Zakhariya 4:14 - Siswati 1996 Bible

¹⁴ Ngako yatsi: “Laba ngulababili labagcotjelwe kutsi bakhonte Simakadze wemhlaba wonkhe.”

Zakhariya 4:14 Referencias Cruzadas

1 Emakhosi 17:1

Elija waseThishbe, labewekutalwa eThishbe kulakaGileyadi, wakhuluma ku-Ahabi watsi: “Ngelibito laSimakadze, Nkulunkulu lophilako wema-Israyeli, lengimkhontako, ngiyakutjela ngitsi kungeke kube khona ematolo ngisho nemvula kuleminyaka lembalwa letako, kuze kusho mine.”

Ezra 5:2

Watsi kube Zerubhabheli, umsa waSalatiyeli, naJeshuwa, umsa waJosadaki, baweve lamavi, bacala kuyakha kabusha indlu yaNkulunkulu eJerusalema. Labaphrofethi baNkulunkulu babenabo, babasita.

Tihlabelelo 110:4

Simakadze wafunga, futsi angeke agucuke, watsi: “Wena ungumphristi loyawuhlala akhona kuze kube phakadze ngekuma kwaMelkhisedeki.”

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Tihlabelelo 89:20

Ngimtfolile Davide, inceku yami, sengimgcobe ngemafutsa ami langcwele.

Eksodusi 29:7

Ubotsatsa lamafutsa emgcobo, uwatsele enhloko yakhe, umgcobe ngawo.

Eksodusi 40:15

Nawo lamadvodzana ubowagcoba, njengobe ugcobe uyise, khona nawo atewungikhonta njengebaphristi. Lomgcobo utawubenta babe baphristi titukulwane ngetitukulwane.”

Isaya 5:1

Ngitawuhlabelela lowo lengimtsandzako ingoma ngesivini sakhe, ngitsi: Lowo lengimtsandzako abenesivini egcumeni lelivundzile.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Jeremiya 49:19

“Njengelibhubesi nalichamuka emahlatsini aseJordane liya eveni lelinemadlelo laluhlata, ngiyawubatuma base-Edomu, ngibacoshe eveni labo. Ngubani lokhetsiwe, lengiyawumbekela loku? Ngubani lonjengami? Kona nje ngubani longangicela insayeya? Ngumuphi umelusi longamelana nami?

Levithikusi 8:12

Watsela incenye yalamafutsa emgcobo etikwenhloko ya-Aroni, amgcoba, amnikela kuSimakadze kuze abe ngcwele.

Mikha 4:13

Simakadze utsi: “Sive saseJerusalema, hambani nijezise titsa tenu, nitibhule njengemabele! Ngiyakunenta nibe nemandla njengenkunzi lenetimphondvo letiyinsimbi ibe nemasondvo elitfusi. Niyawucotfula tive letinyenti, bese kutsi umcebo letatiwutfole ngendluzula niwuletse kimi, mine Simakadze, iNkhosi yemhlaba wonkhe.”

Zakhariya 6:13

Nguye-ke longuyena loyawukwakha lithempeli laSimakadze. Uyawukwembatsiswa bukhosi, futsi uyawuhlala esihlalweni sakhe sebukhosi abuse. Uyawuba ngumphristi esihlalweni sakhe sebukhosi. Futsi-ke kuyawuba nekuvana emkhatsini walababili.’

Zakhariya 6:5

Lengilosi yangiphendvula, yatsi: “Lena ngimimoya yomine yasezulwini, iyaphuma ekumeni embikwaSimakadze wemhlaba wonkhe.

Lukha 1:19

Ingilosi yamphendvula yatsi: “NginguGabhriyeli, loma embikwaNkulunkulu, ngitfunywe kutsi ngikhulume kuwe, ngikutjele lendzaba lemnandzi.

Dutheronomi 10:8

Ngaso leso sikhatsi Simakadze wehlukanisela sive semaLevi kutsi umsebenti waso kube kwetfwala libhokisi lesivumelwane saSimakadze, nekuma embikwaSimakadze sikhonte siphimisele tibusiso egameni lakhe, njengobe sisenta nalamuhla.

Joshuwa 3:11

Ase nibuke, libhokisi lesivumelwane seNkhosi yemhlaba wonkhe litawungena eJordane kucala kunani lihamba embikwenu.

Joshuwa 3:13

Kutawutsi tinyawo tebaphristi labetfwele lelibhokisi lesivumelwane saSimakadze, iNkhosi yemhlaba wonkhe, natinyatsela emanti emfula iJordane, emanti emfula iJordane atakuma angete ageleta, lamanti lachamuka ngenhla atakuma abe yindvundvuma.”

Sembulo 11:4

Labofakazi lababili bayimincumo lemibili, netibane letimbili letime embikweNkhosi yemhlaba.

1 Samuweli 10:1

Samuweli wase utsatsa lichaga lelalinemafutsa, wawatsela enhloko yaSawula, wamanga, watsi: “Angitsi Simakadze ukugcobile kutsi ube ngumholi welifa lakhe?

1 Samuweli 16:1

Simakadze wakhuluma kuSamuweli, watsi: “Utamkhalela kuze kube ngunini Sawula, ngobe sengimalile kutsi abe yinkhosi yema-Israyeli? Gcwalisa luphondvo lwakho ngemafutsa, ungenele indlela yakho. Ngikutfuma endlini yakaJese waseBhetlehema, ngobe ngitikhetsele lomunye wemadvodzana akhe kutsi abe yinkhosi.”