Zakhariya 8:14 - Siswati 1996 Bible

¹⁴ Naku lokushiwo nguSimakadze longuSomandla, utsi: “Njengaloku ngatimisela kwehlisela inhlekelele etikwenu ngingasagucuki ngesikhatsi bangitfukutselisa boyihlo,” kusho Simakadze longuSomandla,

Zakhariya 8:14 Referencias Cruzadas

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Tihlabelelo 33:11

Emasu aSimakadze ayawuhlala emile kuze kube phakadze; nemicabango yakhe iyawuhlala imile kuto tonkhe titukulwane.

Isaya 14:24

Simakadze longuSomandla ufungile, watsi: “Impela, loku sengikuhlelile, futsi nakanjani kutakwenteka; njengobe sengikuhlosile nje, nakanjani kungeke kugucuke.

Jeremiya 20:16

Lowo muntfu akafanane nemadolobha labhidlitwa nguSimakadze angasenasihawu nawo. Akeve sililo ekuseni, nenhlabamkhosi emini.

Jeremiya 29:11

Ngobe ngiyawati emasu lenginawo ngani, yebo, emasu ekuniphumelelisa, hhayi ekunilimata, emasu ekuninika litsemba nelikusasa.

Jeremiya 31:28

Njengobe ngangibalindzile kutsi ngibazuphune, ngibadladlabule, ngibaketule, ngibabhubhise, ngibaletsele inhlekelele, kanjalo ngiyawubalindza kuze ngibakhe ngibahlanyele,” kusho Simakadze.

Jeremiya 32:42

“Naku lokushiwo nguSimakadze, utsi: Njengobe lesive ngisehlisele yonkhe lenhlekelele lenkhulu kangaka, kanjalo futsi ngiyawusinika konkhe kuphumelela kahle nekunotsa lengisetsembise kona.

Jeremiya 4:28

Ngako-ke umhlaba utawulila, nemazulu ngetulu agucuke abe mnyama, ngobe sengikhulumile, futsi ngingeke ngibuye ngigucuke, sengincumile, futsi ngingeke ngijike.”

Hezekeli 24:14

“ ‘Mine Simakadze sengikhulumile. Sikhatsi sami sesifikile sekutsi ngikwente. Ngingeke ngisatibamba; ngingeke ngisaba nesihawu, futsi nenhlitiyo yami ingeke isabohla. Uyakwehlulelwa ngangekutiphatsa kwakho nangekwetento takho, kusho iNkhosi Simakadze.’ ”

Zakhariya 1:2

“Simakadze wabatfukutselela kakhulu bokhokho benu.

Zakhariya 1:6

Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”