Zakhariya 4:2 - Siswati 1996 Bible

² Yangibuta, yatsi: “Ubonani?” Ngaphendvula, ngatsi: “Ngibona lutsi lwetibane luyigolide lonkhe, lunesitja lesinemafutsa ngetulu, netibane letisikhombisa kulo, netimbobo letisikhombisa tetintsambo tetibane talo.

Zakhariya 4:2 Referencias Cruzadas

1 Tikhronike 28:15

sisindvo segolide yekwakha tintsi tetibane kanye netibane tato, nesisindvo salolo nalolo lutsi lwetibane kanye netibane talo, nesisindvo sesiliva yalolo nalolo lutsi lwesibane sesiliva netibane talo, ngekwemsebenti walolo nalolo lutsi lwesibane.

2 Tikhronike 13:11

Onkhe emalanga ekuseni nantsambama banikela kuSimakadze ngeminikelo yekushiswa nangemphepho lenuka kamnandzi. Balungisa sinkhwa etikwelitafula lelihlantekile ngekwemtsetfo, bakhanyise tibane letiselutsini lwegolide njalo nje ntsambama. Siyayigcina yonkhe imitsetfo yaSimakadze Nkulunkulu wetfu. Kodvwa nine senimlahlile.

2 Tikhronike 4:7

Wabe sewenta tintsi tesibane letilishumi tegolide, watenta njengobe abelayelwe, wase utifaka ethempelini, letisihlanu ngaseningizimu naletisihlanu ngasenyakatfo.

Umshumayeli 12:6

Mkhumbule yena, intsambo yakho yesiliva isengakadzabuki, nesitja segolide sisengakaphahlaki, imbita yemanti isengakaphahlaki ngasemtfonjeni wemanti, nelisondvo lingakephukeli ngasemtfonjeni.

Jeremiya 24:3

Simakadze wangibuta watsi: “Ye Jeremiya, ubonani?” Mine ngaphendvula ngatsi: “Ngibona emakhiwa. Lawa lamahle, mahle kakhulu, kodvwa lawa lamabi, mabi kangangekutsi angeke adleke.”

Jeremiya 52:19

Indvuna yabomahlalesangweni yatsatsa imigezelo, netitja tekushisela imphepho, netitja tekunyenyeta, nemabhodo, netintsi tetibane, netingwembe, netitja teminikelo yetinatfo, nako konkhe lokwakwentiwe ngegolide lecengekile nome ngesiliva lecengekile.

Amose 7:8

Simakadze wangibuta watsi: “Ubonani, ye Amose?” Ngatsi: “Silinganiso.” Simakadze watsi: “Buka la! Ngibeka silinganiso kubantfu bami ema-Israyeli; ngingeke ngisabacolela.

Zakhariya 5:2

Lengilosi yangibuta, yatsi: “Ubonani?” Ngaphendvula, ngatsi: “Ngibona kundiza incwadzi legocotwako, ingemamitha langaba yimfica budze, nemamitha langaba mane nesigamu bubanti.”

Sembulo 1:12

Ngase ngiyagucuka, ngentela kubona lona labekhuluma kimi; ngatsi nangigucukako, ngabona tibane tegolide letisikhombisa.

Sembulo 1:20

Imfihlakalo yaletinkhanyeti letisikhombisa lotibone esandleni sami sangesekudla, naletibane letisikhombisa ngule: Letinkhanyeti letisikhombisa tingilosi temabandla lasikhombisa; naletibane letisikhombisa ngemabandla lasikhombisa.”

Sembulo 4:5

Kulesihlalo sebukhosi bekuphuma imibane, nemavi, nekudvuma. Embikwaso bekuvutsa tidlwane letisikhombisa letingimimoya lesikhombisa yaNkulunkulu.