Zakhariya 7:12 - Siswati 1996 Bible

¹² Benta tinhlitiyo tabo taba lukhuni njengelitje, bangete bawulalela umtsetfo, bangawalaleli nemavi lakhulunywa nguSimakadze longuSomandla, lawatfumela ngaMoya wakhe ngebaphrofethi bakadzeni. Ngako-ke Simakadze longuSomandla watfukutsela kakhulu.

Zakhariya 7:12 Referencias Cruzadas

2 Tikhronike 36:13

Sedekiya-ke wayivukela inkhosi Nebukhadnezari lowamfungisa ngelibito laNkulunkulu. Wacinisa inhloko nenhlitiyo yakhe, wala kuphendvukela kuSimakadze, Nkulunkulu wema-Israyeli.

2 Tikhronike 36:16

Kodvwa baphukuta letitfunywa taNkulunkulu, bawedzelela emavi akhe, babahhalatisa nalabaphrofethi, lwadzimate lulaka lwaNkulunkulu lwavukela bantfu bakhe, futsi kwabate nalobasindzisako.

Jobe 9:4

Kuhlakanipha kwaNkulunkulu kujulile, emandla akhe abanti kakhulu. Ngubani nje lowake wacinisa inhloko kuye, wachubeka waphumelela angulote sici?

Tihlabelelo 50:17

Ngobe wena uyakutondza kuyalwa, emavi ami uwengca ngetulu.

Eksodusi 7:13

Inhlitiyo yaFaro yajinge yaba lukhuni, akazange abalalele, njengobe Simakadze abeshito.

Isaya 46:12

Lalelani kimi, nine bonhlitiyo letinenkhani, nine lenikhashane nekulunga.

Isaya 48:4

Ngobe nganginati kutsi ninenkhani kangakanani. Imisipha yetintsamo tenu kutinsimbi, nemabunti enu kungewelitfusi.

Isaya 6:10

Yenta inhlitiyo yalabantfu ibe ndzindzima, netindlebe tabo tibe butfuntfu ekuveni, uvale nemehlo abo, bangahle babone ngemehlo abo, beve ngetindlebe tabo, bacondzisise ngetinhlitiyo tabo, bagucuke, bese bayaphiliswa.”

Isaya 65:12

ngiyawunimisela inkemba, nonkhe niyawukhotsamela kuhlatjwa, ngobe nganibita, kodvwa anizange nisabele, ngakhuluma, kodvwa anizange nilalele. Nenta lokubi emehlweni ami, nakhetsa loko lokungangijabulisi.”

Jeremiya 17:1

“Sono saJuda sicoshwe ngelutsi lwensimbi, sabhalwa ngesihloko sedayimane etibhebheni tetinhlitiyo tabo nasetimphondvweni temalati abo.

Jeremiya 17:23

Noko abazange bangilalele, abanginakanga nekunginaka; baba nenkhani, bangete bangilalela, futsi abazange baphendvuke nome sebajeziswa.

Jeremiya 26:19

“Kungabe kambe Hezekiya, inkhosi yakaJuda, yena nome-ke lomunye nje wakaJuda wambulala yini? Hezekiya akazange yini esabe Simakadze wafuna sihawu saSimakadze? Akazange agucuke yini yena Simakadze kwekutsi angabe asasehlisa lesehlakalo labesasishito kubo? Tsine nje sesitakwehlisela sehlakalo lesibi etikwetfu!”

Jeremiya 42:21

Lamuhla senginitjelile, kodvwa seloku anikamlaleli Simakadze longuNkulunkulu wenu kuko konkhe langitfume kona kutsi nginitjele.

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Jeremiya 7:20

“Ngako-ke naku lokushiwo yiNkhosi Simakadze, itsi: Intfukutselo yami kanye nelulaka lwami kutawutfululelwa etikwalendzawo, etikwebantfu netinkhomo, etikwetihlahla tesiganga kanye nasetikwetitselo temhlaba, lutawuvutsa lungaphindzi lucimeke.

Hezekeli 11:19

Ngiyawubanika inhlitiyo yinye, ngifake umoya lomusha ekhatsi kubo; ngiyakuyisusa kubo inhlitiyo yabo yelitje, ngibanike inhlitiyo yenyama.

Hezekeli 14:5

Loko ngiyawukwenta kuze ngitetibamba kabusha tinhlitiyo tebantfu baka-Israyeli, lase bangilahle bonkhe baya etithicweni tabo.’

Hezekeli 2:4

Lesive lengikutfumela kuso sinenkhani nenhloko lelukhuni. Khuluma kuso, utsi: ‘Naku lokushiwo yiNkhosi Simakadze.’

Hezekeli 36:26

Ngiyawuninika inhlitiyo lensha, ngifake umoya lomusha ekhatsi kini; ngiyawuyikhipha inhlitiyo lelitje kini, ngininike inhlitiyo yenyama.

Zakhariya 1:2

“Simakadze wabatfukutselela kakhulu bokhokho benu.

Zakhariya 7:7

Akusiwo yini emavi aSimakadze lawo lamenyetelwa ngebaphrofethi bakucala, ngesikhatsi iJerusalema kanye nemadolobha layitungeletile asephumulile, aphumelela lapho khona kwaze kwatinta iNegevu nelihlanze langasenshonalanga?’ ”

Matewu 13:15

Ngobe inhlitiyo yalesive seyaba lukhuni, netindlebe tabo tiva kamatima, emehlo abo bawavalile; funa mhlawumbe ngemehlo abo babone, nangetindlebe tabo beve, nangetinhlitiyo tabo bacondze baphendvuke, bese ngiyabaphilisa.’

Makho 4:12

kuze kutsi: “ ‘Nome babona, bangakhanyelwa kahle, nome beva, bangacacelwa kahle, bangetiwuphendvuka babuyele kuNkulunkulu, batsetselelwe tono tabo.’ ”

Lukha 8:12

Kuhlanyelwa kwaleyo leyawela endleleni kufanekisa labo labalivako livi laNkulunkulu bese kufika Sathane uyalisusa etinhlitiyweni tabo, kuze bangakholwa funa basindziswe.

Imisebenti yebaPhostoli 28:27

ngobe inhlitiyo yalesive seyaba lukhuni, nangetindlebe tabo beva kamatima, emehlo abo bawavalile; funa mhlawumbe emehlo abo abone, nangetindlebe tabo beve, nangetinhlitiyo tabo bacondzisise, baphendvuke, bese ngiyabaphilisa.’ ”

2 yaPhetro 1:21

Kute siphrofetho lesake seta ngentsandvo yemuntfu; kodvwa bantfu bakhuluma lokukwaNkulunkulu, bachutjwa nguMoya Longcwele.