1 SAMUEL 20:41 - ASII LAKDAP Bible (BSI)

⁴¹ Kra nonose ka wawan jaishe, Dawit ka longrong jai kiiwiishe dongkito. Raüta alakü maq kaütsrong na hiq na bumtlii tiithongtsam bumhihi Jonathan man na bumto. Tsangnai wiita, apaiq nai Jonathan ka ahotrang liishe riito. Raüta weshi raq weshi theaphi na silu lungwii riishupto. Dawit tsanbi ka Jonathan tsanbi nam miimin achan riito.

Hawa Naga Bible 2001

⁴¹ Yalx rox waz waungc wvnc yix Dawid kuex lung phungc yix kvmaq dung kaz vtueq kuix tsvrung maq bumx ruiux lauk thuimx nawk tueq. Tsuingnueyc kuex vdvmz nuex rvgot vtueq khoar tvruingx wuez tueq; Dawid kuex Yonathan htauk nuex muinz vjvnc yonz tueq.

1 SAMUEL 20:41 Referencias Cruzadas

RAPHA HIQWA LAK 29:11

Kra lot raütiishe apaiq raq Rechel theaphi na mangchan tiichhi shupto. Raütiishe apaiq ka achochisi tsi ma aho she riihoto.

RAPHA HIQWA LAK 29:13

Kiimaq apaiq riimin adiiqwe Jakob tsütsa kra tai raüta, apaiq ka tlat chhat apaiq rai riihumkai juto. Raüta akhuk maq pomsaq riito. Raüta atheaphi na shupto. Raüta apaiq ka jam niishe shea wanto. Kiimaq Jakob raq Laban ma phanrap lea wantiiwa bom thun ka wiita chongto.

RAPHA HIQWA LAK 33:4

Shatmaq Esau ka tlat chhat apaiq humkai juto. Raüta ajaq wiinai maq apaiq ka pomsaq riito. Raüta atheaphi na shupto. Raüta tsangnai wiita aho trang liishe hoq trang hoto.

RAPHA HIQWA LAK 42:6

Joseph ka Ejip mung na wanghuptiwe. Kriikha maq apaiq ka maiq mungrap mungrii wa ramritkai akiti thun ma tsam shake rea riito. Krai mren Joseph phunainotiim kiimin kiijaq saükito. Raüta tsangshiq ka apaiq khaki na hiq na bumtlii maq apaiq ka noqto.

RAPHA HIQWA LAK 43:28

Tsangshiq raq treto, “Ümjaqshise, naiwe ka ümchaü min asi kiimaq ahea hansang.” Raüta tsangshiq ka apaiq khaki na hiq na bum rang raüta noqto.

RAPHA HIQWA LAK 45:15

Kra raütiishe aholam miili, apaiq raq aphutiim ka weshi shi maq pomto. Raüta tsangshiq theaphi na shupto. Kra jaimiitiq aphutiim raq apaiq rai riibom phahoto.

2 SAMUEL 1:2

Kriimaq napjai ranaiq na, Saul piitiip wa jerowe ashi saükito. Kriiwe raq atsanbitsi dea nguta tiichhike miitu adü na asam khea kra achai riito. Kiimaq akhupo na hiq maq nyatto. Raüta apaiq ka Dawit phana wato. Raüta hiq na ku saq raüta, Dawit ka shreng noqto.

2 SAMUEL 1:26

“I phunowe Jonathan lei, ngi raq ümmaajo hoq tiikang! ümniika ngi ma tsankhun luwe! Ümniiraq ngi lungwii laü ka, jechakre lungwii nam ma, ahea pinthum.

2 SAMUEL 14:4

Krai mren kriinyung ka hokhamwe phana wato. Raüta hiq na bumsaq raüta shrengto. Kiimaq akha nguto, “Chaü lei, ngi khrum kuqlaq!”

2 SAMUEL 19:39

Kra riibom lot raütiishe, Dawit nai asengi mungmaiqse kong raq Jordan rai ka jin wanto. Apaiq raq Barjillai theaphi na kiimriiphea lungwii shupto. Raüta apaiq ma ramram kuqto. Kiimaq Barjillai kiimin ajam niishe wawanto.

2 SAMUEL 9:6

Riita Mephibosheth Jonathan se kiimaq Saul ma asaü ka saüwa raüta, apaiq ka Dawit khaki na hiq na bumtlii raüta Dawit ka shrengto. Dawit raq, “Mephibosheth,” nguta heato. Kiimaq apaiq raq, “Chao lei, ngi ka ümbom taitai,” nguta treto.

1 HOKHVMX 1:16

Bathsheba ka hokhamwe khaki na hiq na bum raüta noqto. Kiimaq apaiq raq, “Ümniima jamlai wa raa tla?” nguta waito.

1 HOKHVMX 1:23

Krai mren, shammiwe saüwato nguta hokhamwe ma bom ka chongto. Kiimaq Nathan ka hokhamwe khok na nyap wato. Raüta hiq na kusaq bum raüta hokhamwe ka noqto.

1 HOKHVMX 1:31

Kiijiishe Bathsheba ka hiq nü na kusaq raüta apaiq ka noqto. Raüta nguto, “Riita itatiwe hokhamwe ka rilung alu miidea misi laq!”

Acts 20:37

Raüta, apaiq rai kiim riiphea jaq shiikam bom lam maq tsangshiq tarü ka aho she riito.

1 SAMUEL 10:1

Kra raütiishe Samuel raq oliptsai hamlii tsabum kra lamto. Raüta Saul khupo na nyukto. Kiimaq akhakam na anü maq shupto. Raüta apaiq ma nguto, “Tatiwe raq ümniika asengi Israilnok peng ma tuwe miishe shongto. Ümniiraq asenginok ka mirüm haü. Kiimaq tsangshiq ka chiqse rewe tlotli jaqkhon mong wa mitiikhup wongkuq haü. Riita Tatiwe raq ümniika asenginok thaq na tuwe miidea shongto nguta sap chang saqse ka arthun arshe mihong tha wan:

1 SAMUEL 18:3

Jonathan raq Dawit ka pinthum lungwiito kha maq, apaiq raq Dawit rai pattup silu riija miitu kiqkham wanto.

1 SAMUEL 20:40

Jonathan raq aliq nai liqsin chü thun ka chela kiiniishe piwan laq nguta thaüto.

1 SAMUEL 24:9

Raütiishe, akha nguto, “Riita ngi raq nangnga ümniika atsea tantlo nguta shapshaü miqshii pan wan tlaq kriika ümniiraq jaram wa tai tlaü?

1 SAMUEL 25:23

Riita Abigail raq Dawit ka chhi raüta, apaiq ka tlothit kumtoq raikhü wa hiq na satkisaq riito. Raüta apaiq ka hiq na lakü maq ngasaq,