Zakhariya 14:5 - Siswati 1996 Bible

⁵ Niyawubalekela ngasesigodzini sentsaba yami, ngobe lesigodzi siyawufikela e-Aseli. Yebo, niyawubaleka njengamhlazane nibalekela kutamatama kwemhlaba ngesikhatsi sa-Uziya, inkhosi yakaJuda. Simakadze-ke longuNkulunkulu wami uyawube sewuyefika kanye nabo bonkhe labangcwele bakhe.

Zakhariya 14:5 Referencias Cruzadas

Tihlabelelo 96:13

embikwaSimakadze, ngobe uyeta, yebo, uyeta kutakwehlulela umhlaba. Uyakwehlulela umhlaba ngekulunga, yebo, ehlulele tive ngekwetsembeka kwakhe.

Tihlabelelo 98:9

embikwaSimakadze, ngobe uyeta kutakwehlulela umhlaba ngekulunga, yebo, ehlulele tive ngebucotfo.

Isaya 29:6

Simakadze longuSomandla uyakuta ngekudvuma nangekutamatama kwemhlaba, nangemsindvo lomkhulu, nangesikhukhula semoya nesihhushuhhushu, nangemalangabi emlilo lodlako.

Joweli 3:11

Sheshisani nite, nonkhe nine tive, tindzawo tonkhe, nihlanganele lapho.’ ” Awu, Simakadze, yehlisa emabutfo akho!

Amose 1:1

Lawa ngemavi a-Amose, lomunye webantfu lababefuye timvu eThekhowa, ngaloko lakuboniswa lokumacondzana nema-Israyeli iminyaka lemibili umhlaba ungakatamatami, ngesikhatsi Uziya ayinkhosi yakaJuda, Jerobowamu, umsa waJehoyashi, ayinkhosi yaka-Israyeli.

Mikha 1:11

Nine takhamiti taseShafiri, tidzingiseni nihlazekile, ningcunu. Takhamiti taseSanani tesaba kuphuma edolobheni lato. Nawuva takhamiti taseBethi Eseli tilila, uyawuvele ubone kutsi kute siphephelo lapho.

Zakhariya 4:7

“Uyini wena, wena ntsaba lenemandla? EmbikwaZerubhabheli uyawuba litsafa lelibekile. Yena-ke uyawubeka litje lekwephetsa lithempeli, kumenyetwe kutsiwe: ‘Nkulunkulu akalibusise! Nkulunkulu akalibusise!’ ”

Numeri 16:34

Ekukhaleni kwabo onkhe ema-Israyeli labesedvutane abaleka, amemeta atsi: “Umhlaba utasimita natsi futsi.”

Matewu 16:27

Ngobe iNdvodzana yeMuntfu iyawufika ngenkhatimulo yeYise, ikanye netingilosi tayo, ngulapho-ke iyawukhokhela wonkhe umuntfu njengekwenta kwakhe.

Matewu 24:3

Watsi Jesu asehleti eNtsabeni Yemincumo, bafundzi bakhe beta kuye ngasense, batsi: “Sitjele kutsi letintfo tiyakwenteka nini, kuyakwentekani lokuyawukhombisa kutsi sesikhatsi sekubuya kwakho nekutsi sekuphela kwetikhatsi?”

Matewu 25:31

“INdvodzana yeMuntfu nayita ngenkhatimulo yayo netingilosi tayo tonkhe, iyawuhlala esihlalweni sayo sebukhosi,

Lukha 21:27

Kusenjalo iNdvodzana yeMuntfu iyawubonakala, ita ngelifu ngemandla lamakhulu neludvumo.

Dutheronomi 33:2

Wakhuluma watsi: “Simakadze wachamuka eSinayi, kwasa kitsi nakavela eSeyiri, wakhanya aseNtsabeni iPharani. Wefika achamuka etinkhulungwaneni talabangcwele, weta kuvutsa umlilo ngasesandleni sakhe sangesekudla.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

2 kubaseThesalonika 2:8

bese-ke lowo longenamtsetfo uyembulwa; Jesu iNkhosi uyawumbhubhisa ngemoya wemlomo wakhe, amcedze ngekubonakala kwenkhatimulo yekufika kwakhe.

YaJakobe 5:8

Nani-ke beketelani. Cinisani tinhlitiyo tenu, ngobe kubuya kweNkhosi sekusondzele.

Sembulo 11:13

Ngaso leso sikhatsi kwaba khona kutamatama lokukhulu kwemhlaba, incenye yelishumi yelidolobha yabhidlika. Kwafa bantfu lababeti-7 000 kuloko kutamatama, laba labanye batfutfumela badvumisa Nkulunkulu welizulu.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 20:4

Ngase ngibona tihlalo tebukhosi, labo bebahleti kuto banikwa emandla ekwehlulela. Ngabona nemiphefumulo yalabo bebancunywe tinhloko ngenca yekufakaza kwabo ngaJesu, nangenca yekushumayela kwabo livi laNkulunkulu. Abazange bavume kusikhonta lesilo nome umfanekiso waso, abazange balwemukela neluphawu lwaso emabuntini abo nasetandleni tabo. Bavuka ekufeni, babusa naKhristu iminyaka leyinkhulungwane.