawit raq Tatiwe ma akha waito, “Ngi raq Juda mung na chela thun sitlaq kriiwa, chela ashi kra mipeng wan ha shea?” “Ahea kilaq,” nguta Tatiwe raq treto. “Riita ümra chelati wa?” nguta Dawit raq wai nongto. “Hebron chela kra,” nguta Tatiwe raq treto.

2 SAMUEL 5:19

Kiijiishe Dawit raq Tatiwe ma akha waito, “Ngi raq Philistainnok ka mikhatkiha shea? Ümniiraq tsangshiq ka ngi ma mitiitangkuq haü shea?” “Kilaq ahea! Laüta khatkikiq,” nguta Tatiwe raq treto. “Ngi raq ümniima tsangshiq ka mitiitang kuq kang!”

2 HOKHVMX 3:18

Kiimaq Elisha raq bom ka akha tiitsuq chongkuqto, “Shatmaq arthun arka Tatiwe raq jeriiqriiq heali mishamkuq. Apaiq raq namshiq ma Moabnok kiimin jeriiqriiq heali mitiikhatkuq. Raüta mitangkuq.

1 KAÜWA WERAÜ 14:10

Kiijiishe Dawit raq Shiikeawe ma waito, “Philistainnok ka mikhat kiha shea? Ümniiraq ngi ma mitiitang kuq haü shea?” Tatiwe raq treto, “Kilaq. Laüta khatki kiq. Ngi raq ümniima mitiitang kuqkang!”

JOSHUA 8:7

Kiijiishetiq, namshiq ka bom mong kiiwa dong rang lantiishe, chela ka long ronglaq. Lanta chela ka jii ronglaq. Tatiwe namshiq Shiikeawe raq chela ka namshiq ma mikuq.

PHOWEBI 6:39

Kiijiishe hali Gideon raq thongshi ri Shiikeawe ma nguto, “Ngi ma naqkhiqkiq. Ngi raq ümniima bom poshise ri chong nongpha. Ara unirai wit maq jangshi ri hali maitai nongpha. Riita ümchaü lak niika, unirai wit thun ka shinriiqriiq mirlaq. Kiimaq hiqsii thung ba ka bangkham raq jobaibai mipiim laq.”

PHOWEBI 7:7

Kiijiishe Tatiwe raq Gideon ma chongto, “Ngi raq ümniika mitiiwong kuqha kiimaq ara maiq shitsam, kham ka tsangshiq jaqphi na tsoq raüta nyangti thun kra liimiili, ngi raq ümniima Midiannok ka mitiitang kang. Maiq ahinti thun ka wiita jam na jang wan ronglaq nguta chongkuq laq.”

PHOWEBI 7:9

Kra rawa Tatiwe raq Gideon ma akha aming kuqto, “Tiido laq. Laüta Midiannok piitiip ka khatkikiq. Ngi raq kra ümjaqkhon mong na kiinong kuqkang she.

1 SAMUEL 10:22

Kiijiishe tsangshiq raq Tatiwe ma waito, “Riita maiq ahin min asi shea?” Kiijiishe Tatiwe raq treto, “Saul ka iniikiijaq, hupsam phong mong na tiipaütlo.”

1 SAMUEL 23:2

Kra ningkhan apaiq raq Tatiwe ma, “Ngi raq Philistainnok ka mikhat kiha sha?” nguta waito. Kiijiishe, “Kilaq, khatkitkiq. Laüta Kaila chelati kra tiichhiikuq laq,” nguta Tatiwe raq treto.

1 SAMUEL 23:3

Shatmaq Dawit sengibi raq apaiq bom ka akha treto, “Nashiq ka arjaq Juda mung maq santla, atiihai song chang asi. Kriithaq niimin nashiq ka Kaila na kilaita Philistainnok ka phentiip kra khatki hai jiika nashiq ma jonghea haisi chang miraq!”

1 SAMUEL 23:5

Krai mren, Dawit nai asenginok ka Kaila hiq na kiraüta Philistainnok ka khatto. Raüta tsangshiq raq Philistainnok ka pahea tsatto. Raüta tsangshiq nyamse kong pahea lamwanto. Raüta Dawit raq kra chela ka tiiwong kuqto.

1 SAMUEL 28:6

Kra ningkhan apaiq raq jamkho mija i nya nguta Tatiwe ma waito. Shatmaq Tatiwe raq apaiq ma, rawa ma miimin tiichhikuq mak, kiimaq Urim nai Thummin maq lang liikiimin, langkuq makshe riito.

1 SAMUEL 30:8

Kiijiishe Dawit raq Tatiwe ma, “Ngi raq rekong kra mijoho ha shea? Kiimaq ngi raq tsangshiq ka milokiha shea?” nguta waito. Kiijiishe Tatiwe raq treto, “Tsangshiq jai ka joho laq. Miloho haü. Laüta shumwikong thun kiimin mitiichhii wan haü.”