Zakhariya 9:9 - Siswati 1996 Bible

⁹ Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Zakhariya 9:9 Referencias Cruzadas

1 Emakhosi 1:38

Ngako boSadoki, umphristi, naNathani, umphrofethi, naBhenaya, umsa waJehoyada, nemaKherethi kanye nemaPhelethi behla bagibelise Solomoni etikwemnyuzi wenkhosi Davide, bamsingatsa baya naye eGihoni.

Tihlabelelo 149:2

Israyeli akajabule ngenca yeMdali wakhe, bantfu beSiyoni batfokote ngeNkhosi yabo.

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Tihlabelelo 45:1

Inhlitiyo yami itsintsekile ngalendzaba, ngigeceta nginkentete; ngibalisa ngetibongo enkhosini, lulwimi lwami lunjengelutsi lwekubhala lwalobhala ngebungcweti.

Isaya 12:6

Memetani kakhulu, nihlabele ngenjabulo, nine bantfu baseSiyoni, ngobe mkhulu lowo Longcwele waka-Israyeli losemkhatsini wenu.”

Isaya 30:6

Livi lesembulo lelimacondzana netilwane taseNegevu: Emancusa adzabula eveni lebulukhuni nenjabhiso, live lemabhubesi lamadvuna nalamasikati, lemabululu kanye netinyoka letindizako, ayalidzabula etfwala imicebo yawo ngetimbongolo, neminotfo yawo ngemalundza emakamela, aya kuleso sive lesingenanzuzo,

Isaya 33:22

Ngobe Simakadze ngumehluleli wetfu; Simakadze nguyena sishayamtsetfo setfu, Simakadze yinkhosi yetfu, nguye lotasisindzisa.

Isaya 40:9

Wena loletsa tindzaba letimnandzi eSiyoni, khuphukela entsabeni lephakeme. Wena loletse tindzaba letimnandzi eJerusalema, phakamisa livi lakho, umemete, liphakamise, ungesabi. Tsanini kuwo emadolobha akaJuda: “Nangu Nkulunkulu wenu!”

Isaya 43:11

Mine, nginguye Simakadze, ngaphandle kwami kute umsindzisi.

Isaya 43:3

Ngobe mine nginguSimakadze Nkulunkulu wakho, Longcwele waka-Israyeli, uMsindzisi wakho, ngitawuhlawula ngelive laseGibhithe, ngishintjiselane iKushe neSheba ngawe.

Isaya 45:21

Shanoni loko lokutako, nikwetfule; abelulekane kanyekanye. Ngubani lowase wakhuluma ngaloku kungakenteki kadzeni, wakukhuluma kusesekhashane endvulo? Kwakungesimi yini, Simakadze? Futsi kute lomunye Nkulunkulu ngaphandle kwami, Nkulunkulu lolungile nalonguMsindzisi; kute lomunye ngaphandle kwami.

Isaya 52:7

Maye, tinhle etintsabeni tinyawo talabo labashumayela tindzaba letimnandzi, labamemetela kuthula, baletse tindzaba letimnandzi, bamemetele insindziso kuyo iSiyoni, batsi: “Nkulunkulu wakho uyabusa!”

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 62:11

Lalelani la: Simakadze sewente simemetelo lesiya emikhawulweni yonkhe yemhlaba, lesitsi: “Tjela iNdvodzakati yaseSiyoni, utsi: ‘Buka, nanguya uMsindzisi wakho uyeta! Bukela, umvuzo wakhe ukuye, nenkhokhelo yakhe ihamba embikwakhe.’ ”

Jeremiya 30:9

‘Esikhundleni saloko sebayawukhonta Simakadze longuNkulunkulu wabo, naDavide, inkhosi yabo, lengiyawubavusela yena.

Hezekeli 21:32

Uyawuba tinkhuni tekubasa umlilo, ingati yakho iyawucitselwa eveni lakho, ungeke uphindze ukhunjulwe; ngobe mine, Simakadze sengikhulumile.’ ”

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Mikha 4:8

Nawe Jerusalema, njengobe bewuyinqaba yekulondvolota umhlambi wakho, wena ntsaba yaseSiyoni uyawuphindza futsi ube yinhlokodolobha yalowo mbuso, lowawuvele ungiyo.

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Zakhariya 2:10

“Hlabela ujabule, wena Ndvodzakati yaseSiyoni. Ngobe ngiyeta, futsi ngiyawuhlala emkhatsini wenu,” kusho Simakadze.

Matewu 1:21

Mariya utakutala indvodzana uyetse libito utsi nguJesu, ngobe nguye loyakusindzisa bantfu bakhe etonweni tabo.”

Matewu 11:29

Bekani lijoko lami etikwenu, nifundze kimi, ngobe mine ngimnene, ngitfobekile ngenhlitiyo, khona niyawutfola kuphumula kwemiphefumulo yenu;

Matewu 2:2

tabuta tatsi: “Uphi lomntfwana lotelwe loyinkhosi yemaJuda? Ngobe sabona inkhanyeti yakhe iphuma emphumalanga. Site kutemkhotsamela.”

Makho 11:7

Baliletsa kuJesu lelitfole. Bagaca tingubo tabo etikwalo, Jesu waligibela.

Lukha 24:27

Jesu wase uyabachazela ngako konkhe lokwakuphatselene naye emiBhalweni, kusukela etincwadzini taMosi netebaphrofethi.

Johane 1:49

Nathanayeli waphendvula watsi: “Mfundzisi, wena uyiNdvodzana yaNkulunkulu, uyiNkhosi yaka-Israyeli!”

Johane 19:15

Bamemeta kakhulu batsi: “Msuse! Msuse! Mbetsele esiphambanweni!” Philatu wababuta watsi: “Ngibetsele inkhosi yenu esiphambanweni?” Baphristi labakhulu bamphendvula batsi: “Site tsine lenye inkhosi ngaphandle kwaKhesari!”

Tikhulu 10:4

Abenemadvodzana langema-30 labegibela timbongolo letingema-30. Lamadvodzana abephetse emadolobha langema-30 akaGileyadi. Lamadolobha nalamuhla loku asabitwa ngekutsi yiHavothi Jayire.