Zefaniya 1:7 - Siswati 1996 Bible

⁷ “Thula embikweNkhosi Simakadze, ngobe lilanga laSimakadze selisondzele. Simakadze sewulungise umhlatjelo; ubehlukanisile labo labamemile.

Zefaniya 1:7 Referencias Cruzadas

Jobe 24:1

“Somandla akatimisi ngani tikhatsi tekwehlulela? Kwentiwa yini kutsi labo labamatiko bangabi nalo lwati ngetikhatsi takhe?

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Isaya 13:3

Labangcwele bami ngibatfumile, ngiwabitile emachawe ami lanemandla kutsi ayewufeza sigwebo sentfukutselo yami, wona lawo lajabulela kungincobela.

Isaya 13:6

“Lilani, ngobe lilanga laSimakadze selisondzele, litawufika liyimbhubhiso levela kuSomandla.

Isaya 2:12

Simakadze longuSomandla umise lilanga, ulibekele bonkhe labatigcabhako nalabatiphakamisako, nako konkhe lokuphakanyisiwe, kuze kutfotjiswe;

Isaya 29:2

Noko ngiyakuvimbetela i-Ariyeli, iyawukhala ilile kimi, iyawuba njengelilati lemlilo.

Isaya 34:5

Inkemba yami seyinatse yenela emazulwini, bukani, yehla ngekwehlulela, yehlela kulaka-Edomu, sive lengitasibhubhisa ngisicedze.

Isaya 34:6

Inkemba yaSimakadze icwiliswa engatini, inemanoni yonkhe indzawo, igcwele ingati yemazinyane etimvu, nengati yetimbuti, nemanoni lesuka etinsweni tetihhanca. Ngobe Simakadze unemhlatjelo eBhosra nekuhlaba lokukhulu kulaka-Edomu.

Isaya 6:5

Ngase ngitsi: “Maye kimi, mine ngiphelile! Ngobe ngingumuntfu lotindzebe temlomo wakhe tingcolile, futsi ngihlala emkhatsini webantfu labatindzebe tabo tingcolile. Emehlo ami ayibonile iNkhosi, Simakadze longuSomandla.”

Jeremiya 46:10

Kodvwa lelo langa ngilo lilanga laSimakadze, Simakadze longuSomandla, lilanga lemphindziselo, lekutiphindzisela etitseni takhe. Inkemba itawudla idzimate yesutse, idzimate ikucedze ngekudla ingati koma kwayo. Ngobe Simakadze, Simakadze longuSomandla, utawunikela ngemhlatjelo eveni lasenyakatfo, ngasemfuleni iYufrathe.

Hezekeli 7:10

“Lilanga selilapha! Selifikile! Imbhubhiso seyehlile, indvuku seyihlumile, kutidla kwachakaza!

Hezekeli 7:7

Kubhujiswa sekufikile kuwe, wena lohlala eveni. Sikhatsi sesifikile, lilanga selisondzele, kunekwesaba, hhayi kujabula etikwetintsaba.

Joweli 1:15

Maye, lilanga lelesabekako! Ngobe lilanga laSimakadze lisedvute, lilanga Somandla layawuletsa ngalo imbhubhiso.

Joweli 2:11

Simakadze uyabhavumula embikwalemphi yakhe. Emabutfo akhe manyenti ngalokungabaleki; banemandla labo labalalela umyalo wakhe. Lilanga laSimakadze likhulu, liyesabeka. Ngubani nje longemelana nalo?

Joweli 2:31

Lilanga liyawuba mnyama, inyanga ibe bovu njengengati, lingakefiki lilanga lelikhulu nalelesabekako laSimakadze.

Amose 6:10

Nangabe sihlobo lesifanele kushisa leto tidvumbu sifika sitetikhipha kuleyondlu, leso sihlobo nasibuta lona losabhacile, sitsi: “Usekhona yini lomunye losasele kanye nawe?” yena lolomunye aphendvule atsi: “Kute,” leso sihlobo siyawuphendvula sitsi: “Shi, thulani, kufanele sicaphele singaliphatsi Libito laSimakadze.”

Amose 8:3

INkhosi Simakadze itsi: “Ngalelo langa, tingoma letihlatjelwa ethempelini tiyawujika tibe tekudzindza sililo. Kuyawuba nebunikilili betidvumbu letijikijelwe yonkhe indzawo. Kuyawuthula kutsi gudvu!”

Habakhuki 2:20

“Kodvwa Simakadze usethempelini lakhe lelingcwele. Umhlaba wonkhe awuthule embikwakhe.”

Zefaniya 1:14

“Lilanga lelikhulu laSimakadze selisondzele, yebo, lisedvute, futsi lita ngekushesha. Lalelani! Kukhala kwangalelo langa laSimakadze kuyawuba munyu, sekuhhewula libutfo lapho.

Zakhariya 14:1

Lilanga laSimakadze liyeta, lapho iyakwehlukaniswa khona embikwemehlo enu imphango letsatfwe kini.

Zakhariya 2:13

“Thulani embikwaSimakadze, nonkhe nine bantfu bemhlaba, ngobe sewuvukile waphuma endzaweni yakhe lengcwele.”

Malakhi 4:1

“Impela lilanga liyeta; liyawushisa njengemlilo lowesabekako nalohhumako. Bonkhe labatigcabhako bangangihloniphi nalabenta lokubi bayawuba tinhlanga, lelo langa lelitako liyawubalumekela ngemlilo,” kusho Simakadze longuSomandla. “Kute imphandze nome ligala leliyawusala kubo.

Matewu 22:4

Yaphindze yatfumela letinye tisebenti yatsi: ‘Tjelani labo labamenyiwe kutsi lidzili lami selilungile, tinkhabi tami netinkhomo tami letikhuluphalisiwe setihlatjiwe, konkhe sekulungile; wotani edzilini!’

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

KubaseRoma 9:20

Kodvwa-ke wena muntfu-ndzini, ungubani kutsi ungaphikisana naNkulunkulu? Ludziwo lungasho yini kumbumbi walo kutsi: “Wangibumbelani kanje?”

KubaseFiliphi 4:5

Kubeketela kwenu ngebumnene akwatiwe bantfu bonkhe, iNkhosi isedvute.

KubaseKholose 1:12

nibonge uYise lowanenta nafanelwa sabelo selifa lalabangcwele ekukhanyeni.

1 Samuweli 16:5

Samuweli waphendvula watsi: “Yebo, ngite ngesihle; ngitekwenta umhlatjelo kuSimakadze. Tingcweliseni, bese nita emhlatjelweni kanye nami.” Ngako wase ungcwelisa boJese kanye nemadvodzana akhe wabamemela emhlatjelweni.

1 Samuweli 20:26

Sawula kwabate lakushoko ngalelo langa, ngobe abecabanga atsi: “Mhlawumbe kukhona lokwehlele Davide, kwamenta waba ngulongcolile ngekwemtsetfo.”