1 SAMUEL 16:12 - ASII LAKDAP Bible (BSI)

¹² Krai mren, Jesi raq apaiq ka tiiheakito. Apaiq ka atsomwiqse, shamhea wiiriwiqse, amakpo wiinai kiimin achhai lüplüp. Kiijiishe Tatiwe raq Samuel ma nguto, “Ahata! Arwe ara. Apaiq khum na tel maq nyat laq!”

Hawa Naga Bible 2001

¹² Kvkhoc rvtueq Jese rueq vsaz kuex tvgvl kaz tueq. Piq kuex vsvp vrvp, gvnhttuingc yalxrox washiz rvtueq, vmuik muinz vphez vlez rvtueq. Yehowa rueq Samuel muex ngoc, “Ngaz rueq vhttauk waz kuex vruex waz vruex rvtueq, piq muex ruimc tix maq shvy kuq shuiuz,” ngoz tueq jungx tueq.

1 SAMUEL 16:12 Referencias Cruzadas

RAPHA HIQWA LAK 39:6

Potiphar raq ajaq na jamlai wa sitlaq thun ka kunli Joseph arang niishe kiinong kuq baiqto. Apaiq ka jaq sham kaiwa jammin brorii mak she, ranap raji na tü adung phaqsitlaq kra lam lam li she riito. Joseph ka shamheawiq phintsaq tsaqwe kiimaq shamhea shamjüwe atsomwiq we riito.

2 SAMUEL 23:1

Dawit ka Jesi se, Shiikeawe raq amang chong ra tsa ikha tiijong wantiiwe, Jakob Shiikeawe raq Israil mung na hokhamwe ma ashong wanwe. Apaiq kata Israil mung na shammi shinge tsomhea waiq wantiwe. Arjaq ara Dawit raq atiithum riisham bomtsi achong kuq:

2 SAMUEL 7:8

“Arningkhan, ijaqshise Dawit ma, Ngi Tati Ajong Pinthumwe raq apaiq ma akha chongtiikang, ‘Ngi raq ümniika sku rüm rum na wakram na sitlaü kiiwa shea wan kang. Lata isengi Israilnok mung kra rümwan miitu wela miishe shong wan kang.

1 HOKHVMX 1:34

Lantea kriijaq Jadok nai Nathan raq apaiq ka Israil mung thaq na hokham ma tel maq minyuk laq. Kra lantiishe lerong ka tsü rong laq. Lantea, ‘Hokhamwe Solomon ka rilung alu misilaq!’ nguta rütrang ronglaq.

Tvtsvmc 2:2

Tsang hokhambi maiqmii wela ja phetrang hoto, tsang tuwebi ka adam riitam raüta Tatiwe nai apaiq raq ashong hokhamwe kra khat miitu redong süriitlo?

Tvtsvmc 2:6

“Jajon kin, ngi ma asii kin na ngi raq ihokhamwe ka shongkang,” nguta apaiq raq ngutlo.

Tvtsvmc 78:70

Apaiq raq ajaqshi se Dawit tseato; apaiq raq Dawit ka skukong rümchang nyiimlung ram wa shea wanto,

DUNGWVNC 2:2

Kiimaq tsangnyung raq apaiq ma ase maiqwe se ashi humkuqto. Anyung raq no ka shamheawiq se chhiraüta jipi lütsam na saüli apaü riito.

ASHICHONG 5:10

Itawe ka tsomheawe ahong alawe; apaiq ka ngi ma jerobi hingshi thaq na tsomhea we.

AJONJÜ 4:7

Na hokhamwesetiim kechu maiqsetiim, tingting kiimaq tsakhiiq ikha siirairai sekong riito. Kiimaq kuilang kuilakong riito. Kiimaq ahong ala siisaq riito.

JEKERIA 4:14

Kiijiishe apaiq raq chongto, “Ara kü nai ka maiq wenai, Tati raq, apaiq jaqsham ma nguta phumramkham maq tiibok raüta ajaq akhaqkuq wenai riito.”

Acts 4:27

Ara chongtlaq arka riikhaqli she dea teng wanto. Herod nai Pontias Pilat ka ara chela na Pongmung maiqse nai Israilnok welabi rai, adam na reraü shi maq pong raüta, ümbom taiti asii ümluqkhapse Jesuq, ümniiraq apaiq ka Khristo ma shong laü we kra ngeng seng wanto.

Acts 7:20

Kra akhing niishe, Mosheq raq rawü chhito. Mosheq ka pinthum maiqlung ngamwii se, shamhea sham jü se riito. Anyung raq apaiq ka jam maq jipi lü tsam na saüli apaü raüta püto.

Hebrews 11:23

Kiimahali, kamtsantsii maq, Mosheq nyungwe raq apaiq rawüchhi jai maq, jipi lü tsam na saüli, apaü raüta pü wanto. Tsangshiq raq, tsangse ka maiqlung ngamwii, shamhea shamjü se chhito. Kiimaq, tsangshiq ka hokham we aming tlea ma hai mak riito.

1 SAMUEL 16:18

Ajaqshamti phong wa weshi raq nguto, “Bethlehem chela na sitiwe Jesi setiim phong wa, weshi ka shiwe shunwe. Apaiq ka nola kiimaq asham kiimin atsomwiq. Kiimaq Apaiq ka sreajong. Kiimaq tsitwe. Tatiwe ka apaiq rai asi.”

1 SAMUEL 17:42

Raüta apaiq raq Dawit ka samhea tiitsang liiraüta sanha, atsan mong niika, ashummiisi wali she riito. Jamkhano ngukla Dawit ka nonose shamhea shamjü kra chhito.

1 SAMUEL 17:55

Riita Saul raq Dawit ka Goliath rai riikhat kai kra chhi raüta, apaiq raq aphenlabi pengti phentuwe ajongwe Abnar ma waito, “Abnar, apaiq ka juse wa?” Abnar raq treto, “Chaü lei, apaiq ka juse wa, ngi riimin sap mang.”

1 SAMUEL 9:17

Riita ümtiikiiwa Samuel raq Saul sham ka chhitaq, Tatiwe raq apaiq ma chongto, “Ngi raq ümniima chongkang we irka ahata. Apaiq raq isenginok mipeng wan.”