1 SAMUEL 17:17 - ASII LAKDAP Bible (BSI)

¹⁷ Ranaiqshi Jesi raq Dawit ma akha nguto, “Ara ako wong kilo roqshi nai winsii thoproqshi ara hoho laüta, ümphutiim phana piitiip na jaqlo lealea kilaüta kuqkikiq.

Hawa Naga Bible 2001

¹⁷ Raungnuiyq shiz Jese rueq Dawid muex ngoc, “Vruex puix wungx pvt kilogram 10 rac wanx poz 10 kuex laq vtueq mphuz hez httax yaq jerak kvyuq rvmak laz kuq kaz kuiuz.

1 SAMUEL 17:17 Referencias Cruzadas

2 SAMUEL 17:28

Tsangshiq raq sorea winpin thun, hamlii tak thun, akonchang kheathum thun, kiimaq Dawit nai asenginok miitu lamsea: bunwong, jaili, tü adung aja, wa na atiishin ko winsii, motortsi, cherongtsi, ngiq ngu, chis, krim, kiimaq sku wiijam lamho raüta kito. Tsangshiq raq Dawit nai asenginok ka kumtsaiphii wang na ramtsi, khamnyangtsi, kiimaq anü makaiq chhaq sham nguta asap.

Matthew 7:11

Namshiq ka abi maiqsetiim raq santla, namsetiim ma ahea awa phan hupsam kene wan ka atsin han. Riita ikhiijiika, ramungtan na siti nam We raq, apaiq jaq wa jaü wan tlaqti miika, ümtinkhan kao raüta ahea awa phan hupsam she wa kuq wan jiiq riila!”

Luke 11:13

Namshiq ka maiqbi ngikhi kong. Kra taü maq santla, namshiq raq namsetiim ma, ahea awa phan kene chang ka asap han. Ikhiijiika, ramungtan na siti Awejong jaq wa jaü tlaqti miika, Asii Wenyi ka ümtinkhan showo she wa kuq wan jiiq riila!”

RUTHA 2:14

Ranaiq dungsea akhing niishe, Boaj raq Rut ma, “Wara ana. Laüta ara winsii ara jaü laq. Laüta ara weashaütai arjaq tsam laüta phaq laq,” nguta heato. Kiijiishe Rut ka ningchangtibi rai adam na nga damto. Kiimaq Boaj raq apaiq ma atiishin ako araq winsii phu wiijam kra hali kuq nongto. Krai mren Rut riimin tsan tiiheali wok phetak phaqto. Kiimaq apaiq raq phaqsea lot jai she, winsii ka achan ana asi riito.

1 SAMUEL 17:16

Goliath raq Israilnok ka raroqblai na saüli, wranaptek kiimaq wrajitek hokhiiq raüta shiikeng leng lili riitlo.

1 SAMUEL 25:18

Kra tsütsa ka tai raüta, Abigail raq jaqlo thit liipan niili, winsii thop ka shinai, spiqtai ka ngamkhü tsabum anai tuptup, wa na wiipumtam maq atiijashu sku ngam ka kaü biingi, wong ka atiishin ko raüta tokroqshi ri tok miishi, spiqtsi shin maq aklo winsii shin ka thop shishi, kiimaq phupmup tsi shin maq aklo winsii ka thop shinai thun kra riichomto. Raüta kumtoq kaüsetiim raikhü na miikuqto.