Zakhariya 7:14 - Siswati 1996 Bible

¹⁴ Ngabasakata ngesiwunguwungwana, ngabasa kuto tonkhe tive, lapho bafike baba tihambi khona. Live lasala likhala libhungane emvakwabo, kangangekutsi kute muntfu labengaphuma angene kulo. Balenta kanjalo-ke lelive lelalijabulile kutsi libe ngusehlane kahlongasibi.’ ”

Zakhariya 7:14 Referencias Cruzadas

2 Tikhronike 36:21

Live lase lijabula ngekuphumula kwangemaSabatha, ngaso sonkhe leso sikhatsi sekulahlwa kwalo, laphumula, kwaze kwaphela leminyaka lengema-70, kwagcwaliseka livi laSimakadze labelikhulume ngemlomo wemphrofethi Jeremiya.

Tihlabelelo 58:9

Ngekutumeka lokukhulu Nkulunkulu uyawubaphephula bonkhe lababi, ababhubhise, njengelibhodo lelitsi lisandza kubekwa nje etiko, lisengakawuva nalowo mlilo, kufike umoya lomkhulu uphephule letinkhuni, nome tomile nome timanti.

Isaya 17:13

Naloku tive tihokoma njengekuhokoma kwemabhudlo emanti, Nkulunkulu nakabatsetsisa, babaleka baye khashane, bapheshulwe emoyeni njengemakhoba, nakaphephuka etulu emagcumeni, nanjengelukhula loluzushuniwe, nalukhukhulwa sihhuhhula semoya.

Isaya 21:1

Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.

Isaya 60:15

“Noko uke walahlwa, watondvwa, kungekho muntfu lowendlula kuwe, ngiyawukwenta ligcabho laphakadze, nenjabulo yato tonkhe titukulwane.

Isaya 66:15

Bukani la, Simakadze uta ngemlilo, netincola takhe temphi tifanana nesiwunguwungwana; uyawukwehlisa intfukutselo yakhe ngalokwesabekako, nekutsetsa kwakhe kute ngemalangabi emlilo.

Jeremiya 12:10

Belusi labanyenti bayawubhubhisa sivini sami, bagcobagcobe insimi yami. Batayigucula insimi yami lenhle, bayente umhlaba losigagadvu.

Jeremiya 23:19

Buka la, sivunguvungu saSimakadze sitawubhamuka ngelulaka lwakhe, siwunguwungwana lesihhushako sehlele etinhloko talababi.

Jeremiya 30:23

Buka la, sivunguvungu saSimakadze sitawubhamuka ngelulaka lwakhe, sivunguvungu lesivunguta sehlele etikwetinhloko talababi.

Jeremiya 36:19

Letiphatsimandla tase titjela Bharuki, tatsi: “Wena naJeremiya, hambani niyewubhaca. Akubete namunye umuntfu lowatiko kutsi nikuphi.”

Jeremiya 44:6

Ngako-ke, intfukutselo yami leyesabekako yatfululwa; yawavutsela lamadolobha akaJuda kanye netitaladi taseJerusalema, ngatenta taba tindzala letasala tikhala libhungane, njengobe kunjalo nalamuhla.

Jeremiya 5:15

Yebo, wenandlu yaka-Israyeli,” kusho Simakadze, “ngitawuletsa sive lesikhashane sitekulwa nani, sive sasendvulo lesicinile, sive lesikhuluma lulwimi leningalwati, yebo, lesikhuluma lulwimi leningaluva.

Jeremiya 52:30

Ngemnyaka wakhe wema-23 kwaba ngemaJuda langema-745 layiswa nguNebuzaradani, indvuna yabomahlalesangweni, ekudzingisweni. Sebabonkhe kwakubantfu labati-4 600.

Hezekeli 12:19

Khuluma kulabantfu balelive, utsi: ‘Naku lokushiwo yiNkhosi Simakadze ngalabo labahlala eJerusalema naseveni lema-Israyeli, itsi: Bayawudla kudla kwabo baseluvalweni, banatse emanti abo bangasenatsemba, ngobe live labo liyakwemukwa konkhe lelinako ngenca yebudlova babo bonkhe labahlala kulo.

Hezekeli 22:15

Ngitanisakatela emkhatsini wetive, nginihlakatele emaveni ngemave; ngiyawukucedza kungcola kwenu.

Hezekeli 5:10

Ngako-ke ngekhatsi kwakho boyise bayawudla bantfwababo, nebantfwana badle boyise. Ngitakushaya ngesijeziso, ngisakate yonkhe insali yakho emimoyeni.

Danyela 8:9

Kwatsi kulolunye lwato kwamila lolunye luphondvo, lolwacala luluncane, kodvwa lwakhula ngemandla kuya ngaseningizimu, nangasemphumalanga, nangaseveni lelihle.

Hoseya 9:17

Nkulunkulu wami uyawubala, ngobe abakamlaleli yena; bayawuba ngimizulane emkhatsini wetive.

Joweli 2:3

Embikwaleso sive ngumlilo lokhotsako, emvakwaso lilangabi lelilavukako. Embikwaso live lifanana nensimi yase-Edeni, emvakwaso lilihlane lelingenalutfo. Kute lokusalako lapho sihambe khona.

Levithikusi 26:22

Ngiyawunitfumelela tilwane tesiganga, tidle bantfwabenu netinkhomo tenu, nize nibe mbalwa, kangangekutsi ngisho nemigwaco yenu iyawubate bantfu.

Levithikusi 26:33

Ngiyawunisakatela kuletinye tive, nginicoshe ngenkemba yami. Live lenu liyawuphundleka nemadolobha enu abe tindzala.

Amose 1:14

Ngako-ke ngitawulumeka umlilo etikwetibondza taseRabha lotawucotfula tonkhe tigodlo tayo emkhatsini webumayemaye bekukhala ngelilanga lekulwa imphi, nasemkhatsini wemimoya lenemandla, ngelilanga lesivunguvungu.

Nahume 1:3

Simakadze akasheshi atfukutsele, kodvwa unemandla lamakhulu. Simakadze angeke ahlale angabajezisi labanelicala. Indlela yakhe isesiwunguwungwini nasesivunguvungwini; emafu alutfuli lwetinyawo takhe.

Habakhuki 3:14

Wamhlaba ngesakhe sikhali enhloko, ngesikhatsi emabutfo akhe aphutfuma aphuma atsi atesihlakata, asivutela tince shangatsi asatawudla labamphofu lababebhacile.

Zefaniya 3:6

“Tive ngiticedzile, tinqaba tato tibhidlitiwe. Titaladi tato ngitishiye tikhala libhungane, kute namunye lowendlula ngato. Emadolobha ato abhujisiwe; kute namunye lotawusala kulo, kute namunye.

Zakhariya 2:6

“Balekani! Balekani! Sukani eveni lasenyakatfo,” kusho Simakadze, “ngobe nginisakatele emimoyeni yomine yelizulu,” kusho Simakadze.

Zakhariya 8:1

Livi laSimakadze longuSomandla laphindze futsi lefika kimi, latsi:

Zakhariya 9:14

Simakadze uyawube sewuyabonakala kubo, umcibisholo wakhe uyawugijima njengembane. INkhosi Simakadze iyawushaya impalampala, iyawushuca ngetivunguvungu taseningizimu,

Dutheronomi 28:33

Sive leningasati siyawufika sidle titselo nesivuno selive lenu. Aniyikuba nalutfo, kodvwa niyawucindzetelwa ngelulaka onkhe emalanga ekuphila kwenu.

Dutheronomi 28:49

“Simakadze uyawuletsa sive lesiyawumelana nani, lesisuka khashane, emaphetselweni emhlaba sinihlwitse njengelusweti lolundizako, sive lesikhuluma lulwimi leningalwati,

Dutheronomi 28:64

“Simakadze uyakunisakatela emkhatsini wato tonkhe tive, kusuka ngala kwemhlaba kuye ngale kwawo. Lapho-ke niyawukhonta labanye bonkulunkulu labentiwe ngelugodvo, nangelitje, leningazange senibati nine ngisho nabokhokho benu imbala.

Dutheronomi 4:27

Simakadze uyawunisakatela etiveni letinye, bayawuba yingcosana benu labayawusala kuleto tive Simakadze layakube anisakatele kuto.