Zefaniya 2:5 - Siswati 1996 Bible

⁵ Nako kini lenihlala ngaselwandle, nine sive semaKherethi. Livi laSimakadze limelene nani, awu Khenani, live lemaFilisti. “Ngiyawunibhubhisa nonkhe, kute namunye loyawusala.”

Zefaniya 2:5 Referencias Cruzadas

Isaya 14:29

“Ningajabuli, nine nonkhe maFilisti, ngobe nitsi lendvuku leyanishaya seyephukile; nanjengobe lokumila kusuka emphandzeni bese kutsela titselo, kanjalo nasenyokeni kuyawuvela libululu lelinesihlungu kabi.

Isaya 14:30

Timbhukudvu tetimphuya tiyawutfola emadlelo, kutsi labeswele bacambalale phansi baphephile. Kodvwa titukulwane tenu, maFilisti, ngiyakutibhubhisa ngendlala lenkhulu leyawuhhela ngisho nemisalela.

Jeremiya 47:7

Kodvwa ingaphumula kanjani, nangabe Simakadze akhiphe umyalo kuyo kutsi ihlasele i-Ashkeloni nelusentse lwelwandle?”

Hezekeli 25:16

ngako-ke, naku lokushiwo yiNkhosi Simakadze, itsi: Sekusedvute kutsi ngelule sandla sami ngimelane nemaFilisti, ngitawacedza emaKherethi, ngiwabhubhise lawo lasesele kugudla lwandle.

Amose 3:1

Lalelani nankha emavi lashiwo nguSimakadze ngani, anisola nine, sive sema-Israyeli, umelana nawo wonkhe umndeni lawukhipha eGibhithe, utsi:

Amose 5:1

Lalelani nali livi, ninendlu yaka-Israyeli. Lesililo ngisenta ngenca yenu:

Zefaniya 1:11

Hhewulani, nine lenihlala esigodzini semakethe, bonkhe batsengisi benu batawucitfwa baphele, bonkhe labatsenga batsengise ngesiliva bayawubhujiswa.

Zefaniya 3:6

“Tive ngiticedzile, tinqaba tato tibhidlitiwe. Titaladi tato ngitishiye tikhala libhungane, kute namunye lowendlula ngato. Emadolobha ato abhujisiwe; kute namunye lotawusala kulo, kute namunye.

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”

Makho 12:12

Betama kubamba Jesu, kodvwa besaba ticuku tebantfu, ngobe babona kahle kutsi ngalomfanekiso ukhuluma ngabo, base bayamshiya, bahamba.

Joshuwa 13:2

“Nali-ke lelive lelisasele: tonkhe tifundza temaFilisti netemaGeshuri,

Joshuwa 13:3

kusukela eMfuleni iShihori, emphumalanga neGibhithe, kuye eveni la-Ekroni ngasenyakatfo, lonkhe libalwa ngekutsi lemaKhenani, live lebabusi bemaFilisti labasihlanu eGaza, nase-Ashdodi, nase-Ashkeloni naseGathi, kanye nase-Ekroni kulema-Avi;

Tikhulu 3:3

kwakunguletive: emakhosi lasihlanu emaFilisti, nawo onkhe emaKhenani, nemaSidoni, nemaHivi labehlala etintsabeni taseLebanoni, kusukela eNtsabeni iBhali Hemoni kuze kuyewufika eLebo Hamathi.

1 Samuweli 30:14

Besihlasele iningizimu yemaKherethi neyelive lakaJuda, kanye neningizimu yelive lakaKhalebi, sashisa neSikilagi.”