Zakhariya 3:2 - Siswati 1996 Bible

² Simakadze wakhuluma kuSathane, watsi: “Simakadze uyakwekhuta wena Sathane! Simakadze, lokhetse iJerusalema, uyakukwekhuta! Lendvodza ayisiso sikhuni lesivutsako yini lesephulwe emlilweni?”

Zakhariya 3:2 Referencias Cruzadas

2 Tikhronike 6:5

‘Kusukela ngelilanga lengakhipha ngalo sive sami ema-Israyeli eveni laseGibhithe, angizange sengikhetse lidolobha kunome ngusiphi setive tema-Israyeli kutsi ngakhelwe lithempeli, lapho kutabohlala khona Libito lami, futsi angikakhetsi muntfu kutsi abe ngumholi wesive sami ema-Israyeli.

2 Tikhronike 6:6

Kodvwa nyalo sengikhetse iJerusalema kutsi Libito lami libe lapho, ngakhetsa naDavide kutsi abuse sive sami, ema-Israyeli.’

Tihlabelelo 109:31

ngobe ume ngesekudla salomphofu kutsi amsindzise kulabamgwebela intsambo.

Isaya 7:4

Ubosho kuye utsi: ‘Caphela, uthule, ume sibindzi, ungaphelelwa ngemandla ngenca yaletiphintana letibili taletikhuni letishuncako, nangekuvutsa kwelulaka lwaResini nemaSiriya akhe nelwemsa waRemaliya.

Danyela 12:1

“Ngaleso sikhatsi Mikhayeli, ingilosi lenkhulu lengumvikeli wesive sakini, uyawuvela. Kuyawuba sikhatsi sekuhlupheka lokukhulu, lesingazange sesibe khona, seloku kwacala kuba netive kuze kube nguleso sikhatsi. Kodvwa ngaleso sikhatsi, bonkhe bantfu bakini lekwatfolakala emabito abo abhaliwe encwadzini yaNkulunkulu, bayawukhululwa.

Amose 4:11

“Labanye benu ngababhubhisa njengaloku ngabhubhisa iSodoma neGomora. Nanifanana nendvuku leshako, lehlwitfwe emlilweni; noko anikabuyeli kimi,” kusho Simakadze.

Zakhariya 1:17

“Chubeka umemetele utsi: Naku lokushiwo nguSimakadze Somandla, utsi: ‘Emadolobha ami ayawuphindze aphuphume ngemnotfo, Simakadze aphindze ayidvudvute iSiyoni, akhetse iJerusalema.’ ”

Zakhariya 2:12

Simakadze uyakudla lifa lelinguJuda libe sabelo sakhe eveni lelingcwele, aphindze akhetse iJerusalema.

Makho 1:25

Jesu walekhuta watsi: “Thula! Phuma kuye!”

Makho 9:25

Jesu watsi kube abone sicumbi sibutsana, wawekhuta lomoya lomubi watsi: “Moya webumungulu nebuhhulu! Ngiyakutjela ngitsi: Phuma kuye! Ungaphindzi futsi ubuye kuye!”

Lukha 22:32

Noko sengikukhulekele, Simoni, kuze kungehluleki kukholwa kwakho. Nase uphendvukile wabuya kimi, kufanele ucinise nalabanakenu.”

Lukha 4:35

Jesu wawekhuta lomoya watsi: “Thula! Phuma futsi kulomuntfu!” Lidimoni lamjika phansi embikwabo bonkhe, noko laphuma kuye lingakamlimati.

Lukha 9:42

Watsi naketa lomfana, lidimoni lamjika phansi, waba nesitfutfwane. Jesu wawekhuta lomoya lomubi, wamphilisa lomfana, wase umbuyisela kuyise.

Johane 13:18

“Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’

KubaseRoma 16:20

Nkulunkulu, longumtfombo wekuthula, uyawumpitjita masinyane Sathane ngaphansi kwetinyawo tenu. Umusa weNkhosi yetfu Jesu awube nani.

KubaseRoma 8:33

Ngubani loyakumangalela bantfu baNkulunkulu labakhetsiwe? Kute: Ngobe ukhona Nkulunkulu lowenta umuntfu emukeleke kuye kutsi ulungile.

1 yaJohane 3:8

Umuntfu lowonako waSathane, ngobe Sathane wona kusukela ekucaleni. Kodvwa iNdvodzana yaNkulunkulu yetela kona loko, kucitsa imisebenti yaSathane.

YaJuda 1:23

Labanye basindziseni nibahlwitse emlilweni. Kodvwa labanye nibevele ngekwesaba, ningatitsintsi tingubo letingcoliswe tinkhanuko tabo letimbi.

YaJuda 1:9

Ngisho naMikhayeli, ingilosi lenkhulu, mhlazane abangisana naSathane ngesidvumbu saMosi, akazange asayikhiphe inhlamba, kuze amehlule. Lakusho nje kwaba kutsi: “INkhosi ayikukhalimele.”

Sembulo 17:14

Ayawulwa neliWundlu; kodvwa liyakuwehlula, ngobe liyiNkhosi yemakhosi neMbusi webabusi. Liyawuwancoba likanye nalababitiwe balo, labakhetsiwe nalabetsembekile.”