Zakhariya 6:1 - Siswati 1996 Bible

¹ Ngatsi ngiphakamisa emehlo njalo ngiyabuka, ngabona kuchamuka tincola letine, tiphuma emkhatsini wetintsaba letimbili, tintsaba telitfusi!

Zakhariya 6:1 Referencias Cruzadas

2 Emakhosi 6:17

Elisha wathandaza, watsi: “Awu, Simakadze, vula emehlo akhe kuze abone.” Nembala, Simakadze wavula emehlo alenceku ya-Elisha, yatsi iyabuka, yabona tindimbane temabutfo, nemahhashi, netincola temphi tivutsa umlilo ticancele intsaba, kutungeleta Elisha.

Jobe 34:29

Kodvwa kube uthulile, ngubani labengamsola? Nakangafihla buso bakhe, ngubani longambona? Noko ubusa etikwemuntfu netive ngalokufananako,

Tihlabelelo 33:11

Emasu aSimakadze ayawuhlala emile kuze kube phakadze; nemicabango yakhe iyawuhlala imile kuto tonkhe titukulwane.

Tihlabelelo 36:6

Kulunga kwakho kunjengetintsaba letinkhulu, tincumo takho tijule njengelwandle. Simakadze, ulondvolota bantfu netilwane.

Taga 21:30

Kuhlakanipha kwemuntfu, nekucondza kanye nemyalo longiwo sibili kungeke kukusite, nangabe kucondzene nekumelana naSimakadze.

Isaya 43:13

“Yebo, kusukela endvulo solomane Nginguye. Kute longakhulula esandleni sami. Nangenta lutfo, ngubani longakujikisa loko?”

Isaya 66:15

Bukani la, Simakadze uta ngemlilo, netincola takhe temphi tifanana nesiwunguwungwana; uyawukwehlisa intfukutselo yakhe ngalokwesabekako, nekutsetsa kwakhe kute ngemalangabi emlilo.

Jeremiya 4:13

Bukelani, usondzela ukhephuka njengemafu, tincola takhe temphi tiyayalutela njengesiwunguwungwana, emahhashi akhe agijima kwendlula tinsweti.

Danyela 4:15

Kodvwa siphunti saso netimphandze taso kuboshwe ngensimbi nangelitfusi kusale emhlabatsini, etjanini besiganga. “ ‘Lomuntfu akanetfwe ngematolo asezulwini, futsi akaphile netilwane, ahlale emkhatsini walokumila emhlabeni.

Danyela 4:35

Tonkhe tive temhlaba titsatfwa njengelite. Wenta njengobe yena atsandza kuwo emandla asezulwini nakuto tive temhlaba. Kute namunye longavimbela sandla sakhe, nome atsi kuye: ‘Sewenteni?’

Danyela 8:22

Letimphondvo letine letamila esikhundleni salolwa lolwephulwa, timele imibuso lemine leyawuvela kuleso sive, kodvwa ingeke ibe nemandla lafananako.

Zakhariya 5:1

Ngaphindza ngaphakamisa emehlo ami ngabuka, ngabona embikwami kundiza incwadzi legocotwako!

Zakhariya 6:5

Lengilosi yangiphendvula, yatsi: “Lena ngimimoya yomine yasezulwini, iyaphuma ekumeni embikwaSimakadze wemhlaba wonkhe.

Imisebenti yebaPhostoli 4:28

Bahlangana benta konkhe loko, wena ngemandla nentsandvo yakho, wawuvele ukumisenchanti kutsi kwenteke.

Kubase-Efesu 1:11

Nkulunkulu wasikhetsanchanti ngaye kutsi sibe lifa lakhe, yena lowenta konkhe ngekwentsandvo yakhe.

Kubase-Efesu 3:11

Loku wakwenta ngekwenjongo yaphakadze layifeza ngaKhristu Jesu iNkhosi yetfu.

1 Samuweli 2:8

Uphakamisa labampofu elutfulini, akhuphule labeswele etindvundvumeni temlotsa, atebahlalisa nalabahloniphekile, abente badle lifa lesihlalo sebukhosi. Ngobe tinsika temhlaba taSimakadze, umhlaba uwakhele etikwato.