1 SAMUEL 1:17 - ASII LAKDAP Bible (BSI)

¹⁷ Kiijiishe, “Khu asang maq walaq, kiimaq Israilnok Shiikeawe raq ümniiraq jamlai wa jaü laü kra mikuq laq,” nguta Eli raq nguto.

Hawa Naga Bible 2001

¹⁷ Eli rueq, “Nomic maq waung wvnc kuiuz, mnoz rueq vpiq kox wawc thoz shuiux kuex Israel Tishox rueq mkuq kv-phux,” ngoz tueq jungx kuq tueq.

1 SAMUEL 1:17 Referencias Cruzadas

RAPHA HIQWA LAK 25:21

Rebeka ka sehü kha maq, Isak raq apaiq miitu Tatiwe jaq wa achu jaüto. Kiimaq Tatiwe raq apaiq achu jaü ka treto. Kiimaq Rebeka ka wiihan she riito.

2 SAMUEL 15:9

“Ahea, khu asang maq kilaq,” nguta hokhamwe raq nguto. Krai mren, Absalom ka Hebron chela na kihoto.

2 HOKHVMX 5:19

“Walaq khu asang maq,” nguta Elisha raq nguto. Krai mren Naaman min tiido wanto. Apaiq ka kiiwa tiido wan li maq bashi se li wato.

1 KAÜWA WERAÜ 4:10

Shatmaq Jabej raq Israilnok Shiikeawe jaq wa akha achu jaüto, “Shiikeawe lei, ngi ma achu shiiman kuq laq. Laüta ngi ma hiq khu rakhu ajong kuq laq. Ümniika ngi rai adam silaq. Kiimaq ngi ka abi ati maiqse maklii wa, i dü na chamchao lit kot tiisaü chang wa tiichhii kuq laq.” Krai mren, apaiq raq jamkho achu jaüta kiikha Shiikeawe raq apaiq ma kuqto.

Mark 5:34

Kiijiishe, Jesuq raq, “I se le! ümniiraq ngi ma kamwan laü kha maq, hea wan laü. Ahea, Ümchaü ka hansang miishe siwakiq. Ümthatsi ka heakito she” nguta chongkuqto.

Luke 7:50

Shatmaq, Jesuq raq jechak nyung ma, “Ümkam tsantsii raq ümkhum ka chhii wanto she. Ümchaü sanha hansang miishe walaq,” ngutiishe chongkuqto.

Luke 8:48

Kiijiishe, Jesuq raq, “I se lei, ümkam tsantsii maq heaki laü. Khu asang miishe siwan laq!” nguta apaiq ma chongkuqto.

PHOWEBI 18:6

Kiijiishe ramwe raq treto, “Namshiq chapa chang jam min ahü. Tatiwe raq namshiq wanhiq khum ka liikuq shat.”

1 SAMUEL 1:16

Ngi ka thiihü nyung ngutiika naq tiimakiq. Ngi ka ümkha ijasiq kha maq akha achu jaütiikang.”

1 SAMUEL 1:23

Elkana raq treto, “Ahea na. Ümtsan na jamlai wa ahea nguta thapthi tlaü kra klolaq. No raq pünyang mipan shaq wiiwii, ümniika jam niili silaq. Kiimaq ümkiqkham ka Tatiwe raq mishku kuq laq.” Krai mren, Hanna ka jam niili khingkito. Raüta no ka tiichhanchhito.

1 SAMUEL 20:42

Kiijiishe Jonathan raq Dawit ma nguto, “Shiikeawe ka ümniirai misi laq. Nanai liipan na jamlai kiqkham raüpot wa khathükai kra, Tatiwe raq ümnaq nai ngi liipan na, kiimaq ümsaü ümsetiim nai isaü isetiim pat na niimin pattup tingting mithü kuq laq.” Kra lot jai she Dawit ka ahin niishe wawanto. Kiimaq Jonathan ka chela niishe jang wan nongto.

1 SAMUEL 25:35

Kiijiishe Abigail raq apaiq ma kongphiq ümchuwa kuqhotaq thun kra Dawit raq taoto. Raüta, apaiq nangnga, “Ahea jam ramak she. Ümchaü ka ümjam na jang wan laq. Naq chapakiq she. Ümniiraq jamlai wa jaü tlaü kra miklo kuq kang,” nguta Abigail ma chongto.

1 SAMUEL 29:7

Riita arningkhan, ümniika jam niili jang wanlaq. Tsangshiq raq tsanro mak chang ka jam min naq kiimungkiq.”