Zefaniya 3:11 - Siswati 1996 Bible

¹¹ Ngalelo langa ungeke udliwe ngemahloni ngako konkhe lokubi lokwentile kimi, ngobe kulelidolobha ngiyawubesusa labo labajabula ngeligcabho labo. Ungeke uphindze utigcabhe etikwaleligcuma lami lelingcwele.

Zefaniya 3:11 Referencias Cruzadas

Tihlabelelo 131:1

Simakadze, inhlitiyo yami ayitigabatisi, nemehlo ami akaphakanyiswa ngumgcabho. Angitilibatisi ngetintfo letibonakala titinkhulu kimi nome letisimangaliso kakhulu kimi.

Tihlabelelo 49:5

Pho, ngitakwesabani ngetikhatsi tekuhlupheka, nangabe bubi bebatingeli bami sebungitungeletile,

Tihlabelelo 59:12

Emavi abo asono semilomo yabo. Ababhajwe ekutigcabheni kwabo, ngobe bayacalekisa, bacale nemanga.

Isaya 11:9

Kungeke kulimate futsi kungeke kubulale nome ngangukuphi entsabeni yami lengcwele, ngobe umhlaba uyawugcwala kwati Simakadze, njengobe nemanti agcwalisa lwandle.

Isaya 2:12

Simakadze longuSomandla umise lilanga, ulibekele bonkhe labatigcabhako nalabatiphakamisako, nako konkhe lokuphakanyisiwe, kuze kutfotjiswe;

Isaya 45:17

Kodvwa Israyeli uyawusindziswa nguSimakadze ngensindziso yaphakadze; ningeke nidliwe ngemahloni nome nihlazeke phakadze naphakadze.

Isaya 5:15

Ngako umuntfu uyakwehliselwa phansi, neluntfu lonkhe lutfotjiswe; nemehlo alabanekutigcabha ayawutfotjiswa.

Isaya 54:4

“Ungesabi, ungeke ube nemahloni. Ungakwesabi kuhlazeka, ngeke wehliswe. Utalikhohlwa lihlazo lebusha bakho, ungaphindzi uwakhumbule emahloni ebufelokati bakho.

Isaya 56:7

labo ngiyakubayisa entsabeni yami lengcwele, ngibanike kujabula endlini yami yekukhuleka. Iminikelo yabo yekushiswa nemihlatjelo yabo iyakwemukeleka elatini lami, ngobe indlu yami iyawutsiwa yindlu yemkhuleko yato tonkhe tive.”

Isaya 61:7

Esikhundleni selihlazo lenu, nine bantfu bami, niyawuphiwa ngalokuphindziwe; esikhundleni sekuhlazeka niyawujabula efeni lenu; ngako niyawudla lifa ngalokuphindziwe eveni lenu, kujabula kwaphakadze kuyawuba kwenu.

Jeremiya 13:9

“Naku lokushiwo nguSimakadze, utsi: ‘Ngalokufananako ngitalibhidlita ligcabho lakaJuda kanye neligcabho lelikhulu laseJerusalema.

Jeremiya 7:4

Ningawetsembi lamagama langemanga nitsi: “Leli lithempeli laSimakadze, lithempeli laSimakadze, lithempeli laSimakadze!”

Hezekeli 20:40

Ngobe entsabeni yami lengcwele, intsaba lephakeme yaka-Israyeli, lapho kulelo live yonkhe indlu yaka-Israyeli iyawukhonta mine, lapho-ke ngulapho ngiyawubemukela khona, kusho iNkhosi Simakadze. Lapho-ke ngiyakuyifuna iminikelo yenu netipho tenu telikhetselo, kanye nemihlatjelo yenu lengcwele.

Hezekeli 24:21

‘Khuluma kulendlu yaka-Israyeli, utsi: Naku lokushiwo yiNkhosi Simakadze, itsi: Indzawo yami lengcwele sengitayingcolisa, lenqaba lenitigcabha ngayo, injabulo yemehlo enu, intfo lehawukelwa ngumphefumulo wenu. Emadvodzana nemadvodzakati lenawashiya emuva atawubulawa ngenkemba.

Danyela 9:16

Awu Simakadze, ngako konkhe kulunga kwakho mane ugucule intfukutselo yakho nelulaka lwakho kuyo iJerusalema, lidolobha lakho, leliyintsaba yakho lengcwele. Tono tetfu nekona kwabobabe sekwente iJerusalema nesive sakho kwaba lihlazo kubo bonkhe labakhelene natsi.

Danyela 9:20

Ngatsi ngisakhuluma ngithandaza, ngivuma tono tami netono tesive sema-Israyeli akitsi, ngiletsa kuncusa kwami kuSimakadze Nkulunkulu wami ngentsaba yakhe lengcwele,

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Numeri 16:3

Babutsana ndzawonye bahlasela boMosi na-Aroni, batsi kubo: “Senihambe kakhulu! Sonkhe lesive singcwele, bonkhe ngamunye ngamunye wabo, futsi naNkulunkulu unabo. Nine-ke nitiphakamiselani etikwalesive saSimakadze?”

Matewu 3:9

Ningatiyengi nje nitsi: ‘Sinaye Abrahama longubabe wetfu,’ ngobe ngiyanitjela ngitsi: Nkulunkulu angamvusela Abrahama bantfwana kulamatje.

KubaseRoma 2:17

Ase ufanekise ngawe. Wena uliJuda, wetsembele emtsetfweni, futsi utigabatisa ngekutsi Nkulunkulu wakho.

KubaseRoma 9:33

njengobe kubhaliwe kutsi: “Bheka, ngibeka eSiyoni litje lekukhubekisa nelidvwala lekuwisa; kepha lowo lokholwa kuye, angeke ajabhiswe.”

1 yaPhetro 2:6

Ngobe umBhalo utsi: “Ase nibuke, ngibeka eSiyoni litje lekusimisa indlu, lelikhetsiwe, naleliligugu. Lowo lokholwa kulo, angeke ajabhiswe.”