Zakhariya 5:11 - Siswati 1996 Bible

¹¹ Yangiphendvula, yatsi: “Baliyisa eveni laseBhabhulona, bayakulakhela indlu khona. Itakutsi nase ilungile lendlu, bese balibeka khona lapho endzaweni yalo.”

Zakhariya 5:11 Referencias Cruzadas

Genesisi 10:10

Umbuso wakhe wacala ngeBhabheli, nase-Ereki, nase-Akhadi, konkhe kwakuseveni laseShinari.

Genesisi 11:2

Batsi basahambahamba ngasemphumalanga, bakhandza litsafa eveni laseShinari, bafike bahlala khona.

Genesisi 14:1

Emakhosi lamane: Amrafeli, inkhosi yaseShinari, na-Ariyoki, inkhosi yase-Elasare, naKhedolawomere, inkhosi yase-Elamu, naThidali, inkhosi yetive,

Isaya 11:11

Ngalelo langa Simakadze uyakwelula sandla sakhe kwesibili atibutsele imisalela yesive sakhe leyawube isasele e-Asiriya, naseGibhithe Lengentansi, neGibhithe Lengenhla, naseKushe, nase-Elamu, naseBhabhulona, naseHamathi, nasemaveni langaselwandle.

Jeremiya 29:28

Usitfumelele nangu umlayeto lapha eBhabhulona lotsi: Kusetawuba sikhatsi lesidze. Ngako-ke yakhani tindlu nihlale nitinte; hlanyelani tivandze, nidle sivuno sato.’ ”

Danyela 1:2

Simakadze wanikela Jehoyakimu, inkhosi yakaJuda, kanye naletinye timphahla tasethempelini laNkulunkulu esandleni saNebukhadnezari. Letimphahla watetfwala watiyisa ethempelini lankulunkulu wakhe kulaseBhabhulona, wafike watibeka endlini yengcebo yankulunkulu wakhe.

Hoseya 3:4

Ngako ema-Israyeli asetawuhlala emalanga lamanyenti angenambusi, angenankhosi, angenamhlatjelo nome ematje langcwele, angenasidziya sebaphristi nome sithico.

Zakhariya 5:10

Ngabuta lengilosi leyayikhuluma nami, ngatsi: “Baliyisaphi lelibhasikidi?”

Lukha 21:24

bayawubulawa ngenkemba, batsatfwe bentiwe babe titfunjwa etiveni tonkhe; nebetive bayakuyigcobagcoba iJerusalema, kuze kugcwaliseke sikhatsi sabo.”

Dutheronomi 28:59

Simakadze uyawunehlisela tinhlupho letesabekako, atehlisele ngisho nakubantfwabenu tinhlupho letimatima naletingapheli, letibuhlungu nekugula lokungenawuncamuka.