Zakhariya 2:1 - Siswati 1996 Bible

¹ Ngase ngiphakamisa emehlo ami ngabuka, ngabona embikwami kume indvodza leyayiphetse intsambo yekukala esandleni sayo.

Zakhariya 2:1 Referencias Cruzadas

Isaya 54:16

“Buka la, ngimi lowadala umbumbi wetetinsimbi, lovutsela emalahle kutsi abe lilangabi, ente sikhali silungele umsebenti waso. Futsi ngimi lowadala umbhubhisi kutsi ente imbhubhiso;

Jeremiya 31:39

Intsambo yekulinganisa iyakweluleka kusukela lapho kuye entsabeni iGarebi, isuke lapho ijikele ngaseGowa.

Jeremiya 48:25

Luphondvo lwaMowabi lujubekile, luganyuliwe, nemkhono wakhe uganyuliwe,” kusho Simakadze.

Hezekeli 40:3

Wangiyisa khona, ngafike ngabona indvodza leyayibukeka njengelitfusi; yayime esangweni inelucotfo lwelineni nendvuku yekulinganisa esandleni sayo.

Hezekeli 40:5

Ngabona lubondza lolutungelete yonkhe lendzawo yelithempeli. Budze balendvuku yekulinganisa leyayisesandleni salendvodza babungemamitha labengaba matsatfu, wakala lolubondza. Lwalungemamitha labengaba matsatfu kuphakama, nemamitha labengaba matsatfu bucinsi balo.

Hezekeli 47:3

Ngalendvuku yayo yekukala lendvodza yase ikala emamitha labengaba ngema-500 kwehla nalomfudlana, abheka ngasemphumalanga, yase ingitjela kutsi angiklabhute kulomfula khona lapho. Emanti akhuphuka efika emacakaleni.

Hezekeli 47:4

Yaphindza yakala lamanye emamitha labengaba ngema-500 emanti akhuphukela emadvolweni. Yakala lamanye futsi emamitha labengaba ngema-500 kwewuka, emanti efika elukhalo.

Danyela 7:7

“Emvakwaloko, embonweni wami ebusuku ngabuka, ngabona embikwami lesinye futsi silo sesine, sasesabeka, setfusana kakhulu futsi sinemandla lamakhulu. Sasinetimbabela tematinyo ensimbi, sasikufihlita sikushwabudzele loko lesikubambile sigcobagcobe loku lokwakusele kwako ngetinselo taso. Sasehlukile kuto tonkhe leta takucala tilo, futsi sasinetimphondvo letilishumi.

Zakhariya 1:16

“Ngako-ke, naku lokushiwo nguSimakadze, utsi: ‘Ngiyawubuyela ngesihawu eJerusalema, ngulapho kuyawukwakhiwa khona kabusha indlu yami. Intsambo yekukala iyakwelulelwa etikweJerusalema, yakhiwe kabusha,’ kusho Simakadze longuSomandla.

Zakhariya 1:18

Ngase ngiphakamisa emehlo ami ngabuka, ngabona embikwami kunetimphondvo letine.

Sembulo 11:1

Ngase nginikwa umhlanga lowawufana nendvuku yekulinganisa, ngatjelwa naku: “Sukuma ulinganise lithempeli laNkulunkulu, nelilati, nalabo labakhonta kulo.

Sembulo 21:15

Lengilosi lebeyikhuluma nami beyiphetse indvuku yegolide yekukala lelikhaya, nemasango alo kanye nelubondza lwalo.