Zefaniya 1:16 - Siswati 1996 Bible

¹⁶ lilanga lelicilongo nelekuhlaba inyandzaleyo yekumelana nemadolobha latinqaba neyekumelana nemibhoshongo yemakona.

Zefaniya 1:16 Referencias Cruzadas

Isaya 27:13

Ngalelo langa kuyawukhala licilongo lelikhulu. Labo lababelahlekile bedukela e-Asiriya, nalabo lababetfunjelwe eGibhithe bayakuta batewukhonta Simakadze entsabeni lengcwele, eJerusalema.

Isaya 32:14

Inqaba iyawusala yodvwa, lidolobha lemsindvo lisale likhala libhungane, indlu leyinqaba kanye nembhoshongo kuyawuba lihlane lelingenalutfo phakadze naphakadze, kube kujabula kwetimbongolo nelidlelo lemihlambi,

Isaya 59:10

Njengemphumphutse, siphutsata indlela ngetandla sigudla lubondza, siphutsate indlela njengebantfu labate emehlo. Emini siyakhubatela kube shangatsi sekuhlwile, emkhatsini walabanemandla sinjengalabafile.

Jeremiya 6:1

“Balekani niyewubhaca, sive sakaBhenjamini! Sukani eJerusalema nibaleke! Shayani impalampala eThekhowa! Phakamisani siboniso semlilo eBhethi Hakheremu! Ngobe kulunguta inhlekelele, ichamuka ngasenyakatfo, yebo, imbhubhiso lenkhulu.

Jeremiya 8:16

Kuthimula kwemahhashi etitsa kuyevakala kuvela kulakaDani, kukhala kwetinjomane tabo kutfutfumelisa lonkhe live. Tifikele kutawushwabudzela live nako konkhe lokukulo, lidolobha kanye nabo bonkhe labahlala kulo.”

Hezekeli 7:7

Kubhujiswa sekufikile kuwe, wena lohlala eveni. Sikhatsi sesifikile, lilanga selisondzele, kunekwesaba, hhayi kujabula etikwetintsaba.

Hoseya 5:8

“Khalisani impalampala eGibeya, nishaye licilongo eRama. Hlabani inyandzaleyo eBhethi Aveni, nitsi: Awu, Bhenjamini, basemvakwakho.

Hoseya 8:1

“Beka licilongo etindzebeni takho temlomo! Lusweti lusetikwendlu yaSimakadze, ngobe sive sisephulile sivumelwane sami, sawuhlubuka nemtsetfo wami.

Joweli 2:1

Vutselani licilongo eSiyoni, nilikhalise entsabeni yami lengcwele. Bonkhe labahlala eveni abatfutfumele, ngobe lilanga laSimakadze liyeta, yebo, selisondzele.

Amose 3:6

Nakukhala impalampala edolobheni, abatfutfumeli yini bantfu? Inhlekelele iyalehlela yini lidolobha, ingakatfunyelwa nguSimakadze?

Habakhuki 3:6

Nakema, kunyikanyika umhlaba, nakabuka, kutfutfumela tive. Tintsaba takudzala tiyahhihlika, nemagcuma akadzenidzeni ayagocana. Tindlela takhe taphakadze naphakadze.

Dutheronomi 28:52

Tiyawuvimbetela onkhe emadolobha lasaseveni lenu, kuze kuwe naletibondza letindze lenetsembele kuto. Tiyawuvimbetela onkhe emadolobha laseveni lenu Simakadze Nkulunkulu lanipha lona.

Joshuwa 6:20

Atsi kube emacilongo akhale kakhulu, sive sonkhe samemeta kakhulu. Satsi kube sive sonkhe sive kukhala kwelicilongo, samemeta, lubondza lwelidolobha lwahhihlikela phansi; ngako nguleyo naleyo ndvodza yangena yacondza ekhatsi, balidla lidolobha.