1 SAMUEL 2:26 - ASII LAKDAP Bible (BSI)

²⁶ Riita nonose Samuel ka jonglu wan ruq she jong wanto. Apaiq raq Tatiwe khrum nai mungmaiqse khrum ka lap wan ruq riito.

Hawa Naga Bible 2001

²⁶ Nox Samuel kuex peluz wvnc yek vtueq Yehowa khaungkac nuex nuiyc miqsaz mvnz nuex htvlx phawc lvp wvnc tueq.

1 SAMUEL 2:26 Referencias Cruzadas

RAPHA HIQWA LAK 39:4

Kiimaq Potiphar ka apaiq ma kai tsanhea maq sito. Raüta apaiq ka apaiq pumsii jaqshise miishe shongto. Kiimaq apaiq raq Joseph ka apaiq jamkun na jaqsham kaiwa ümchuwa kra tachong wiira thun hupli thaq na liiwan miitu arang kuqto.

TAKSU LAK 3:3

Iwokhong na ngi rai tiipum tlii laüta, tsapkapkap maq silaq. Itsii chong bomtsi ka lakshiitum ikha, ümdang na lak laüta silaq. Kiimaq ümmong jii na san laüta thülaq.

TAKSU LAK 3:4

Kra riihaüla ümnii ma, Shiikeawe min chochi, maiqse min chochi miraq.

Luke 1:80

Kra no ka, han-ngam na, kiimaq wenyi na, kumchipo ikha phintsaq tsaq hea she chhanchhi jonglu wanto. Apaiq ka kumtsaiphii niili siwanto. Kra jai miishetiq, Israilnok mungmaiqse ma tra hokuq wanto.

Luke 2:40

No ka aheawiq kumchipo ikha ajong alu, ahong ala she chhanchhi jonglu wanto. Apaiq ka pinthum taksma maiqse ashi. Kiimaq Shiikeawe achu shiiman ka apaiq khum na asho awo sito.

Luke 2:52

Jesuq ka akhum nyea dang dang hea, kiimaq phaqchi lam na taksma maiqse ashi ma jawan raüta, jonglu wanto. Apaiq ka Shiikeawe lungwii wokhong maq nai maiqse lungwii wokhong maq, aheawiq se chhanchhi jonglu wanto.

Acts 2:47

Tsangshiq ka akha Shiikeawe tiitsam kamwan li she shongnga wanto. Kiimaq phungtuti shongnga rilung kra chhi raüta, mungmaiqse riimin tsangshiq ka kai lungwiito. Kiimaq, krai mren, Tatiwe raq maiq anye ka wranaiqtek tsangshiq phung na tiitsuq wan wan maq, maiq ka tiipa kuq wan ruq li riito.

Romans 14:18

Krai mren, jurwa Khristo jaqsham ka, akha shampi tlaq, kra ngu raüka, Shiikeawe riimin, ahea dea nguta mikhoqriiq wan. Kiimaq maiqse riimin, ahea dea nguta mingu.

PHOWEBI 13:24

Krai mren, kriinyung raq ase maiqwese ka humto kiimaq no ka Samson nguta mangto. Kiimaq no ka chhanchhi wanto. Kiimaq Tatiwe raq no khuthaq na shiiman kuqto.

1 SAMUEL 2:21

Tatiwe raq Hanna ka shiimanto. Krai mren, apaiq raq asetiim ka maiqwesetiim wetsam kiimaq jechaksenai anai humto. Kiimaq nonose Samuel ka Tatiwe shiililii jaqsham na maiqla she jonglu wanto.

1 SAMUEL 3:19

Samuel jonglu wantlaq krai mren, Tatiwe ka apaiq rai asi riito, kiimaq Samuel raq jamlai bom wa chongtaq thun ka wiita kupi wanto.