Zefaniya 3:18 - Siswati 1996 Bible

¹⁸ “Tinsizi temadzili labekiwe ngiyakutisusa kuwe; tingumtfwalo nelihlazo kuwe.

Zefaniya 3:18 Referencias Cruzadas

Tihlabelelo 43:3

Tfumela kukhanya kwakho neliciniso lakho, kutsi kutengihola. Shangatsi kungangiyisa entsabeni lengcwele lapho kuhlala wena khona.

Tihlabelelo 79:4

Sesijike saba yinhlekisa kubomakhelwane betfu, bayasihaya bahlekisa ngatsi kulabakhelene natsi.

Jeremiya 23:3

“Mine matfupha ngiyawutibutsela lensali yemhlambi wami emaveni onkhe, lapho ngiwusakatele khona, ngiwubuyisele edlelweni lawo, lapho uyawukwandza khona, ukhule wandze ngesibalo.

Sililo 1:4

Imigwaco leya eSiyoni iyalila, ngobe sekwabate namunye lota emikhosini yayo lemisiwe. Onkhe emasango ayo asasala anesitunge, baphristi bayo bayabubula, emantfombatana ayo ayadzabuka, isebuhlungwini lobumatima kakhulu.

Sililo 1:7

Ngemalanga ekushaywa nekundzindza kwayo iJerusalema iwakhumbula onkhe emagugu ayo labengewayo ngemalanga akadzeni. Ngaleto tikhatsi bantfu bayo nabawela etandleni tetitsa, kwabate namunye labengayilamlela. Titsa tayo tayibuka, tayihleka bulima nayibhidlika.

Hezekeli 34:13

Ngiyawutikhipha emkhatsini wetive, ngitibutse emaveni, bese ngitibuyisela eveni lato. Ngiyakutelusela etintsabeni taka-Israyeli, ngasemifuleni, nasetindzaweni tonkhe letakhiwe eveni.

Hezekeli 36:24

“ ‘Ngobe ngiyawunikhipha emkhatsini wetive, ngiyawunibutsa kuwo onkhe emave, nginibuyisele eveni lelingelenu.

Hezekeli 9:4

watsi kuyo: “Lihlamahlame lonkhe lidolobha laseJerusalema, ubeke luphawu emabuntini abo bonkhe labakhatsatekile babubula ngenca yato tonkhe letintfo letinengekako letentiwa lapha kulo.”

Hoseya 1:11

Bantfu bakaJuda nebantfu baka-Israyeli bayawuphindze bahlanganiswe, bese babeka umholi wabo abe munye, bahlume eveni labo, ngobe liyawuba likhulu lelo langa lakaJezreyeli.

Hoseya 9:5

Niyakwente njani ngelilanga lemadzili enu lamisiwe, ngemalanga emadzili aSimakadze?

Zefaniya 3:20

Ngaleso sikhatsi ngiyawunibutsa; ngaleso sikhatsi ngiyawunibuyisela ekhaya. Ngiyawuninika kuhlonipheka neludvumo emkhatsini wato tonkhe tive temhlaba, nase nginibuyisela tinhlanhla tenu embikwemehlo enu nibuka,” kusho Simakadze.