Zefaniya 3:10 - Siswati 1996 Bible

¹⁰ “Kusukela ngesheya kwemifula yaseKushe tikhonti tami, bantfu bami labasakatekile, bayawungiletsela iminikelo.

Zefaniya 3:10 Referencias Cruzadas

Tihlabelelo 68:31

Emancusa ayawuvela eGibhithe, naKushe atinikele kuNkulunkulu.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 11:12

Uyakuphakamisela tive siboniso, abutse batfunjwa baka-Israyeli; uyawuhlanganisa bantfu bakaJuda labasakatekele emagumbini omane emhlaba.

Isaya 18:1

Maye kuwe wena live leligubhutisa timphiko, lingesheya kwemifula yaseSudani,

Isaya 18:7

Ngaleso sikhatsi tipho tiyakwetfulwa kuSimakadze longuSomandla, letiphuma esiveni lesibantfu baso babadze, kantsi banesikhumba semtimba lesibusheleleti, sive lesesatjwa kuyo yonkhe indzawo, sive lesineluchweba nelulwimi lolungatiwa, sive lesilive laso lehlukaniswe ngimifula. Letipho tiyawumikiswa entsabeni iSiyoni, indzawo yeLibito laSimakadze longuSomandla.

Malakhi 1:11

“Libito lami liyawuba likhulu etiveni kusukela ekuphumeni kwelilanga kuze kube ngusekushoneni kwalo. Kuyo yonkhe indzawo imphepho neminikelo lehlantekile iyawuletfwa kulo Libito lami, ngobe Libito lami liyawuba likhulu etiveni,” kusho Simakadze longuSomandla.

Johane 7:35

Ngako emaJuda ase akhuluma odvwana atsi: “Utakuya kuphi lapho singetimtfola khona? Kungabe utakuya kulabasakatekile bemaGriki ayewufundzisa bona yini?

Imisebenti yebaPhostoli 24:17

“Emvakweminyaka leminyenti ngahamba, bengibuyele kuletsa tipho esiveni sakitsi kanye nekunikela imihlatjelo.

Imisebenti yebaPhostoli 8:27

Wasukuma, wahamba. Bheka, wabona umTopiya labengumtsenwa, asiphatsimandla saKhandase, indlovukazi yaseTopiya, abebalulekile futsi angumgcinisikhwama sendlovukazi; abephuma eJerusalema kuyawudvumisa Nkulunkulu,

KubaseRoma 15:16

wekutsi ngibe sikhonti saKhristu Jesu kubetive, ngikhonta njengemphristi ngekushumayela liVangeli leliphuma kuNkulunkulu, khona kutewutsi umnikelo longibo betive wemukeleke ungcwelisisiwe ngaMoya Longcwele.

1 yaPhetro 1:1

Lencwadzi iphuma kuPhetro, umphostoli waJesu Khristu; iya kulabakhetsiwe lababakhoseli labasakatekele ePhontusi, naseGalathiya, naseKhaphadosiya, nase-Asiya, naseBhithiniya.