1 SAMUEL 20:8 - ASII LAKDAP Bible (BSI)

⁸ Riita, mangchan laüta ngi ma ara klo kuqlaq, ümniiraq ngi ma kiqkham kuqlaü japhak riihankai arka, maiq ma naq tiitaikiq. Shatmaq ngi ka ajiqwe dea jiika, ümniiraq ümjaq miili ngi ka tsatbaiq laq! Ümwe phana shea wan laüta ngi ka jaram tiitsea baiq wa?”

Hawa Naga Bible 2001

⁸ Kejux maq ngaz muex menjenc kuq koq, mnoz rueq ngaz muex kuq phux vsawc bomkhvmc kuex tv-phaungx taq shuiuz. Yuq muinz ngvy htauk nuex mvrax vhttax ngoz ruiux kuex mnoz rueq ngaz kuex thvt gay koq! Ngaz kuex thvy gay ngoz ruiux lec yvmx ngoz tueq m-waz kox nuex shvlc wvnc lac?” ngoz tueq jungx tueq.

1 SAMUEL 20:8 Referencias Cruzadas

RAPHA HIQWA LAK 24:49

Riita ümchaü min, namshiq raq itijongwe miitu jamlai jaqshamke chang wa kra misham kuq hai ngo chang jiila, apaiq ka ahea maq shreng ronglaq, kiimaq ngi ma bom ka arai riikuq ronglaq. Kiimaq riimak ngo chang jiimin, riimak ngu ronglaq, raüla ngi raq jamlai riichang she wa kra ngi riitiq she misapha.”

RAPHA HIQWA LAK 47:29

Riita apaiq ma atsai wan akhing she saü wan kiita, apaiq raq ase Joseph ka tiiheakito. Raüta apaiq ma akha chongto, “Ümjaq ka iwütong heawea na tiiwelaq. Laüta sinkham laq, ümniiraq imaa ka Ejip mung na lap mang nguta.

2 SAMUEL 14:32

Kiijiishe Absalom raq treto, “Ngi raq ümniika tiiheawa phata kimaü, kriikha na chaq kang. Ngi raq ümniika hokhamwe phana walaüta, ngi miitu apaiq ma bom ka: ‘Ngi ka Geshur chela baiqthü lata, arjaq jamlai miitu wa wakang? Ngi miika kiijiili sirai hajaq riiwe ka ahea riichang wa.’” Kiimaq Absalom raq bom ka akha nguto, “Ngi ka hokhamwe rai riihumwa miitu tiihongkuq laq. Kiimaq ngi ka ajiqwe dea jiika, apaiq raq ngi ka atseali mirbaiq laq.”

1 KAÜWA WERAÜ 12:17

Dawit ka tsangshiq rai riihumkito. Raüta akha nguto, “Namshiq ka ikongti ngo maq ngi khrumkai kilan jiila, namshiq miitu shekhu ka chinje. Naishiq rai pong rong laq! Shatmaq namshiq raq ngi ka chiqse rewe jaq na shaphaq kai kilan jiila, ngi raq riiwe kla namshiq dü na jaq ka miiqmang li jiimin, natitiim Shiikeawe raq misap. Raüta apaiq raq namshiq ma mo mitiiho.”

Tvtsvmc 116:11

ngi raq ihaisitsi ma akha bomtiikang na min, “Maiqse miika akamsea chang ahü,” kamtsantsii ka phataqtaq thüwankang.

TAKSU LAK 3:3

Iwokhong na ngi rai tiipum tlii laüta, tsapkapkap maq silaq. Itsii chong bomtsi ka lakshiitum ikha, ümdang na lak laüta silaq. Kiimaq ümmong jii na san laüta thülaq.

Acts 25:11

Kiimaq ngi raq thungtri ka shiithen kang dea jiika, kiimaq kriikha miitu ngi ka atsai chang dea jiika, ngi ka atsai miitu ka hai mang. Kiiwa hangki hajaq nguta tiipaiqnea mang. Shatmaq, tsangshiq raq i dü na jamlai kha thun wa arot akiq nyan tlaq, kriikha na jiila, ngi ka jurmin tsangshiq jaqkhon mong na tükuqlot mak. Ngi raq i kha arka Roman Hokham we rung niishe shok tiikang.”

JOSHUA 2:14

Kiijiishe kriiwe nai raq, “Nainai miisaq ka namshiq miisaq maq song! Ümniiraq nainai arjaq jamlai miitu wa wakai ara nanok ma chongmaü dam laüta thü haüla, ümtiikiiwa Tatiwe raq, naishiq ma armung ara kuqjiiq, kra akhing na, naishiq riimin ümniirai kiimaq ümjamtitiim rai sinkham bomtsi ka riikhaqli mithü hai,” nguta kriinyung ma nguto.

JOSHUA 22:22

“Ajong Pinthum kli Shiikeawe! Apaiq kli Tatiwe! Ajong Pinthum kli Shiikeawe! Apaiq kli Tatiwe! Apaiq raq asap naishiq raq ara jamkhano klokai, kiimaq namshiq riimin sap ronglaq! Naishiq raq apaiq kiq khiikai dea jiila kiimaq Tatiwe ma kamtsantsii thümai dea jiila naishiq ka atra naq tiisi rongkiq she!

RUTHA 1:8

Kiijiishe, Naomi raq anam-nyung nai ma tsii akha chongkuqto. “Namnai ka nam-nyungwe jam niili she jangho ronglaq. Namnai raq ngi ma kiimaq atsai amaati miitu jamkhiiwa lungwii tsantsii tiichhi kuq lan, kiikhiisii, Tatiwe riimin namnai ma shiiman kechu mitiijang kuq.

1 SAMUEL 18:1

Kiimaq Saul nai Dawit liipan na tsangnai bom riiwaiso ka lotto. Kra jai maq Saul se Jonathan raq Dawit ka pinthum atsidada miishe, apaiq pumsii jamkho lungwiitlaq kiikhiishe lungwiito.

1 SAMUEL 18:3

Jonathan raq Dawit ka pinthum lungwiito kha maq, apaiq raq Dawit rai pattup silu riija miitu kiqkham wanto.

1 SAMUEL 20:16

ümchaü nanai liipan na silu riilungwii ramkhamkok towan tiikai arka, pattup pat-sa tiipanki mak phan maq misilaq. Kiimaq ümniiraq kiqkham raükha kla chumbaiq haüla, Tatiwe raq ümniika sintsang miitiq mitsat laq.”

1 SAMUEL 20:9

Kiijiishe, “Ümniiraq akhiika akhiismin naq tiimakiq!” nguta Jonathan raq treto. “Ngi raq ngohea dea, iwe raq ümniika atsea nguta tankhan tlo nguta asapha nguraü ka, ngi raq ümniima chong mang shea mirha?”

1 SAMUEL 23:18

Krai mren tsangnai liipan na bomhuk silu jaqkhaq raütu kra khathüto. Dawit ka Horesh binjü niili sito. Kiimaq Jonathan ka jam na hali jang wan nongto.