1 John 2:3 - ASII LAKDAP Bible (BSI)

³ Nashiq raq Shiikeawe aming thun kra langlai tiidea singa tiikai jiila, nashiq ka apaiq rai tsanwa we ma jalai tiidea sitiikai nguta na tsan mong na mongngam maq misi rong i. Nashiq ka apaiq rai samhea wiq maq mang riisap laita sitiikai ngushat miraq.

Hawa Naga Bible 2001

³ Tishox rueq nvrc bomc kuex naungshiq rueq phvnx ruiux yuq, naungshiq kuex vpiq tuiuz jix htenc rvtiq lvmz rvkhauk laz tuiuz lvp shix.

Muklom

³ Hiqtang aa piq raaqkhat tang sha tat i jo hiqtang aa piq sha usam i ta sam i.

1 John 2:3 Referencias Cruzadas

Tvtsvmc 119:32

Ngi raq ümnaq aming thun ka tsanchhii wokchhii milang wanha, jamto ngukla ümniiraq ngi ma apa saptsin wan miitu phaqchi mikuqhaü.

Tvtsvmc 119:6

Ngi raq ümnaq aming thun kunli kra langlata siha jiila, ngi ma jea tiingaümak miraq.

ISAIA 53:11

Chamchao rilung siwan jaimaq, apaiq rilung ka chojong chise rilung miraq; apaiq chamchao wantaq kriika atu na riimak nguta apaiq raq misap wan. Iwokhong na siti ijaqshise, Ngi raq apaiq ka pinthum lung wiitiikang. Maiqse pahea raq mo howan chang ka, apaiq raq wiita miho wan. Kiimaq apaiq mang na, Ngi raq tsangshiq mra ka midiikuqha.

Luke 6:46

“Namshiq raq ngi nangnga, ‘Tatiwe, Tatiwe,’ ngutiika jaram li wa hearat tlan, ngi raq namshiq ma jamlai bomtsi wa chongkuq tiikang, kra riiwe ka lang man?

John 14:15

“Namshiq raq ngi lungwii han jiika, i wokhong na silanta, ngi raq namshiq ma aming kuq tiikang kra lang lanta misi han.

John 15:10

Ngi ka i We wokhong na, apaiq aming lang lata sitiikang. Krai mren, apaiq mangchan wokhong na sitiikang. Ikiikhiisii hali, namshiq min ngi aming kra lang lanta, i mangchan wokhong na sihanla, namshiq ka i wokhong na misi han.”

John 15:14

Kiimaq ngi raq namshiq ma jamlai aming wa kuq tiikang kra namshiq raq lang wan lili riihan jiika, namshiq ka i khi i lu wetiim miishe mija wan han.

John 17:3

Riita pattup pat-sa rilung ngutlaq: Tsangshiq raq ümnaq kli riikhaqli Shiikeawe nguta sap tlo kiimaq ümniiraq atiiki haü Jesuq Khristo kra sap tlaq kra tsangshiq ma pattup pat-sa rilung.

2 Corinthians 4:6

Shiikeawe raq ra nai hiq tiiq wan lam maq, “Ranyaq mong ka rawüli miishe mija laq” nguta aming tatto. Ara chongtiikai Shiikeawe riisü hali, naishiq tsan mong na, apaiq tiichhii wan wanii tu ka tliliim kuqtlo. Ara naishiq tsan mong na liliim tlaq walüli raq, Shiikeawe khushü chhainyii tlaq kra naishiq ma tiichhikuq tlo. Riita ara walüli ka Khristo theaphi wa liliim tlo.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

1 John 2:13

Awetiim lei, ngi raq namshiq awetiim ma waiq tiikang, jamkhano ngukla, namshiq raq apaiq ka asap han. Apaiq ka rapha hiq wa niiphü asi dongdii riito. Jerobi lei, ngi raq namshiq ma waiq tiikang, jamkhano ngukla, namshiq raq Abi Thawe ka tang wan lan she.

1 John 3:14

Nashiq raq asap i, ümchaü sanha nashiq raq amaa rilung lamphan ka baiqthü kaishe. Laita rawü rilung lamphan laitiishe shongnga tiikai. Nashiq ka rawü rilung lamphan laitiishe sitiikai nguta nashiq raq asap i she. Nashiq raq naphu nanotiim lungwii laita sitiikai ahata rawii rilung ngutiikai arka. Arkha maq jurwa phunaino lungwii mak maq sitlaq, kriiti ka ümchaü niitaq tsai lam ningkun kharü mong niili sitlo.

1 John 3:19

Riita, nashiq ka tengteng lamphanti setiim dea sitiikai nguta, nashiq raq mongngam maq sap wan chang ka ara miraq. Nashiq ka Shiikeawe man na tsailam jilam maq misi rong i.

1 John 3:6

Krai mren, juwa Khristo rai pumshi hanshi she sitlaq, kriiti riika ngarai ka tang nong mak she. Shatmaq jurwa ngarai ka tang ruq li tangtlaq, kriiti riika, apaiq sham ka chhi mak dea ngushat. Kiimaq apaiq rai mang ka riisap mak dea ngushat.

1 John 4:13

Nashiq ka apaiq rai pumshi hanshi maq sitiikai. Kiimaq apaiq min nashiq rai pumshi hanshi maq sitlo nguta nashiq raq asap i. Jamkhano ngukla, apaiq raq nashiq ma apaiq Wenyi ka kuqto she.

1 John 4:7

Lungwii phunainotiim lei, nashiq liipan na riimang riichan maq sirong phiina. Jamkhano ngukla Shiikeawe ka lungwiitsii. Lungwiitsii rümti ka Shiikeawe se. Apaiq raq Shiikeawe ka asap.

1 John 5:19

Ara mangjong hiq arka Abi Thawe jaqkhon mong niili sitlo. Li jiimin, nashiq raq asap i, nashiq ka Shiikeawe rii she nguta sitiikai.

1 John 5:2

Nashiq raq Shiikeawe setiim kra lungwii tiikai dea nguta hakhi ka ara miraq: Nashiq raq Shiikeawe ka milungwii rong i, kiimaq Shiikeawe aming thun kra, tsan na thü laita tsapkapkap maq, milang rong i.

1 John 5:3

Jamkhano ngukla, nashiq raq Shiikeawe lungwii tiikai jiika, apaiq aming thun kra lang laita misi rong i ngushat. Kiimaq apaiq aming thun kra nashiq raq lang wan miika, jam min harai mak she. Arka hochii minchii maq khum laita siwan ikhli miraq.

Revelation 12:17

Kra prenkaü ka jechak nyung ma kai khiqto. Kra ningkhan, jechak nyung ma ase ano ahinti Phungmaiqse, Shiikeawe wokhong na siti, kiimaq Jesuq raq achongkuq tengteng bomtsi aming kra tsapkapkap maq langtibi rai riikhat kai ngutiishe kihoto.

Revelation 14:12

Arningkhan, Shiikeawe sengi bi, Shiikeawe wokhong na sitibi ma, kiimaq Jesuq wokhong na sitibi raq anin wan chang raa tlo.

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.