1 SAMUEL 17:12 - ASII LAKDAP Bible (BSI)

¹² Dawit ka Jesi se. Jesi ka Juda wang na Ephrath binjü na Bethlehem chela na siti. Jesi setiim ka siphu wetiichat. Saul raq hokham jaqsham wan tlaq akhing na apaiq ka tikiishe.

Hawa Naga Bible 2001

¹² Dawid kuex Yuda mungx Betlehem ghaq wawc Ephrathi hong wuinz Jese saz rvtueq. Jese sahez kuex waz tvjvt httax yaq, Sholu hokhvmx yaungx tueq pat nuex Jese kuex nyuiuz waz likawx shec rvtueq.

1 SAMUEL 17:12 Referencias Cruzadas

RAPHA HIQWA LAK 35:19

Riita Rechel ka tsaiki kiita, apaiq maa ka Ephrath hiq na walam lamkii na lapto. Arka ümchaü Bethlehem ngutiishe ngutlo.

2 SAMUEL 23:1

Dawit ka Jesi se, Shiikeawe raq amang chong ra tsa ikha tiijong wantiiwe, Jakob Shiikeawe raq Israil mung na hokhamwe ma ashong wanwe. Apaiq kata Israil mung na shammi shinge tsomhea waiq wantiwe. Arjaq ara Dawit raq atiithum riisham bomtsi achong kuq:

Tvtsvmc 132:6

Bethlehem maq Tongshong tek asi nguta tsütsa taikai, kra naishiq raq Jearim wakram wa humkai.

Mikha 5:2

Tatiwe raq ngutlo, “Bethlehem Ephrath le!, ümniika Juda mung na chela aranse pinthum. Shatmaq ngi raq ümchelati wa, Israil mung rümti hokham ashi, Mishong wan ha. Apaiq weraü manphan ka, rathup rapha pat achat wa miraq.”

Matthew 1:6

kiimaq Jessi se ka Dawit hokham we kriishe. Kiimaq Dawit se ka Solomon (anyung ka Uria tanyung arom wan);

Matthew 2:1

Jesuq ka Judia wang na Bethlehem chela na chiito. Kra akhing na hokham jati ka Herod riito. Kra jai maq jaqlo sijai niili Jerusalem maq shedong mung na siti, ra na raiqsaiq jipi khumshiim shri ra liiwanti taksu maiqsebi ka Jerusalem na kito.

Matthew 2:6

‘Judia wang wa Bethlehem chela lei, ümniika Judia wang na chela phong na akhek ashi; ümchela wa munglangti wela ashi michii, Apaiq raq i sengi Israil mung ka mirüm wan.’ ”

RUTHA 1:2

Kriiwe mang ka Elimelekh. Tsangnyung mang ka Naomi. Tsangse maiqwese nai mang ka Maqlon nai Chilion. Tsangshiq ka Ephrath weraü wa. Kiimaq tsangshiq ka Juda wang na Bethlehem chela na siti. Tsangshiq ka Mob mung na laüho raüta kiina heashi sikai nguta kihoto.

RUTHA 4:17

Kiiwa chiiti jamthaq jamkiqti jechakre nyungwere raq, kra no ka Obed nguta mangto. Tsangshiq raq nanok tarü ma, “Naomi raq ase ashi humto!” ngutiishe rinwii wanto. Riita, Obed kriishe Jessiwe riito. Kiimaq Jessi ka Dawitwe riito.

RUTHA 4:22

Obed ma ase ka Jessi. Kiimaq Jessi ma ase ka Dawit.

1 SAMUEL 1:1

Kiijaq maiq weshi asi riito. Apaiq mang ka Elkana. Apaiq ka Ephraim phan wa. Apaiq ka ku akin tonglong Ephraim wang na Rama chela na sitiwe. Apaiq ka Jeroham se kiimaq Elihu ma asaü. Kiimaq ata mang ka Tohu ta, Juph weraü phan wa.

1 SAMUEL 16:1

Tatiwe raq Samuel ma nguto, “Riita ümniika, atinkhan atsaq min tsaq maü lailai, Saul miitu ka jamlai nguta jümiisea wa? Ngi raq apaiq ka Israilnok hokham ngachang wa ashleq baiq wishe. Riita, ümchaü min ümniika olip petsi tel phanshi lamho laüta, Bethlehem chela na maiq weshi Jesi ngutlaqwe phana kilaq. Jamkhano ngukla ngi raq asetiim phong wa weshi ka Israilnok khuthaq na hokham ma atsea wan kun she.”

1 SAMUEL 16:18

Ajaqshamti phong wa weshi raq nguto, “Bethlehem chela na sitiwe Jesi setiim phong wa, weshi ka shiwe shunwe. Apaiq ka nola kiimaq asham kiimin atsomwiq. Kiimaq Apaiq ka sreajong. Kiimaq tsitwe. Tatiwe ka apaiq rai asi.”

1 SAMUEL 17:11

Saul nai asengibi raq kra tai raüta, tsangshiq ka kai phiip raq tsaito.

1 SAMUEL 17:58

Saul raq apaiq ma waito, “Jerowe lei, ümniika juse wa?” “Ngi ka ümdise Bethlehem na siti Jesi se,” nguta Dawit raq treto.