1 SAMUEL 14:13 - ASII LAKDAP Bible (BSI)

¹³ Krai mren, Jonathan raq kra longraq kinchit ka ajaq maq waqkaü khum ikha kaütsrong na khum wanto. Raüta kinchit ka jin wanto. Kiimaq jerowe riimin apaiq jai phanphan düwanto. Raütiishe Jonathan raq Philistainnok ka khatto. Raüta tsangshiq ka jiipbaiqto. Kiimaq jerowe riimin tsangshiq ka jiipbaiqto.

Hawa Naga Bible 2001

¹³ Yonathan kuex kanx hvlwvl lvmx maq kuix tsvrung maq duiz wvnc tueq, piq yalxrox waz muinz piq yix nuex phvnx naungx tueq. Yonathan rueq Philistin miqsaz kuex khvt vtueq tvhuyx hut nut tvrul gay tueq, yalxrox waz rueq muinz tsuingshiq kuex thvt gay tueq.

1 SAMUEL 14:13 Referencias Cruzadas

Tvtsvmc 18:29

Ümniiraq ijaqtinok khat miitu ngi ma ningkun kuqlaü kiimaq tsangshiq peruk weshaü thun kra run baiq miitu ningkun shoqkuq laü.

Romans 8:31

Riita, arthun chong wan kai arthaq na seng laita, nashiq raq jamlai she wa mingu rong i? Nashiq raq ong wan tiikai arka achong lot mai pahea she sitlo! Shiikeawe ri nashiq rai she jiika, nashiq ngeng wanti ka jushe wa misi? Ahü she!

TRI CHONGKE 28:7

“Ümtiikiiwa ümjaqtinok raq ümniika longtlaq, kiitiikaq Tatiwe raq ümjaqtinok ka mitiitangkuq. Tsangshiq raq ümniika lamshi maq wa raüta mikhat wan. Shatmaq tsangshiq ka ümpha wa lamrap miishe mipintrang.

TRI CHONGKE 32:30

Rewe weshi riili maiq hingshi ka jamkho tangta, kiimaq maiq hingroqshi ka re we anai riili jamkho khatta? Tatiwe, tsang Shiikeawe raq tsangshiq ka tiishaübaiqto; tsang Shiikeawe ahong alawe raq tsangshiq ka miimbaiqto.

Hebrews 11:34

Tsangshiq raq, walü henghea kiimin tiimat baiqto. Kiimaq, maiq raq tsangshiq ka asebaiq chang wiishe min, atiichhii riiwanto. Tsangshiq ka, han-ngam na ningkun ajom riito. Shatmaq, srea nola ma jawanto. Tsangshiq ka, srea nola ma jawan raüta, pongmungti chiq se rewe thun ka wiita, kunkun khat wanto, raüta tangto.

JOSHUA 23:10

Namshiq phong wa maiq weshi riili dongdii min, rewe maiq hingshi ka tiipin tiijin jobaiq wan lan. Jamkhano ngukla Tatiwe nam Shiikeawe raq namshiq miitu re ka khatkuq wanto. Arka apaiq raq kiqkham kuqtaq kra phan phan khat kuqto.

PHOWEBI 9:54

Kiijiishe, apaiq raq apaiq liiq nai ja wiketiwe kra jaqlo thit heato. Raüta apaiq ma aming akha kuqto, “Ümnep ja ka chat laq. Laüta ngi ara tsatbaiq laq. Ngi ka jechak nyung jaq na tsaito nguta ikhushü tiijam ka romang.” Krai mren, jerowe riimin anepja ka chat-hit raüta, Abimelekh dü na tlatchhat shukbaiqto. Kiimaq apaiq ka tsaito.

1 SAMUEL 14:12

Kiijiishe tsangshiq raq Jonathan nai jerowe kriima akha heato, “Warong ra ana! Naishiq raq namshiq ma phanshi ra bom chongke chang asi!” Kiijiishe Jonathan raq jerowe ma akha nguto, “Ümniika ijai phanphan khumlaq. Tatiwe raq Israilnok ma tsangshiq ka tiitang kuqto she.”

1 SAMUEL 14:14

Jonathan nai akongtise jerowe raq, kra apha khat wan pha lak kriijiili, wakdamshi tin khan binjü liipan bala kriiwiili weroqnai tin jiipbaiqto.