Zakhariya 6:14 - Siswati 1996 Bible

¹⁴ Lomchele uyawubasethempelini laSimakadze ube sikhumbuto ngabo boHeldayi, naThobiya, naJedaya, naHeni, umsa waZefaniya.

Zakhariya 6:14 Referencias Cruzadas

2 Emakhosi 25:18

Lendvuna yabomahlalesangweni yatfumba Seraya, umPhristi Lomkhulu, naZefaniya, umphristi longaphansi kwakhe ngesikhundla, kanye nebagcini beminyango labatsatfu.

Eksodusi 12:14

Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”

Eksodusi 28:12

Lamatje ubowafaka kulemichilo lebophela lesidziya emahlombe. Aroni utabowagaca emahlombe lamabito emadvodzana aka-Israyeli njalo nje naketa kimi, kuze kube sikhumbuto.

Eksodusi 28:29

“Ngesikhatsi Aroni angena endzaweni lengcwele utabokwembatsa lesembatfo sesifuba lesinemabito emadvodzana aka-Israyeli, khona atawubokhumbuleka njalo nje kuSimakadze.

Zakhariya 6:10

“Tsatsa isiliva negolide kulabatfunjiwe boHeldayi, naThobiya, naJedaya, lababefike baphuma eBhabhulona. Hamba ngalona lelo langa uye endlini yakaJosaya, umsa waZefaniya.

Zakhariya 6:11

Ubotsatsa lesiliva negolide, wakhe ngayo umchele, bese uwubeka enhloko yemPhristi Lomkhulu, Jeshuwa, umsa waJosadaki.

Numeri 16:40

njengobe Simakadze amlayela ngaMosi. Loko kwaba sikhumbuto esiveni sema-Israyeli kutsi wonkhe umuntfu longesiye umphristi, longesiyo intalelwane ya-Aroni, akayiwusondzela ashise imphepho embikwaSimakadze. Loyakwenta njalo uyawubona saKhora nesebalandzeli bakhe.

Numeri 31:54

BoMosi na-Eleyazare, umphristi, bayemukela legolide kulabaholi betinkhulungwane nebemakhulu, bayimikisa ethendeni lekuhlangana, kwaba sikhumbuto sema-Israyeli embikwaSimakadze.

Matewu 26:13

Ngicinisile, ngitsi kini: Nome ngukuphi lapho liyawushunyayelwa khona leliVangeli emhlabeni wonkhe, kuyawukhulunywa ngalesento sakhe, kube sikhumbuto ngaye.”

Makho 14:9

Ngicinisile, ngitsi kini: Nome kukuphi lapho liVangeli liyawushunyayelwa khona emhlabeni wonkhe, loku lakwentile kuyawuba sikhumbuto ngaye.”

Imisebenti yebaPhostoli 10:4

Wayibukisisa ngekwesaba lengilosi wase utsi: “Utsini, Nkhosi?” Ingilosi yaphendvula yatsi: “Nkulunkulu uyemukele imithandazo yakho nemisebenti yakho yesihawu, ngako-ke sewukukhumbulile.

Joshuwa 4:7

bese niyabatjela kutsi emanti eJordane ema angete ageleta, ngesikhatsi kwewela libhokisi lesivumelwane saSimakadze. Latsi nalewela iJordane, emanti ema angete ageleta. Lamatje ayawuba sikhumbuto esiveni sema-Israyeli phakadze naphakadze.”

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.