Zakhariya 3:3 - Siswati 1996 Bible

³ Jeshuwa abembetse tembatfo letingcolile ngesikhatsi aseme embikwalengilosi.

Zakhariya 3:3 Referencias Cruzadas

Ezra 5:2

Watsi kube Zerubhabheli, umsa waSalatiyeli, naJeshuwa, umsa waJosadaki, baweve lamavi, bacala kuyakha kabusha indlu yaNkulunkulu eJerusalema. Labaphrofethi baNkulunkulu babenabo, babasita.

Ezra 9:15

Maye, Simakadze, Nkulunkulu wema-Israyeli, wena ulungile! Lamuhla sisele siyinsali. Lapha sisembikwakho ngenca yelicala letfu, noko kute nome munye longakhona kuma embikwakho.”

Isaya 4:4

Simakadze uyawukugeza kungcola kwalabasikati baseSiyoni; uyawuhlanta emacabhacabha engati aseJerusalema ngemoya wekwehlulela nangemoya wemlilo.

Isaya 64:5

Uyabasita labo labajabulela kwenta lokulungile, labatikhumbulako tindlela takho. Kodvwa tsine sachubeka sona, wena wasitfukutselela. Kepha siyawusindziswa kanjani?

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Danyela 9:18

Awu Nkulunkulu wami, mane ubeke indlebe, uve, vula emehlo akho ubone kubhidlitwa kwetfu nekwelidolobha lelibitwa ngeLibito lakho. Asiletsi kuncusa kwetfu kuwe, ngobe tsine silungile, kodvwa kungenca yemusa wakho lomkhulu.

YaJakobe 2:2

Nangabe emhlanganweni wenu kungena umuntfu lofake indandatho yegolide, agcoke kahle, kuphindze kungene nalomunye lophuyile, agcoke kabi,

YaJuda 1:23

Labanye basindziseni nibahlwitse emlilweni. Kodvwa labanye nibevele ngekwesaba, ningatitsintsi tingubo letingcoliswe tinkhanuko tabo letimbi.

Sembulo 19:8

Uphiwe kutsi embatsiswe ingubo yelineni lecolisakele, nalekhanyako, nalemsulwa.” Lelineni lecolisakele itento nemisebenti lelungile yalabangcwele.