Zakhariya 4:6 - Siswati 1996 Bible

⁶ Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Zakhariya 4:6 Referencias Cruzadas

Genesisi 41:16

Josefa waphendvula watsi: “Akusimi, nkhosi, kodvwa nguNkulunkulu lotawunika Faro inchazelo lengiyo.”

1 Emakhosi 19:12

Emvakwaloko kutamatama kwemhlaba kwefika umlilo, kodvwa Simakadze abengekho kulowo mlilo. Kwatsi emvakwemlilo kwevakala liphimbo lelincane lelalikhulumela phansi.

2 Tikhronike 14:11

Asa wakhala kuSimakadze Nkulunkulu wakhe, watsi: “Hawu, Simakadze, kute lofanana nawe ngekusita lote emandla umvikele kulonemandla. Sisite, Simakadze Nkulunkulu wetfu, ngobe setsembele kuwe, futsi site kutekulwa nalemphi lenkhulu kangaka, ngobe setsembele ebitweni lakho. Awu, Simakadze, wena unguNkulunkulu wetfu; ungavumeli muntfu kutsi akuncobe.”

Ezra 2:2

Befika naZerubhabheli, naJeshuwa, naNehemiya, naSeraya, naRelaya, naModekhayi, naBilshani, naMisperethi, naBikvayi, naRehumi, naBhana. Luhla lwemadvodza esive saka-Israyeli bekungulawa:

Ezra 3:10

Batsi kube bakhi babeke sisekelo selithempeli laSimakadze, baphristi lababegcoke tembatfo tabo, baphetse emacilongo, bakanye nemaLevi, emadvodzana a-Asafa, labephetse bokhencekhence, bonkhe bema ngabolonina balungela kudvumisa Simakadze, njengobe kwakuvele kwahlelwa nguDavide, inkhosi yema-Israyeli.

Ezra 5:2

Watsi kube Zerubhabheli, umsa waSalatiyeli, naJeshuwa, umsa waJosadaki, baweve lamavi, bacala kuyakha kabusha indlu yaNkulunkulu eJerusalema. Labaphrofethi baNkulunkulu babenabo, babasita.

Tihlabelelo 33:16

Kute inkhosi lencoba sitsa ngobe inemabutfo lamanyenti, nesichwaga asincobi ngebunyenti bemandla aso.

Umshumayeli 9:11

Kukhona lokunye lengikubonile lapha ngaphansi kwemtfunti welilanga: Ematubane lamakhulu akusiwo lenta umuntfu aphumelele emncintiswaneni, nemandla akusiwo lenta uncobe ekulweni, kantsi nekudla akutfolwa ngulabahlakaniphile bodvwa, nebunjinga abusibo balabakhaliphe ngengcondvo kuphela, nemphumelelo ayisiyo yalabanelikhono; kodvwa sikhatsi nematfuba kubehlela bonkhe.

Isaya 30:1

Simakadze utsi: “Maye kulabo bantfwana labanenkhani, nakulabo labakha emasu langesiwo ami, nakulabo labenta sivumelwane kungesiko ngaMoya wami, bengete sono esonweni,

Isaya 32:15

aze Moya wasezulwini atfululelwe etikwetfu, bese kutsi lihlane libe yinsimi levundzile, nensimi levundzile ifanane nelihlatsi.

Isaya 34:16

Ase nibuke encwadzini legocotwako yaSimakadze nifundze. Kute nakunye kwaloku lokuyawusilela, kute lokuyakweswela singani sako. Ngobe ngumlomo wakhe lona lokhiphe lomyalo, naMoya wakhe uyawukubutsela ndzawonye.

Isaya 59:19

Kusukela enshonalanga kuye lapho kuphuma ngakhona lilanga, bantfu bayawulesaba Libito laSimakadze, bahloniphe bukhosi bakhe. Ngobe uyawufika njengesikhukhula semfula lokhukhulwa kuphefumula kwaSimakadze.

Danyela 2:34

Utsite usabukile, kwahleshulwa lidvwala, kodvwa alihleshulwanga tandla temuntfu. Lelidvwala lashaya lesitfombe etinyaweni taso letatitensimbi nelibumba, latiphihlita.

Hoseya 1:7

Noko ngiyakuyihawukela indlu yakaJuda; ngiyakubasindzisa, kodvwa hhayi ngebutjoki, nangenkemba, nangemphi, nangemahhashi, nangebagibeli bemahhashi, kodvwa ngiyakubasindzisa mine, Simakadze longuNkulunkulu wabo.”

Hagayi 1:1

Ngemnyaka wesibili wekubusa kwenkhosi Dariyusi ngelilanga lekucala lenyanga yesitfupha, livi laSimakadze lefika ngaHagayi, umphrofethi, kuZerubhabheli, umsa waSheyaltiyeli, umbusi wakaJuda, nakuJeshuwa, umsa waJehosadaki, umPhristi Lomkhulu, latsi:

Hagayi 2:21

“Tjela Zerubhabheli, umbusi wakaJuda, kutsi ngitawunyakatisa emazulu nemhlaba.

Zakhariya 6:12

Ufike umtjele kutsi naku lokushiwo nguSimakadze longuSomandla, utsi: ‘Nangu umuntfu lolibito lakhe nguLigala, futsi uyawuhluma akhule endzaweni yakhe, akhe lithempeli laSimakadze.

Numeri 27:16

“Shangatsi Simakadze, Nkulunkulu wemimoya yebantfu bonkhe, angabeka lenye indvodza ibe ngumholi emkhatsini walesive,

Kubase-Efesu 6:17

Nitsatse impantitje leyinsindziso, nenkemba yaMoya lelivi laNkulunkulu.

1 yaPhetro 1:12

Bona bembulelwa kutsi tiphrofetho tabo tatingakacondzani nabo, taticondzene nani, njengobe babekhuluma ngaloko nani lese nikuve ngalabo labanishumayela liVangeli ngaMoya Longcwele lophuma ezulwini. Ngisho netingilosi tiyafisa kutibona letintfo.

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”

1 Samuweli 17:47

nekutsi bonkhe labantfu lababutsene lapha bati kutsi Simakadze akasindzisi ngenkemba nangesikhali. Ngobe imphi ngeyaSimakadze, nguye lotaninikela nonkhe etandleni tetfu.”