Zefaniya 1:3 - Siswati 1996 Bible

³ “Ngiyawutsanyela bonkhe bantfu netilwane; ngiyawutsanyela tinyoni tasemoyeni kanye netinhlanti taselwandle. Lababi ngiyakubacedza kanye nato tonkhe tikhubekiso, nase ngisusa bonkhe bantfu ebusweni bemhlaba,” kusho Simakadze.

Zefaniya 1:3 Referencias Cruzadas

Genesisi 6:7

Ngako Simakadze watsi: “Ngitabacitsa labantfu lengibadalile emhlabeni; yebo, bantfu, netifuyo, netilwane letihamba ngesisu, netinyoni letindiza emoyeni, ngobe sengiyatisola ngekutsi ngakwenta.”

Isaya 27:9

Ngaloku-ke licala lakaJakobe liyawube selihlawulelwe, loku kuyawuba sitselo lesiphelele sekwesulwa kwesono sakhe: Ngesikhatsi enta onkhe emalati ematje, kutsi abe njengematje emcakaco, aphushuke abe timvutfu, kute nayinye insika ya-Ashera nome lilati lemphepho leliyawusala limile.

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Isaya 6:12

naSimakadze aze abasakatele khashane bantfu, live lisale lingasenalutfo selikhohlakele.

Jeremiya 12:4

Kuyawudzimate kube ngunini solomane live lihleti ligagadzekile, netjani bawo onkhe emasimi bubunile? Njengobe labo labahlala kulo bakhohlakele, tilwane netinyoni sekubhubhe kwaphela. Ngetulu kwaloko bantfu batsi: “Angeke akubone loko lokwenteka kitsi.”

Jeremiya 50:3

Sive lesichamuka enyakatfo siyawuyihlasela, live layo silishiye lingenalutfo. Kute muntfu loyawuhlala kulo, bantfu netilwane kuyawulibalekela.”

Jeremiya 7:20

“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.

Jeremiya 9:10

Ngiyawukhala ngililele tintsaba, ngikhihlite sililo ngenca yemadlelo asehlane. Alahliwe omile akasahanjwa ngumuntfu, nekubhonsa kwetinkhomo akusevakali. Tinyoni tasemoyeni setibalekile, netilwane tihambile.

Hezekeli 44:12

Kodvwa njengobe abebakhonta embikwetithico tabo enta indlu yaka-Israyeli yawela esonweni, ngako-ke ngifunge ngesandla lesiphakanyisiwe kutsi kufanele etfwale imiphumela yesono sawo, kusho iNkhosi Simakadze.

Hezekeli 7:19

Bayawulahla isiliva yabo etitaladini, negolide yabo iyawuba yintfo lengcolile lengenamsebenti. Isiliva negolide yabo ingeke ikhone kubasindzisa ngelilanga lelulaka lwaSimakadze. Ingeke ikwesutsise kulamba kwabo, futsi bangeke batigcwalise tisu tabo ngayo, ngobe ngiyo lebente bakhubatela baze bangena esonweni.

Hoseya 14:3

I-Asiriya ngeke isisindzise; singeke siwagibele emahhashi emphi. Singeke siphindze sisho futsi, sitsi: ‘Bonkulunkulu betfu’ kuloko lokwakhiwa tandla tetfu, ngobe kuwe wena wedvwa tintsandzane letite boyise titfola sihawu.”

Hoseya 14:8

Awu, Efrayimu, ngisenandzabani netithico? Ngiyawukuphendvula, ngikunakekele. Ngifanana nesihlahla lesiluhlata sesipheshula; kutsela kahle kwakho kuphuma kimi.”

Hoseya 4:3

Ngenca yaloku live liyalila, nabo bonkhe labahlala kulo bayahusheka; tilwane tesiganga netinyoni tasemoyeni kanye netinhlanti taselwandle kuyafa.”

Zakhariya 13:2

“Ngalelo langa ngiyakuwadzingisa emabito etithico kulelive, futsi tingeke tiphindze tikhunjulwe. Baphrofethi nemoya wekungahlanteki kokubili, ngiyawukususa eveni,” kusho Simakadze longuSomandla.

Matewu 13:41

INdvodzana yeMuntfu iyawutfumela tingilosi tayo tiyewubutsa tikhiphe konkhe lokubanga kona nabo bonkhe benti balokubi embusweni wayo,

Matewu 23:39

Ngiyanitjela ngitsi: Ningeke niphindze ningibone nize nitsi: ‘Ubusisiwe lotako egameni leNkhosi.’ ”

Sembulo 2:14

Kodvwa tsine nawe sehlukana la ekutseni kusenebantfu labanemfundziso yaBhalamu emkhatsini wenu. Phela Bhalamu wafundzisa Bhalaki kutsi abekele baka-Israyeli lugibe, ngekubadlisa kudla lokunikelwe etithicweni, wabafundzisa kuphinga nebugwadla.