Zefaniya 3:2 - Siswati 1996 Bible

² Alihloniphi muntfu, alivumi kucondziswa. Aletsembeli kuSimakadze. alisondzeli kuNkulunkulu walo.

Zefaniya 3:2 Referencias Cruzadas

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 50:17

Ngobe wena uyakutondza kuyalwa, emavi ami uwengca ngetulu.

Tihlabelelo 73:28

Kodvwa mine kungilungele kusondzela kuNkulunkulu, Simakadze, iNkhosi, ngimente waba siphephelo sami, kuze ngishumayele ngako konkhe lakwentile.

Tihlabelelo 78:22

ngobe babengakholwa kuNkulunkulu, bangete bawetsemba emandla akhe lasindzisako.

Taga 1:7

Kwesaba Simakadze kusicalo selwati, tilima tiyakwedzelela kuhlakanipha nemiyalo.

Taga 5:12

Uyawudzimate ukhale utsi: “Empeleni nje, mine ngangikutondzelani kuyalwa nekufundziswa? Ingabe ngangikutondzelani kutsetsiswa?

Isaya 1:5

Kona nisashayelwani nje? Nisachubekelani nekuhlubuka? Inhloko yenu yonkhe ilimele, nenhlitiyo yenu yonkhe ishayiwe.

Isaya 29:13

Simakadze utsi: “Labantfu basondzela kimi ngemilomo yabo, bangihlonipha ngetindzebe temilomo yabo kuphela; kodvwa tinhlitiyo tabo tikhashane kabi nami. Kungikhonta kwabo kukwenta nje leyo mitsetfo lefundziswa bantfu.

Isaya 31:1

Maye kulabo labaya eGibhithe bayewucela khona lusito, labetsembela emahhashini, betsembele nasebunyentini betincola tabo temphi, nasemandleni lamakhulu ebagibeli babo bemahhashi, kodvwa bangabuki kuLongcwele waka-Israyeli, nome-ke bafune lusito kuSimakadze.

Isaya 43:22

“Noko awukangibiti, wena Jakobe, awukatihluphi ngami, wena Israyeli.

Isaya 9:12

EmaSiriya ngasemphumalanga nemaFilisti ngasenshonalanga, asakhamisele kushwabudzela ema-Israyeli. Noko ngako konkhe loku lulaka lwakhe alukagucuki; sandla sakhe sisephakeme.

Jeremiya 13:25

Loku ngulokusabelo sakho, sabelo lese ngikumisele sona, ngobe sewungikhohliwe, wetsemba bonkulunkulu,” kusho Simakadze.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 22:21

Ngakwecwayisa ngesikhatsi usativela uphephile, kodvwa wena watsi: ‘Ngingeke ngilalele!’ Lena bekunguyona ndlela yakho kusukela kwasebusheni bakho, awuzange ungilalele.

Jeremiya 32:33

Bangifulatsela bangete bangibuka, lite nome ngangibafundzisa njalonjalo, abazange balalele, futsi abazange bakunake nekukunaka kujezisa kwami.

Jeremiya 35:13

“Naku lokushiwo nguSimakadze longuSomandla, Nkulunkulu wema-Israyeli, utsi: Hamba uyewutjela bantfu bakaJuda nebaseJerusalema, utsi: Simakadze utsi: ‘Ningeke yini nifundze sifundvo nilalele emavi ami?

Jeremiya 35:17

“Ngako-ke, naku lokushiwo nguSimakadze Nkulunkulu longuSomandla, Nkulunkulu wema-Israyeli, utsi: ‘Lalelani! Ngitakwehlisela etikwaJuda nasetikwabo bonkhe labahlala eJerusalema yonkhe inhlekelele lengitsite itawubehlela. Ngakhuluma kubo, kodvwa abazange bangilalele; ngababita, kodvwa abazange basabele.’ ”

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Hezekeli 22:24

“Ndvodzana yemuntfu, khuluma eveni, utsi: ‘Wena ulive lelingakahlanteki nome linetfwa yimvula ngelilanga lelulaka lwami.’

Hezekeli 24:13

“ ‘Manje kungcola kwakho luntjingintjingi lwenkhanuko yakho. Ngobe ngetama kukugeza, kodvwa wangete wavuma kugezwa kulokungcola kwakho, ungeke uphindze uhlanteke, luze lubotje lulaka lwami kuwe.

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

2 kuThimothi 3:16

Yonkhe imiBhalo iphefumulelwe nguNkulunkulu; ilungele kufundzisa, nekusola, nekucondzisa, nekuyala ngekulunga,

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.