Zakhariya 3:1 - Siswati 1996 Bible

¹ Simakadze wabe sewungibonisa Jeshuwa, umPhristi Lomkhulu, eme embikwengilosi yaSimakadze, naSathane eme ngasesandleni sakhe sekudla atekummangalela.

Zakhariya 3:1 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

Genesisi 48:16

Shangatsi lengilosi leyangiphephisa kuto tonkhe tingoti ingababusisa labafana. Shangatsi bangabitwa ngelibito lami, nangelibito labobabe Abrahama na-Isaka. Shangatsi bangandza, babe banyenti emhlabeni.”

1 Tikhronike 21:1

Sathane wavukela sive sema-Israyeli, wabhebhetela Davide kutsi ente lubalo lwawo onkhe ema-Israyeli.

2 Tikhronike 29:11

Madvodzana ami, ningacali nibe ngulabanganaki nyalo, ngobe Simakadze unikhetsile kutsi nime embikwakhe nimsebentele, nimkhonte nishise nemphepho embikwakhe.”

Ezra 10:18

Lolu kwaba luhla lwemadvodza lwetitukulwane tebaphristi lababenebafati betive: Etitukulwaneni takaJeshuwa, umsa waJosadaki, nabomnakabo bekuboMaseya, na-Eliyezeri, naJaribi kanye naGedaliya.

Ezra 2:2

Befika naZerubhabheli, naJeshuwa, naNehemiya, naSeraya, naRelaya, naModekhayi, naBilshani, naMisperethi, naBikvayi, naRehumi, naBhana. Luhla lwemadvodza esive saka-Israyeli bekungulawa:

Ezra 5:2

Watsi kube Zerubhabheli, umsa waSalatiyeli, naJeshuwa, umsa waJosadaki, baweve lamavi, bacala kuyakha kabusha indlu yaNkulunkulu eJerusalema. Labaphrofethi baNkulunkulu babenabo, babasita.

Tihlabelelo 106:23

Ngako-ke watsi utababhubhisa, kepha Mosi, lokhetsiwe wakhe, wema emkhatsini, wabalamlela ngekubashweletela kuNkulunkulu, kutsi lulaka lwakhe lungababhubhisi.

Tihlabelelo 109:6

Bakhuluma batsi: “Akagwetjwe ngumehluleli lomubi, ummangaleli wakhe amelane naye.

Jeremiya 15:19

Ngako-ke naku lokushiwo nguSimakadze, utsi: “Nawuphendvuka, ngiyawukubutsa, khona utekungikhonta; nawukhuluma emavi lafanelekile, hhayi emavi langenamsebenti, uyawuba lincusa lami. Labantfu abagucukele kuwe, kodvwa wena ungagucukeli kubo.

Hezekeli 44:11

Angakhonta endzaweni yami lengcwele, engamele emasango alelithempeli, akhonte ngekhatsi kulo; angabahlabela bantfu iminikelo yabo yekushiswa kanye nemihlatjelo, eme embikwebantfu, abakhonte.

Hezekeli 44:15

“ ‘Kodvwa baphristi, labangemaLevi lababatukulu baSadoki, labebayenta ngekwetsembeka imisebenti yendzawo yami lengcwele ngesikhatsi ema-Israyeli aphambuka kimi, kufanele bona basondzele batewukhonta embikwami. Kufanele beme embikwami batewunikela ngemhlatjelo wemanoni newengati, kusho iNkhosi Simakadze.

Hagayi 1:1

Ngemnyaka wesibili wekubusa kwenkhosi Dariyusi ngelilanga lekucala lenyanga yesitfupha, livi laSimakadze lefika ngaHagayi, umphrofethi, kuZerubhabheli, umsa waSheyaltiyeli, umbusi wakaJuda, nakuJeshuwa, umsa waJehosadaki, umPhristi Lomkhulu, latsi:

Hagayi 1:12

Ngako-ke boZerubhabheli, umsa waSheyaltiyeli, naJeshuwa, umsa waJehosadaki, umPhristi Lomkhulu, nayo yonkhe insali yesive yalilalela livi laSimakadze Nkulunkulu wabo nemavi emphrofethi Hagayi, ngobe Simakadze longuNkulunkulu wabo abemtfumile. Bantfu base badvumisa Simakadze.

Hagayi 2:4

Kodvwa-ke nyalo cinani, wena Zerubhabheli, nawe Jeshuwa, msa waJehosadaki, umPhristi Lomkhulu. Cinani nonkhe nine bantfu balelive,’ kusho Simakadze, ‘sebentani, ngobe mine nginani,’ kusho Simakadze longuSomandla.

Zakhariya 1:13

Ngako Simakadze wakhuluma emavi lamnandzi ekudvudvuta kulengilosi leyayikhuluma nami.

Zakhariya 1:19

Ngabe sengibuta lengilosi leyayikhuluma nami, ngatsi: “Kuyini loku?” Yangiphendvula, yatsi: “Leti timphondvo letasakata Juda, na-Israyeli kanye neJerusalema.”

Zakhariya 1:9

Ngabuta ngatsi: “Nkhosi yami, bayini laba?” Bekunengilosi lebeyikhuluma nami, yaphendvula, yatsi: “Ngitakubonisa kutsi bayini.”

Zakhariya 2:3

Lengilosi leyayikhuluma kimi yesuka yahamba, kwefika lenye ingilosi iteyihlangabeta,

Zakhariya 3:8

“ ‘Lalela, wena mPhristi Lomkhulu Jeshuwa, kanye nalabo bangani bakho labahleti embikwakho, labangemadvodza lasibonakaliso setintfo letitako: Ngitawuletsa inceku yami, Ligala.

Zakhariya 4:14

Ngako yatsi: “Laba ngulababili labagcotjelwe kutsi bakhonte Simakadze wemhlaba wonkhe.”

Zakhariya 6:11

Ubotsatsa lesiliva negolide, wakhe ngayo umchele, bese uwubeka enhloko yemPhristi Lomkhulu, Jeshuwa, umsa waJosadaki.

Malakhi 3:1

“Bukani la, ngiyawutfumela sitfunywa sami, lesiyawulungisa indlela embikwami. Masinyane loSimakadze lenimfunako uyakuta ethempelini lakhe. Yebo, sitfunywa sesivumelwane lenisifisako siyawufika,” kusho Simakadze longuSomandla.

Lukha 21:36

Lindzani nithandaze onkhe emalanga, khona nitawuba nemandla ekuphunyula kuletintfo letitakwenteka nitekwati kuma embikweNdvodzana yeMuntfu.”

Lukha 22:31

“Simoni! Simoni! Lalela! Sathane sewucele imvume kuNkulunkulu yekunilinga, njengemfati ela emabele awehlukanisa nemakhoba.

Dutheronomi 10:8

Ngaso leso sikhatsi Simakadze wehlukanisela sive semaLevi kutsi umsebenti waso kube kwetfwala libhokisi lesivumelwane saSimakadze, nekuma embikwaSimakadze sikhonte siphimisele tibusiso egameni lakhe, njengobe sisenta nalamuhla.

Dutheronomi 18:15

Simakadze Nkulunkulu wenu uyawunivusela umphrofethi lonjengami emkhatsini wabomnakenu. Kufanele nimlalele.

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.

1 Samuweli 6:20

bantfu baseBhethi Shemeshi babuta batsi: “Ngubani longema ebukhoneni baSimakadze, loNkulunkulu longcwele? Lelibhokisi lesivumelwane litawuya kabani nalikhuphuka lapha?”