1 SAMUEL 18:27 - ASII LAKDAP Bible (BSI)

²⁷ Dawit nai akongtitiim thun ka kiraüta Philistainnok maiqwere shinai tsatto. Raüta Dawit raq tsanghupsamkhü thun kra lam wanto. Raüta ashi shi ma wea raüta hokhamwe jaq na kuqto. Kra kuqtaq ka, apaiq ka hokhamwe chaiwe ma jawan miitu kuqto. Krai mren she Saul riimin, ase Maikel ka Dawit ma tiiwake chang she dongkito.

Hawa Naga Bible 2001

²⁷ Dawid nuiyc piq miq hez kuex kaz wvnc vtueq Philistin miqsaz 200 thvt gay tueq. Piq rueq kvruex hez vkhuix httoarx htenc kuex hokhvmx waz kox nuex lvmz wvnc vtueq, kvruex htenc lotlaz kuex piq khaungkac nuex wvl kuq ruiux jix hokhvmx kix waz muex yaungc wvnc mvy yaq. Kvkhoc rvtueq Sholu rueq vsaz yalxjuik saz Michal kuex Dawid muex tvwaungc kuy tvkoc kuq tueq.

1 SAMUEL 18:27 Referencias Cruzadas

2 SAMUEL 3:13

Kiijiishe Dawit raq, “Ahea na,” nguta treto. “Ngi raq ümniirai wehea riija wan ka ara phanshi jaq ara shamkuq haütiq mirja wan ha: Ümniika ngi rai riihumkai kitlaü akhing na, ümniiraq Saul se jechakse Maikel kra ipha na sheaho ratlo.”

2 SAMUEL 3:14

Kiimahali Dawit raq Ishbosheth miimin tsütsa chongkaiti tiiki raüta akha tiichong hoto, “Ümniiraq ichak Maikel ka ngi ma jangke ratlo. Ngi raq apaiq tri ka Philistainnok han-ngamkhü phu shishi kuq lata apaiq ka alam wanha.”

PHOWEBI 14:19

Kiijiishe tiihanghiiq miili, Tatiwe ningkun raq apaiq ka rom wanto. Raüta apaiq ningkun ka henghea riito. Kiimaq apaiq ka Ashkelon chela na kihoto. Raüta kiiwa maiq weroqtsam tsatto. Raüta tsangshiq dü wa miirii thun ka lam wanto. Raüta bannin khea thun ka uqkhiima liichum chongketi miishe kuqto. Kra lot jai she apaiq ka kra mra pintaq ningkhan atsan khiqhea lam maq jam na wawanto.

1 SAMUEL 14:49

Saul setiim thun ka Jonathan, Ishwi, kiimaq Malkishua riito. Ase jechakse nyikhu nyungti ka Merab nguta mangto. Kiimaq ano nyungti mang ka Maikel.

1 SAMUEL 18:13

Kriikha niishe Saul raq Dawit ka ajam na tiiwabaiqto. Raüta phenlabi hingshi khuthaq na phentu ma shongto. Krai mren, Dawit raq asengi sheaho raüta rekhat kai kihoto.

1 SAMUEL 18:17

Kra jai niishe Saul raq Dawit ma nguto, “Ise nyikhu nyung Merab ka asi. Ümniiraq ibom tai laüta, iwokhong maq srea nolawe ma jalaüta Tatiwe chiq are thun ka khatkuq haüla, ngi raq apaiq ka ümniima mitiiwaha.” (Saul raq tiima ka akha raüta Dawit ka Philistainnok jaq na mitsai laq. Apaiq jaq maq miiqkai ngomin raamak miraq nguta tiimato.)

1 SAMUEL 18:28

Saul raq Tatiwe ka Dawit rai asi nguta khangriri hea she sapto. Kiimaq ase Maikel riimin Dawit ka lungwiitlo dea nguta sapto.

1 SAMUEL 25:44

Kiimaq kra liipan na, Saul raq ase Maikel, Dawit tanyung kriika Galim chelati Laish se Palti miishe hali tiiwa baiqto.