Zefaniya 1:13 - Siswati 1996 Bible

¹³ Ingcebo yabo iyawuphangwa, netindlu tabo tibhidlitwe. Bayawukwakha tindlu, kodvwa bangahlali kuto; bayawuhlanyela tivini, kodvwa bangalinatsi liwayini lato.”

Zefaniya 1:13 Referencias Cruzadas

Isaya 6:11

Ngase ngitsi: “Awu! Simakadze, kutawuze kube ngunini?” Wangiphendvula watsi: “Kuyawuze kubhujiswe emadolobha, kubete bantfu labahlala kuwo; tindlu tize tibe tindzala, nemasimi abhujiswe aze onakale,

Jeremiya 15:13

“Bunjinga bakho nengcebo yakho ngitayinikela ibe yimphango lengabiti lutfo ngenca yato tonkhe tono takho kulo lonkhe live lakho.

Jeremiya 17:3

nasetintsabeni tesiganga. Bunjinga benu nayo yonkhe imicebo yenu ngiyakuyisaphata njengemphango, kanye netindzawo tenu letiphakeme, ngenca yetono kulo lonkhe live lenu.

Jeremiya 4:20

Inhlekelele ilandzela inhlekelele, live lonkhe lisele litindzala. Ngekucwabita kweliso emathende ami asabhidlitiwe, yebo, umkhukhu wami ngesikhashana nje.

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Jeremiya 5:17

Bayawushwabudzela sivuno senu nekudla kwenu, bashwabudzele emadvodzana nemadvodzakati enu, bashwabudzele imihlambi yenu yetimvu neyetinkhomo, bashwabudzele emavini enu nemikhiwa yenu. Lamadolobha enu labiyelwe lenetsembele kuwo batawabhubhisa ngenkemba.”

Jeremiya 9:11

“IJerusalema ngitayenta indvundvuma yematje, ngiyente umgedze wetimphungutja. Emadolobha akaJuda ngiyakuwenta abe tindzala, kuze kubete muntfu lohlala kuwo.”

Jeremiya 9:19

Umsindvo wesililo sewuvakele uvela eSiyoni, utsi: ‘Maye, likhulu bo lihlazo letfu! Sekufanele silishiye lelive letfu, ngobe tindlu tetfu setiyimfuhlululu.’ ”

Sililo 5:2

Lifa letfu selijikisiwe lanikwa bafokati, nemakhaya etfu anikwa bachamuki.

Hezekeli 22:31

Ngako-ke ngiyawutfululela lulaka lwami etikwabo, ngibagwinye ngentfukutselo yami levutsako, ngikwehlisele etinhloko tabo konkhe loko labakwentile, kusho iNkhosi Simakadze.”

Hezekeli 7:19

Bayawulahla isiliva yabo etitaladini, negolide yabo iyawuba yintfo lengcolile lengenamsebenti. Isiliva negolide yabo ingeke ikhone kubasindzisa ngelilanga lelulaka lwaSimakadze. Ingeke ikwesutsise kulamba kwabo, futsi bangeke batigcwalise tisu tabo ngayo, ngobe ngiyo lebente bakhubatela baze bangena esonweni.

Hezekeli 7:21

Ngiyawukunikela konkhe kube yimphango yebetive nentfo lephangwe ngulababi bemhlaba, futsi bayawukungcolisa.

Hezekeli 7:24

Ngiyawuletsa tive letimbi kakhulu kutsi titewutsatsa tindlu tabo; ngiyawukucedza kutigabatisa kwalabanemandla, netindzawo tabo lekutsiwa tingcwele tiyawungcoliswa.

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.

Mikha 6:15

“Niyawuhlanyela, kodvwa aniyiwuvuna. Niyawuhluta emafutsa etitselweni tawo, kodvwa aniyikuwasebentisa. Niyawuphisa liwayini, kodvwa ningalinatsi.

Zefaniya 1:9

Ngalelo langa ngiyawubajezisa bonkhe labo labagwema kunyatsela emnyango, besaba tithico, labagcwalisa lithempeli labonkulunkulu babo ngebudlova nangenkhohliso.”

Dutheronomi 28:30

“Uyakushaywa ngekutsi wetsembise intfombi kusuke lenye indvodza iyidlwengule. Uyawukwakha indlu, kodvwa ungahlali kuyo. Uyawulima sivini, kodvwa ungafinyeleli ekudleni emagelebisi aso.

Dutheronomi 28:39

Niyawuhlanyela tivini nitihlakule, kodvwa aniyikulinatsa liwayini lato, nemagelebisi ato aniyikuwabutsa, ngobe ayawudliwa ngumgundatjani.

Dutheronomi 28:51

Letitsa tiyawushwabudzela tifuyo tenu letisetincane, netitselo telive lenu, nize nibhubhe. Atiyikunishiyela mabele neliwayini lelisha, nemafutsa, nome nguliphi litfole lenkhomo nome lizinyane lemvu nome lembuti, nize nibhujiswe.