Zefaniya 2:3 - Siswati 1996 Bible

³ Funani Simakadze, nonkhe nine lenitfobekile belive, nine lenenta loko latsi kwenteni. Funani kulunga, nifune kutfobeka, mhlawumbe ningahle nivikeleke ngelilanga lentfukutselo yaSimakadze.

Zefaniya 2:3 Referencias Cruzadas

2 Samuweli 12:22

Watiphendvula watsi: “Ngesikhatsi lomntfwana asaphila, ngazila ngakhala. Ngangicabanga ngitsi: ‘Ngubani lowatiko? Mhlawumbe Simakadze angahle abe nemusa kimi aphilise lomntfwana.’

Tihlabelelo 105:4

Funani kwati Simakadze nemandla akhe, nifunisise buso bakhe onkhe emalanga.

Tihlabelelo 149:4

Simakadze uyasijabulela sive sakhe, labatitfobako ubapha umchele wekuncoba.

Tihlabelelo 22:26

Labatitfobako bayawudla besutse, labafuna Simakadze bayawumdvumisa, bahalaliselwe kutsiwe: “Shangatsi ningaphila phakadze naphakadze!”

Tihlabelelo 31:20

Ubafihla ekusitsekeni kwebukhona bakho, baphephe kulabo lababakhela lugibe; ubabhacisa endlini yakho, baphephe etinkhulumeni tembango.

Tihlabelelo 45:4

Yebo, gibela ngebukhosi bakho, uphume imphi, uyewuncoba, umele liciniso, uvikele nekulunga; shangatsi sandla sakho sangesekudla singafundzisa imisebenti yakho lesabekako.

Tihlabelelo 57:1

Ngihawukele, Nkulunkulu, ngihawukele, ngobe wena usiphephelo semphefumulo wami, ngiyawukhosela emtfuntini wemaphiko akho, kuze kwendlule tivunguvungu temashwa.

Tihlabelelo 76:9

mhlazana Nkulunkulu atekwehlulela, kuze asindzise bonkhe labatfobekile bemhlaba. Cabanga.

Tihlabelelo 91:1

Lowo lohlala ekusitsekeni kuLosetikwako Konkhe ukhosele ekhwapheni laSomandla.

Eksodusi 12:27

niyawubaphendvula nitsi: ‘Lona ngumhlatjelo weliPhasika wekudvumisa Simakadze, ngobe watengca tindlu tema-Israyeli eGibhithe, ngesikhatsi Simakadze abulala ematubulo emaGibhithe, tsine wasiphephisa.’ ” Ema-Israyeli aguca phansi akhotsama.

Taga 18:10

Libito laSimakadze liyinqaba lecinile, lapho kungabalekela khona bantfu labalungile basindze.

Isaya 1:17

nifundze kwenta lokulungile! Funani umtsetfocotfo, nikhutsate labacindzetelwe. Vikelani labo labate boyise, niyimele indzaba yemfelokati.”

Isaya 11:4

kodvwa labeswele uyawubehlulela ngekwemtsetfocotfo, labamphofu belive abehlulele ngekungakhetsi. Uyawushaya umhlaba ngendvuku yemlomo wakhe; ngekuphefumula kwemlomo wakhe uyawubulala lababi.

Isaya 61:1

Moya weNkhosi Simakadze ukimi, ngobe Simakadze ungigcobile, kutsi ngishumayele tindzaba letimnandzi kulabamphofu. Ungitfume kutsi ngitewubopha labo labatinhlitiyo tabo tidzabukile. Ungitfume kutawumemetela kukhululwa kulabatfunjiwe, nekukhululwa kulababoshiwe.

Jeremiya 39:18

Ngiyawukusindzisa, ngeke ufe ngenkemba, kodvwa wena uyawuphunyula nemphilo yakho, ngobe wena wetsembele kimi, kusho Simakadze.’ ”

Jeremiya 45:5

Pho, ungatifunela yini wena tintfo letinkhulu? Ungatifuni. Ngobe ngiyakwehlisela inhlekelele etikwabo bonkhe bantfu, kodvwa wena nome ngukuphi lapho uya khona, ngiyawukwenta uphunyule kanye nemphilo yakho, kusho Simakadze.’ ”

Hezekeli 13:5

Anikenyukeli etulu etikhaleni letiselubondzeni lwendlu yaka-Israyeli, kutsi nitivale khona lutakuma lucine lulungele imphi ngelilanga laSimakadze.

Hoseya 10:12

Ngake ngatsi: ‘Tihlanyeleleni kulunga, nivune titselo temusa longapheli, bese nilima ingcatfo; ngobe sesikhatsi sekufuna Simakadze, adzimate efike ehlisele imvula yekulunga etikwenu.’

Hoseya 7:10

Kutigcabha kwa-Israyeli kubufakazi lobumelene naye, kodvwa etikwako konkhe loko akabuyeli kuSimakadze Nkulunkulu wakhe, nome-ke amfune.

Jona 3:9

Ngobe ngubani nje lowatiko, mhlawumbe Nkulunkulu angatisola ayiyekele lentfukutselo yakhe leyesabekako, kuze singabhubhi?’ ”

Zakhariya 8:19

“Naku lokushiwo nguSimakadze longuSomandla, utsi: ‘Lokuzila kudla kwenyanga yesine, neyesihlanu, neyesikhombisa, neyelishumi sekuyawuba ngemalanga enjabulo, nekutsakasa, nemadzili ekutijabulisa akaJuda. Ngako-ke litsandzeni liciniso nekuthula.’ ”

Matewu 5:5

Babusisiwe labamnene, ngobe bayawudla lifa lemhlaba.

1 kubaseThesalonika 4:1

Bazalwane betfu, nafundza kitsi kutsi nifanele nitiphatse njani kuze nijabulise Nkulunkulu, njengobe besenivele nenta. Ngako-ke ngephetsa ngekunincenga kutsi nichubeke nikhutsale kakhulu kukwenta loko,

1 kubaseThesalonika 4:10

Empeleni loko senikubonakalisile kubo bonkhe bazalwane labaseMasedoniya. Kodvwa siyanikhutsata, bazalwane, kutsi chubekani nikwente loko.

1 yaPhetro 1:22

Njengobe senihlambulule imiphefumulo yenu ngekulalela liciniso ngaMoya kuze nitsandze bazalwane benu ngelutsandvo lolute kutentisa, tsandzanani ngenhlitiyo lephelele.

1 yaPhetro 3:4

Kodvwa akube kuhloba kwemuntfu longekhatsi, lohloba ngalokungabhubhi kwemoya lomnene nalonekuthula, lokuligugu lelimcoka emehlweni aNkulunkulu.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.