Zefaniya 3:6 - Siswati 1996 Bible

⁶ “Tive ngiticedzile, tinqaba tato tibhidlitiwe. Titaladi tato ngitishiye tikhala libhungane, kute namunye lowendlula ngato. Emadolobha ato abhujisiwe; kute namunye lotawusala kulo, kute namunye.

Zefaniya 3:6 Referencias Cruzadas

Isaya 14:26

“Loku-ke kuluhlelo lwami lolucondzene nemhlaba wonkhe jikelele, loku-ke kusandla sami leselulelwe etikwetive tonkhe, ngitehlulele.”

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Jeremiya 9:12

Ngubani umuntfu lohlakaniphile kangangekutsi angakucondza loku? Ngubani lofundziswe nguSimakadze kutsi angakuchaza loku? Lelive lentiwe leni laba tindzala njengelihlane lokutsi kubete muntfu lowendlula ekhatsi kulo?

Levithikusi 26:31

Emadolobha enu ngiyakuwenta abe tindzala, netindzawo tenu tekukhontela ngitente tibe lihlane, kantsi neliphunga lelinuka lusi lelimnandzi leminikelo yenu yekushiswa ngingeke ngilemukele.

Zefaniya 2:5

Nako kini lenihlala ngaselwandle, nine sive semaKherethi. Livi laSimakadze limelene nani, awu Khenani, live lemaFilisti. “Ngiyawunibhubhisa nonkhe, kute namunye loyawusala.”

Zakhariya 7:14

Ngabasakata ngesiwunguwungwana, ngabasa kuto tonkhe tive, lapho bafike baba tihambi khona. Live lasala likhala libhungane emvakwabo, kangangekutsi kute muntfu labengaphuma angene kulo. Balenta kanjalo-ke lelive lelalijabulile kutsi libe ngusehlane kahlongasibi.’ ”

Matewu 23:38

Bukani-ke lelidolobha lenu selisele lodvwana, lite bantfu.

1 kubaseKorinthe 10:11

Konkhe loko kwenteka kubo kuze kube sibonelo kitsi. Ngako kwabhalwa phansi njengesecwayiso kitsi tsine lesesifikelwe sikhatsi sekugcina.

1 kubaseKorinthe 10:6

Konkhe loko kusibonelo kitsi, kuze kutsi singakufisi lokubi, njengaloko bona bebakufisa.

Joshuwa 23:4

Khumbulani kutsi ngitabele kanjani letive tenu ngalo lonkhe lelive lelisele, laletive lengitincobile, emkhatsini weJordane neLwandle Lolukhulu ngasenshonalanga.