Zefaniya 2:13 - Siswati 1996 Bible

¹³ Simakadze uyakwelula sandla sakhe amelane nenyakatfo, abhubhise i-Asiriya, iNineve ayishiye ilihlane, yome njengelugwadvule.

Zefaniya 2:13 Referencias Cruzadas

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 10:16

Ngako-ke, iNkhosi Simakadze lenguSomandla iyawutfumela sifo lesondzisanako kulabo labanemandla base-Asiriya; ngephansi kwalokutikhukhumeta kwabo kuyakokheleka umlilo, yebo, umlilo lofanana nemalangabi lavutsako.

Isaya 10:5

“Maye kulo lase-Asiriya, indvuku yelulaka lwami, lelisandla salo sifumbetse sagila selulaka lwami.

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Isaya 14:26

“Loku-ke kuluhlelo lwami lolucondzene nemhlaba wonkhe jikelele, loku-ke kusandla sami leselulelwe etikwetive tonkhe, ngitehlulele.”

Isaya 37:37

Ngako-ke Senaheribi, inkhosi yase-Asiriya, wadzilita inkambu yakhe, wahamba wabuyela eNineve, wayawuhlala khona.

Jeremiya 49:33

“IHasori kuyawuba yindzawo lehlushwa timphungutja, indzawo leyawusala ikhala libhungane kuze kube nguphakadze. Kute muntfu loseyawubuye ahlale kuyo, yebo, kute loyawukwakha kuyo.”

Jona 1:2

“Hamba uye eNineve, lidolobha lelikhulukati, ufike umemetele kubantfu balo utsi bubi babo sebenyukele kimi.”

Jona 3:2

“Hamba, uye eNineve, kulelidolobha lelikhulu, ufike umemetele lesimemetelo lengikunike sona.”

Mikha 5:6

Bayakuyehlula bayincobe i-Asiriya, lekulive laNimrodi; yebo, bayakuyibusa ngemkhonto. Ngalendlela siyakuphephiswa kuma-Asiriya, nakahlasela live letfu.

Nahume 1:1

Leli livi lesembulo macondzana neNineve, yincwadzi yembono waNahume wase-Elkhoshi.

Nahume 3:15

Umlilo utakudlela khona lapho, nenkemba itakudla ikucedze, njengetintsetse tidla tjani, nawe umlilo utakudla ukucedze, wandze njengesikhonyane.

Nahume 3:7

Bonkhe labakubonako bayawukubalekela, batsi: ‘INineve seyiwile, sengusemaboleleni, ingabe itawukhalelwa ngubani?’ Ngingamtfolaphi umuntfu longahle akudvudvute?”

Zefaniya 1:4

“Ngiyakwelula sandla sami ngimelane naJuda, ngimelane nabo bonkhe labahlala eJerusalema. Yonkhe imisalela yaBhali ngiyakuyisusa kulendzawo: Emabito emahedeni nebaphristi labakhonta tithico,