Zakhariya 9:17 - Siswati 1996 Bible

¹⁷ Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.

Zakhariya 9:17 Referencias Cruzadas

Tihlabelelo 144:12

Shangatsi emadvodzana etfu angaba njengetitfombo letinhle ebusheni bawo, nemadvodzakati etfu afanane nematje labatiwe, alungiselelwa kwakha tigodlo temakhosi.

Tihlabelelo 145:7

Bayawubalisa ngeludvumo lwakho, nangebukhulu betento takho letinhle, bahlabele ngekulunga kwakho.

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Tihlabelelo 31:19

Maye, kuyaphuphuma kulunga kwakho, lokulunga lokugcinele labo labakwesabako, ukwente kulabo labakhosele kuwe, ukubonakalise embikwebantfu.

Tihlabelelo 36:7

Yebo, Nkulunkulu, umusa wakho uligugu lelikhulu. Bantfu basemhlabeni bayakhosela emtfuntini wetimphiko takho.

Tihlabelelo 45:2

Awusemuhle nekadzeni, uphuma embili, umlomo wakho uphuphuma umusa, ngobe Nkulunkulu ukubusise phakadze naphakadze.

Tihlabelelo 50:2

ESiyoni lenebuhle lobuphelele, kulapho Nkulunkulu akhatimula khona.

Tihlabelelo 86:15

Kodvwa wena, Simakadze, unguNkulunkulu lonesihawu, nebubele, nekubeketela, uphuphuma umusa nekwetsembeka.

Tihlabelelo 86:5

Ngobe wena, Nkhosi, ulungile futsi ulungele kutsetselela, umusa wakho uyabaphuphumela labo labakhala kuwe.

Tihlabelelo 90:17

Shangatsi lutsandvo lweNkhosi lenguNkulunkulu wetfu, lungabasetikwetfu. Shangatsi ungawubusisa umsebenti wetandla tetfu; yebo, phumelelisa umsebenti wetandla tetfu.

Eksodusi 15:11

“Ngubani lonjengawe, Simakadze, emkhatsini wabo bonkhe bonkulunkulu? Ngubani lofanana nawe ngebungcwele bakho lobumangalisako? Ngubani lonebukhosi lobesabekako ente imimangaliso nemisebenti yemandla njengawe?

Ingoma Yetingoma 5:10

Longitsandzako wami uyakhanga ngelibala; uyabonakala ngisho nome sebahlangene baba tinkhulungwane letilishumi.

Ingoma Yetingoma 7:9

nemlomo wakho ube njengeliwayini lelendlula tonkhe tinhlobo. Shangatsi liwayini lingacondza ngco kulongitsandzako wami, lishelele kamnandzi etindzebeni takhe temlomo nasematinyweni akhe.

Isaya 33:17

Emehlo akho ayakuyibona inkhosi ebuhleni bayo, abuke nelive lelingematsafa lamahle.

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Isaya 63:7

Ngiyawukhuluma ngebukhulu bemusa waSimakadze, ngibonge tento takhe lekufanele advunyiselwe tona, ngidvumise konkhe loko Simakadze lasentele kona, yebo, tintfo letinyenti letinhle latentele indlu yaka-Israyeli, ngesihawu sakhe nangemusa wakhe lomkhulukati.

Jeremiya 31:12

Bayawufika bamemete ngenjabulo eticongweni tentsaba yaseSiyoni; bayawutfokota ngekwephana kwaSimakadze: lokusatinhlavu, neliwayini lelisha, nemafutsa, nemazinyane emihlambi yetimvu netimbuti, nemankhonyane emihlambi yetinkhomo. Bayawufanana nengadze leniselwa kahle, bangeke baphindze babe lusizi.

Jeremiya 31:14

Baphristi ngiyawubesutsisa ngenala, sive sami ngisigcwalise ngekwephana kwami,” kusho Simakadze.

Joweli 2:26

Nitawuba nenala, nidle nize nesutse, nitalidvumisa Libito laSimakadze Nkulunkulu wenu, lowente timangaliso emkhatsini wenu. Sive sami singeke siphindze sihlazeke.

Joweli 3:18

“Ngalelo langa tintsaba tiyawuntfontsa liwayini lelisha, kutsi emagcuma agelete lubisi, tihosha takaJuda tigijime emanti. Umtfombo uyawugeleta uphume endlini yaSimakadze unisele Sigodzi Semigamba.

Johane 1:14

Livi waba ngumuntfu, wahlala kanye natsi, agcwele umusa neliciniso. Sayibona inkhatimulo yakhe, lengeyalotelwe yedvwa kuYise.

Johane 3:16

Nkulunkulu walitsandza live kakhulu kangangekutsi wadzimate wanikela ngeNdvodzana yakhe lekukuphela kwayo, kuze kutsi nome ngubani lokholwa ngiyo angabhubhi, kodvwa abe nekuphila lokuphakadze.

KubaseRoma 5:20

Umtsetfo wefikela kwandzisa siphambuko, kodvwa ngekwandza kwesono nemusa waNkulunkulu wandza kakhulu.

KubaseRoma 5:8

Kodvwa-ke Nkulunkulu sewulukhombisile lutsandvo lwakhe kitsi ngekutsi sisetoni Khristu wafa esikhundleni setfu.